[ 白蓮羣英惡鬥蛇貓門] 港漫綜合討論區 33

銀鷹葉挺打咗幾個回合，銀鷹始終打唔贏詠春三件頭，只能夠懷恨離開，十日後，葉挺帶住個仔葉天生行行吓街，一黑衣人捉住天生擲向葉挺，葉挺接住個仔，不過就俾黑衣人奪去雙目，其後日本差佬查出係銀鷹做嘅，正所謂：功夫再好，都敵唔過洋槍，被囚禁於拘留室
之後羅剎六騎士當奴，嚟到招攬佢，於是銀鹰加入羅剎教做小嘍囉，一年後一次行動，銀鷹刻意唔出手，等當奴重傷收埋佢皮，乘機坐佢個位，之後銀鷹上位成為銀護法，仲同金聖僧不和，老邪出面調停，決定三日後比武定邊個係金護法，決鬥前一日，教中奇人本因坊算砂召見加𥸎鷹，叫佢北上泡菜國發展，因為日後羅剎有一大劫，要佢留响泡菜國保留實力，仲獲得錦囊一個同易筋經乙本，決戰當日，銀鷹詐敗，乘機去埋南韓，仲同白蓮教打好關係，賺取大量金錢以備不時之需，仲招兵買馬成立自己班底，終於羅剎大刧發生，金鐵護法同勇哥收皮，老邪重出江湖於南韓準備東山再起
啪咗丸仔嘅鬼將軍，暫時可以同小貓打到平手，打到途中鬼將軍一招殮衣裹屍，高踭鞋插小貓喉嚨，雙手抓膝頭筋腱，要小貓唔死都殘廢，小貓一招滾地龍擺脫，不過鬼將軍再一招陰疽纏身，要咬斷小貓大動脈，小貓一招二龍爭珠，前批踭，後腳踢鬼將軍面門，終於再度脫身，鬼將軍發覺唔對路走人，小貓狂追，終於去到四號實驗室，毒將軍已經久候多時