[ 白蓮羣英惡鬥蛇貓門] 港漫綜合討論區 33

小貓同毒將軍開拖，佢驚中毒，想速戰速決，不過毒將軍奇招百出，首先放條大蜈蚣咬小貓，小貓眼明手快夾爆蜈蚣，不過毒汁亦都令小貓中毒，此時基龍調息完畢加入，小貓叫佢小心毒煙，仲睇緊啲鬼將軍

戰鬥再起，小貓立意以快打慢，速戰速決，不過兩條友中咗毒煙，開始出現幻覺，毒將軍乘機放出三條蛇仔，其中一條咬中小貓，小貓大怒使出電光毒龍鑽一嘢鑽到毒將軍重傷飛出花園，毒將軍乘機走佬，掉低鬼將軍唔理

此時日本差佬終於趕到，拉咗鬼將軍，此次大戰，碎骨門全軍覆沒，黑白無常醫番都成廢人

小貓中咗毒，但係驅唔出體外，仲有手尾跟，石武夫亦都係有機會成為植物人，谷次郎全國通緝毒將軍希望幫小貓解毒，小貓從手機簡訊得知小蛇已經被媚娘救走，準備療傷解毒之後進軍南泡

另一方面，媚娘同小蛇不斷換車以防追蹤，不過仍然有內鬼通知銀鷹，佢徒弟小鷹王自告𡚒勇出戰，小蛇同媚娘終於去到安全屋，媚娘助小蛇療傷，終於寒勁驅散，小蛇回復五成功力，媚娘此時自爆身份，小蛇大怒準備離開，不過呢個時候，自稱Victor嘅小鷹王好型咁企喺直升機側門，準備活捉小蛇

雖然我唔想知

第一頁又係好重玉郎味，介紹Victor同兩件蛋散鐵鵬同火鳩，重點係Victor 已有加籐鷹六成真傳
Victor 好型咁由直升機帶住兩件卒仔跳落地，媚娘出屋帶劍迎接，三條友見只係得一個女人出嚟，Victor索性周圍影吓相打卡，叫兩條蛋散搞惦佢，仲叫佢地只可活捉，不可傷人，鐵鵬首先接戰媚娘，媚娘唔講武德，用劍對鐵鵬空手，佔據上風，Victor乘機用電話記錄戰況，火鳩加入戰圈玩3P，小蛇終於忍唔住出手加入4P，火鳩對小蛇，可惜小蛇只係回復三，四成功力，對住火鳩力不從心，媚娘有見及此，提升功力到三陽，但畢竟對敵經驗淺，兩三下就俾鐵鵬扭到把劍用唔到，仲食咗一腳中小腹
小蛇本身功力高過火鳩，可惜受制於內傷，別無選擇提升功力去到降龍伏虎氣上階，卒之一招二龍爭珠打到火鳩眼都突埋兼吐血，Victor到呢個時候仲係卦住影相同片
羅剎女同蛇煞响日本同老邪視像會議報名富士急戰果，串白蓮教冇Q用，之後交帶羅剎女一件事
當晚，羅剎女同蛇煞推本因坊算砂去羅剎聖殿，到達西城勇條屍前面，原來條屍仲未火花，仍然被冰封，究竟老邪叫羅剎女佢哋搵勇哥條屍做乜？

之前鍾生佢哋復活老天尊就俾班廢老屌到仆街，但係老天尊有九死邪功仲算講得通，今次擺明銷量唔惦要復活西城勇，咁不如好似鍾生原意咁整死老邪好過啦