其實如果關羽無失荊州 劉備無打東吳 有冇可能遲d光復大漢？

由關羽水淹七軍到軍敗被殺得半年時間
請問點做你講個堆野

漢中出涼州, 要過秦岭山脈, 運輸非常因難

涼州入關中先係平原地帶,運輸先容易

點冇預備隊

之後打廚房堆臨時東拼西湊既雜牌軍輸到仆街啦

羽围仁於樊，又围将军吕常於襄阳。晃所将多新卒，以羽难与争锋，遂前至阳陵陂屯。太祖复还，遣将军徐商、吕建等诣晃，令曰：“须兵马集至，乃俱前。”贼屯偃城。

徐晃手下個班都係新兵, 佢係等曹操派d主力到左先敢同關羽打

就係講緊關羽太急進
我講果毎戰略當然係要幾年去做
仲要分幾次
唔係關羽一次北伐

所以拎關中係關鍵
漢中戰後如果可以同孫吳組堅實同盟
荊州合肥漢中三路夾攻曹
劉拎關中以西，孫拎晒全個荊州
咁先係真正有效既三分天下
諸葛亮個諗法太低估東吳
正宗當人老襯仲會幫你數錢

無計, 水淹七軍太過成功, 改變左成個形勢,

關羽個邊d殺唔停, 想再進一步打入關中

曹魏孫吳兩邊都怕左佢, 直接聯手攻荊州

關羽有幾冒進
襄陽同江陵
行兩日都到

請問分幾步應該分邊幾步呢
關羽沿住漢水北上第一個重鎮就係襄樊
唔打襄樊唔通去郊遊呀？

你要係番當時佢地嫁角度睇

個陣孫吳一直有同曹魏係合肥打, 但一次都無贏過

比你係劉備, 見到佢地打成禁, 你有信心比左荆州佢地, 就可以打得贏？

萬一孫吳輸左, 成個荊州比曹魏食左, 禁咪仲大獲？

再黎個時劉備係漢中d部隊, 全部都打完仗無耐, 要時間休息+補給, 無能力再打涼州

但如果大家一齊休息, 曹魏個邊做血能力更加強, 到時劉備個邊只會愈來愈劣勢

所以最好ga方法, 係一邊派荊州d新力軍去同曹魏打, 唔比時間佢地休養, 一邊係漢中備戰, 等時機成熟再出兵打凉州同關中

關羽佢地其實都有防備過孫吳會偷襲, 有做過準備（起峰火台, 留部分後備部隊守城）, 不過關羽自己用錯二五仔守城, 直接開門俾孫吳, 先會輸得禁慘

係劉備任命 關羽邊度黎權任命二千石嘅太守

太守同守城嫁將軍係唔同嫁wo

而且實際上, 當時劉備登基做左漢中王之後, 俾關羽假節鉞, 權力比太守仲要高, 等於佢係成個荊州最高級官員+軍事統领, 有權做所有決定, 包括任名咩野官員同將軍

假節龯完全不具備你講嘅權力
就算係兩晉南北朝時候假節龯最多都係戰時可以斬違反軍令嘅節將
你覺得一個中央政府會下放第三級官員嘅權力比地方？搞笑咩

詳細可以參考返上面嘅 #88 同#100

只要係戰爭時期, 假節钺就可以takeover曬, 有咩官佢想要换就可以換, 最多斬頭再換

至於點算戰爭時期, 只要關羽話出兵就算係, 完全係佢自己定義

曹操本隊唔可能係應該好多都係新兵/預備隊, 無咩打過仗
曹操親自帶嘅中軍
（建安二十三年）秋七月，治兵，遂西征劉備，九月，至長安。
曹操係親自係鄴城整軍而來，而曹操嘅中軍精銳其實係早已經打左一場
（正月）（中護軍）曹洪破吳蘭，斬其將任夔等。三月，張飛、馬超走漢中，陰平氐強端斬吳蘭，傳其首。
只係曹操嘅中軍係防止劉備偏師攻打武都陰平，劉備軍失利
（ 二十三年，先主率諸將進兵漢中。分遣將軍吳蘭、雷銅等入武都，皆為曹公軍所沒。先主次于陽平關，與淵、郃等相拒。）
而之後劉備一著漂亮嘅繞後
自陽平南渡沔水，緣山稍前，於定軍山勢作營。
帶主力繞後定軍山霸佔漢中南方高地準備一股作氣切斷陽平關曹軍後路
，所以攻守異形，到夏候淵同張郃要帶兵攻打劉備
就係依個交戰中夏侯淵大意冒進
淵使張郃護東圍，自將輕兵護南圍。備挑郃戰，郃軍不利。淵分所將兵半助郃，為備所襲，淵遂戰死。
一軍主帥帶輕兵修工事再分兵一半比張郃（以精卒萬餘，分為十部，夜急攻郃。郃率親兵搏戰，備不能克。）
咁曹軍主要嘅損失就係夏侯淵帶嘅依一半前軍到

