[ 白蓮羣英惡鬥蛇貓門] 港漫綜合討論區 33

羅剎行宮內，銀鷹正向老邪報告，王小蛇响三叔手中逃脫，老邪大鬧三叔冇鬼用，銀鷹表示三叔只係大意，亦道出王風雷武功比三叔更高，老邪命銀鷹查察小蛇下落
銀鷹離開行宮，心諗如果由佢出手，早已經收蛇貓門皮，原來銀鷹係獵人出身，五十年前已經同佢老豆響長白山打獵過活，年紀小小已經練成一身打獵本領，十歲時，佢同老豆遇到一隻東北虎，費盡九牛二虎之力終於擊殺老虎，不過佢老豆亦都重傷，知道自己收得皮，銀鷹老豆同佢講，自己係二次世界大戰後流落強国，銀鷹亦都係日本人，佢希望銀鷹能夠回歸祖國
銀鷹離開長白山之後沿路行乞，為咗求主，拜入北少林，其資質得達摩堂首座另眼相看，得傳洗髓經，少林鷹爪功同六識法印，十年過後，銀鷹武功已經超越師傅，於是殺師傅同其他師兄弟，回歸祖國
返到日本，銀鷹先參拜靖國神社，再不停去中華街踢館，最後去咗一間詠春拳館挑戰館主葉挺，舘主個仔疑似Victor 不過今次挑戰似乎唔易食
小貓同鬼將軍過招，中途小貓又踢人對波同屎忽仲有小腹，乘機抽鬼將軍水，基龍同黑白無常打成三四頁，卒之等到佢哋藥力過咗，重傷訓低，小貓响呢個時候，踢飛佢面具，露出左邊爛面，鬼將軍大怒，啪丸仔準備同小貓死過