其實如果關羽無失荊州 劉備無打東吳 有冇可能遲d光復大漢？

主要係儒學世家要有經濟基礎先會發展
咁自然係集中係最為富有嘅華北平原
就算去到隋唐之際主流嘅世家都係北方人

你都識講孫十萬

水淹七軍果刻，佢知道中原幾乎真空
呢個機會千載難逢

唔係曹仁苦苦支撐，關羽應該夠膽派支輕騎去許都插漢中王旗

放馬超入涼州呢啲唔叫鎮住，呢啲係比埋錢比埋兵佢去建國

無，因為魏國人口同生產力先天上贏晒。

最後都係大家鬥長命睇下邊個自爆先

咁又未咁誇張 至少曹操仲帶住中軍係洛陽
冬十月，軍還洛陽。孫權遣使上書，以討關羽自效。王自洛陽南征羽，未至，晃攻羽，破之，羽走，仁圍解。王軍摩陂。

關羽圍曹仁於樊，會權稱藩，召遼及諸軍悉還救仁。遼未至，徐晃已破關羽，仁圍解
張遼帶兵支援

關羽即使不被偷襲都係強弩之末啦

後期無人唔係武將問題，係成個中原都無哂人

咁就唔會有東漢西漢叫法，可能前漢中漢後漢咁叫

另外曹操孫權班軍閥會變哂反賊，唔會好似而家咁亦正亦邪

不過如果劉備有氣魄好似當年孫吳放任佢比佢坐大咁，願意睇到馬超自己當家作主自己，呢個if劇情可能有啲睇頭

真係全力支持馬超再領西涼，如果keep到做盟友既話，咁往後係雍涼既局面應該無咁一面倒，
好運既話，真係可能「長安以西，非國家復有」

晉一統一就爆左好多人口出黎，戰亂時代做唔到統計

而家"昭烈帝"個朵已經好型

馬超得既就唔會比班地方豪族殺晒全家

再講吳冇放任佢比佢坐大呀

馬超有前科, 以前佢老豆馬騰俾曹操朝安入朝為官, 之後曹操想借道行經佢地盤打漢中, 條友仔怕曹操借機打埋佢, 直接出兵做反, 搞到佢老豆同兄弟被 殺際旗

佢依種連家人都唔care嫁反骨仔, 劉備同諸葛亮係唔可能比佢統治涼州, 最多比佢帶兵守下D關鍵地方, 比D壓力羌人禁

再講打涼州定荊洲好D, 荊洲雖然距離魏吳都好近, 有被夾攻嫁風險, 但同時都代表攻打佢地容易, 無論係攻城器械定糧食補給, 係荊洲經水路都非常方便, 關羽出兵進攻同回防其實都可以好快做到 (實際上如果無二五仔直接開城門俾吳軍入黎, 佢地守到幾日等關羽番到, 到時邊個嬴都仲未知)

相反如果係漢中出兵打涼州, 要先走棧道出秦岭山脈, 非常之難走, 補給都好困難, 仲有好大機會被人斷佢地糧道同退路 (參考街亭之戰), 其實係唔適合做為當時蜀漢嫁首要進攻選擇

依家曹操一定係正統，帝王本紀入面有佢份，加上佢係正式既丞相，曹丕再受劉協禪讓，佢點可能唔係正統
劉備嚴格嚟講係反賊，純粹演義入面尊劉抑曹，當佢一半
孫權就仲搞笑，一定係反賊唔洗問，因為佢吳王係受封於魏，嚴格嚟講佢係稱臣

本身關羽就係一路搞緊佢後欄

本身就係想雙開做曹操幫劉備手

咩嚴格佢根本就稱臣

係曹丕條傻仔見佢稱臣就唔打柒佢，唔係一早統一咗啦

曹操個D中軍, 應該好多都係新兵/預備隊, 無咩打過仗

其實之前曹操係漢中輸左, 加上水淹七軍之後, 關中D主力應該已經無左六七成, 其他地方嫁主力又唔可以抽走 (要防漢中, 合肥同潦東), 如果正面同關羽嫁荊州軍團開戰, 好可能真係會全敗

所以曹操先會承諾孫權, 會封佢做吳王, 叫佢偷襲荊州, 自己抽番合肥D主力過去樊城, 先敢同荊州軍團決戰

曹操嘅主力預備部隊已經派哂俾于禁救人啦
于禁話哂外姓第一大將+假節龯
佢都全軍覆沒所以先準備遷都

其實好難話孫吳無放任過，由赤壁前開始，有一段好長時間孫吳對待劉備都係相對友善

關羽嘅聲勢同威脅勁過劉備果條戰線好多
所以曹操先牽制咗係關中冇落去同劉備打
關羽出兵果陣係講緊可以成條漢水打橫嚟行

赤壁之戰無論計功勞定出力, 孫吳都一定多過劉備, 之後劉備打荊州, 東吳都有出錢出力幫佢地, 仲要成個荊州交曬比劉備做地盤+結埋同盟, 其實睇番佢地個邊都真係做到仁至義盡

但令左益州同漢中之後, 劉備個邊開始有D睇唔起東吳(係合肥打極都輸), 特別係關羽對孫權嫁態度, 可以話係出曬面, 最後東吳怕到時關羽令左關中之後, 會番轉頭打佢地, 佢地先決定同曹魏聯手打關羽

然後上面有人話東吳無放任過劉備

但馬超全族好似死淨馬岱同馬承，佢自己又短命。俾佢割據到涼州唔知坐唔坐得耐呢