[ 白蓮羣英惡鬥蛇貓門] 港漫綜合討論區 33

今期蛇貓：第一段係鐵將軍往事，鐵將軍原來係駐韓美軍女女女一個韓國女人所生，所以自幼就送入孤兒院生活，而該孤兒院原來係蔘幫控制，女仔大咗就捉去做鷄，男嘅就賣器宮，甚至係俾基佬玩後庭，童年時嘅鐵將軍同另一名叫阿龍嘅孤兒，俾兩個美軍搞，完事之後，性情大變，變得不擇手段
有一次鐵將軍呃其他孤兒搞反抗，其他人衝嘅時候，佢同阿龍就周圍放火自己鬆，終於逃離成功，不過當時天寒地凍，就嚟凍死兩條細路之際，有一無名神僧救咗佢哋，仲傳佢哋少林鐵布衫同其他武功，數年間，鐵將軍已練成鐵布衫第六層，而阿龍亦都去到第五層，到佢哋二十歲，正式離開神僧外出闖一番天下，神僧老早已察覺二人心術走歪，希望以佛法點化，但最後亦唔成功
二人分別投身羅剎教同白蓮教，阿龍成為鐵護法鐵龍，最後被老妖用分屍殺收皮，鐵將軍則於白蓮教撈得風生水起，掌握財政大權，更因凡事機關算盡，得綽號算王，而佢亦都係傾向日聖使
另一段往事：十三年前，白無常去韓國投靠黑無常，二人經營賭坊，一次黑幫仇殺，黑白無常帶埋二十人同百幾人開拖，最後死剩佢兩兄弟，月聖使聞訊趕至，見到兩條友受重傷準備收皮之際，用內力救番佢哋，自此黑白無常成為月聖使死士
小貓被黑白無常準備用二馬分屍之際，一招二龍爭珠將兩條友頭撞頭，再用毒龍鑽離心力擺脫兩條友，突然鬼將軍加入4P，好似在基龍已經調息上番第六關，用雙節棍打到黑白二人仆街，鬼將軍乘機叫小貓投降，仲話埋俾佢知小蛇亦都响白蓮手上，但到頭來都係傾唔掂數，小貓諗住捉住鬼將軍做人質，於是乎又再開拖，最後小貓一招虎尾腳踼中鬼將軍