到曹操親來嘅時候，劉備已經據險自守，曹操中軍主力損失就係攻堅過程中嘅亡者日多，而曹真作為中領軍帶虎豹騎：（曹真）從（曹操）至長安，領中領軍。是時，夏侯淵沒於陽平，太祖憂之。以真為征蜀護軍，督徐晃等破劉備別將高詳於陽平。
都係同劉備偏師打得有來回，所以你好難話曹操中軍係漢中受到重大打擊，曹操退兵係因為後勤跟唔上（漢水一線被趙雲打斷糧道：數千萬囊......惟以戎弩於後射公軍，公軍驚駭，自相蹂踐，墮漢水中死者甚多。)
所以後來襄樊曹操仲可以派于禁帶三萬人七軍支援，而于禁七軍都唔太可能係曹操中軍嘅全部（因為曹休 曹洪 曹真 三個最重要嘅中軍將領都無係襄樊作戰嘅記錄）
而曹軍多新兵記載都只係限於未得十二營兵力嘅徐晃
（結果得到十二營兵力嘅自己就打敗左只有五千機動兵力嘅關羽，仲未計張遼同兗豫兩州州兵）

梗係唔係啦大佬
我唔知你自以為假節龯係戰時近乎無限嘅權力典出何處
我係#100比左好詳細嘅說明到底假節係漢末三國係咩
就算係權力明確化左嘅兩晉，假節龯都只可以不經上報斬殺違反軍令嘅人
都督諸軍為上，臨諸軍次之，督諸軍為下；使持節為上，持節次之，假節為下。使持節得殺二千石以下；持節殺無官位人，若軍事，得與使持節同；假節唯軍事得殺犯軍令者。
假節鉞係授於係當地軍事指揮權，即係關羽可以指揮荊州諸軍嘅權力（不然前將軍不一定可以指揮諸軍的），而可以指揮同可以任免根本係兩回事
更何況不論係糜芳定士仁都明顯係二千石品秩嘅官員，連持節都不可以未經上奏就斬殺，邊到黎關羽可以換佢地
一係咁，你係漢末三國搵唔搵持/假節大臣未經上奏就換左個太守/雜號將軍落黎？

所以你好難話曹操中軍係漢中受到重大打擊，曹操退兵係因為後勤跟唔上

公軍驚駭，自相蹂踐，墮漢水中死者甚多

禁多唔算重大打撃？

所以後來襄樊曹操仲可以派于禁帶三萬人七軍支援，而于禁七軍都唔太可能係曹操中軍嘅全部


于禁點止三萬人, 一軍都過萬人, 七軍起埋7-8萬人

個時曹魏全國上下得大約30-40萬人, 關羽一下水淹七軍就消滅左四分一左右, 仲要大部分都係精英部隊, 你估曹操之後帶過黎有幾多兵真係打過仗？就算唔係新兵, 好多都只會係守城部隊/弱旅, 戰鬥力絕對同之前于禁個班唔係一個level

咁問題黎啦 點樣同孫權結成堅實同盟

咪就係俾返荊州孫權
約束關羽同孫權結親
關羽帶荊州班有生力量入蜀
一來守蜀解放劉備隊漢中軍可以繼續北伐
二來如果孫權打襄陽唔惦
甚至輸返轉頭佢都仲有軍力幫守/拎返荊州

華陽國志劉先主傳：魏王遣左將軍于禁督七軍三萬人救樊，漢水暴長，皆為羽所獲。

佢地d家屬點

但係劉備已經按孫權要求割左湘東三郡比孫權結果一係投書自效白衣渡江
唔知你地好多人點解覺得劉備無分荊州比孫權，係劉備分左（雖然過程好醜陋）孫權一樣貪得無厭而背盟
咁你點知孫權依種得一就想二嘅投機分子，係劉備再加碼送埋湘西三郡之後會堅實同盟呢
現實世界中後權破關羽，欲進圖蜀
呂蒙就話不如取羽，全據長江，形勢益張
令征虜守南郡，潘璋住白帝，蔣欽將游兵萬人，循江上下，應敵所在，蒙為國家前據襄陽
魯肅就話竟長江所極，據而有之
孫權得長沙就想江陵，得江陵就想白帝，得白帝就想川蜀，你地憑咩覺得割孫權地可以滿足到佢嘅野心
再咁割落去劉備幫孫權打工，打到去西藏抗曹先掂