[ 白蓮羣英惡鬥蛇貓門] 港漫綜合討論區 33

Victor 往事(上）

Victor原名葉天生，自從葉挺盲咗之後，拳館沒落，老母响佢六歲生日當日走佬，葉挺三個徒弟乘機趕佢兩父子七街訓，天生只有以擦鞋為業，不過又俾其他擦鞋仔打，葉挺決定傳詠春俾天生等佢可以保護自己，到十三歲時，天生詠春已有極高造詣，可惜此時葉挺患上肺癆收咗工，天生決定隱藏身份去到名古屋做童工

十五歲嘅時候，佢聽聞當地有一合氣道高手，天生決定拜師學合氣道掩蓋自己識得詠春，原本高手唔想收強国人為徒，不過高手嗰女小菊幫口，卒之天生可以入門學合氣道，兩年過後，高手幫天生安排入籍日本，仲改名為Victor ，十八歲嗰年，Victor 已盡得高手真傳，佢亦成功溝到小菊，於是乎Victor 回到家鄉拳館，同銀鷹之前一樣去踢館準備開始復仇之路

回到現在，小蛇因內傷之故，俾Victor 佔盡上風，打足七八頁，卒之小蛇敗象已現，此時護送媚娘同小蛇嘅司機一線牽，見小蛇不敵，終於出手，此人乃劍魔弟子，使用一把14尺長軟劍，跟住又係一頁功夫介紹，一線牽乃劍魔大弟子，獲授紫電神功及丈八劍法

小蛇見有人幫拖，乘機運功療傷培元，Victor 同一線牽開拖，開打之前又介紹吓Victor 武功，佢自創合氣詠春拳，更得銀鷹傳授涅槃鷹爪功同洗髓經，Victor 亦已練至五級洗髓經之中嘅第四級一開波一線牽已經使出奇招，軟劍捲上Victor 左臂，Victor 隨時變傷殘人仕