Ai令人人都可以畫到吉卜力畫風就要禁 其他職業比Ai取代 就一句職位被科技取代就帶過左

阻礙社會進步既廢老

真.
如學到佢畫風已經可以取代佢
證明佢嘅內容係根本冇咩養份

我覺得咁係印證左Cyberpunk 2077呢種big corps用科技完全控制底層生活嘅可能性越黎越大
亦都佩服以前啲人咁早預見到呢種未來

咁今次同幻獸帕魯個case其實差唔多，只係pokemon係電子遊戲，有骨架、模組數據你可以比較到，吉卜力冇咁解，但如果你將吉卜力嘅圖數字化，咁係咪可以對比到有抄襲呢？我將比卡超換色同改下比例係咪就唔係比卡超呢？

始終佢要告嘅係話就要證明佢有咩商業上嘅損失，唔係話佢冇自信怕比人代替。捉人賣翻版都唔係怕佢拎到奧斯卡。

而被用作機器學習商業營利係一樣新野 法庭都未有無共識

咁講經咩，等法庭有共識再講啦

情況唔同.帕魯係擺到明一隻隻怪都係一對一咁抄
而本身先唔講PKM有冇一隻隻怪法律上申請專利
不嬲以往嘅專利版權都係講緊隻角色 而唔係成個畫風
因為我工作上係有接觸專利上嘅野

而家吉卜力係學佢個畫風
好似配色 角色人物個比例 例如眼同身個比例 陰影同光暗運用等等
而個主體. 素材就係來至用家in put
以住如果有另一個畫家學人地畫風. 點會構成抄襲?
如果吉卜力真係覺得畫風都叫侵權
咁佢可以用佢個畫風申請專利 睇下申唔申請到囉
以我所知呢種地圖炮咁抽像嘅野係申請唔到專利

講經咩 香港都用唔到

其實好多data真係唔得，佢地開波都係拎fair use 黎做擋箭牌。之後又收錢又謀利，好似文學呀劇本呀畫作音樂所有版權應該唔俾做data training，又或者透過佢謀利，依家都俾有錢巨頭控制晒完全冇consent，睇得出IT big tech背後有幾貪婪大咬。

你見到嘅係底層人冇得生活
我見到嘅係科技一直令底層嘅人有發展機會

好似以前影相要好多靚器材. 有返咁上下投資落相機嘅人先有權影到靚相
依家人人都有手機係身
可以捕捉到神奇一刻/有意義嘅一刻嘅相 唔再係只有攝影師先有嘅機會
而真正一張好嘅相. 其實大家都知道個靈魂唔係講緊器材幾多錢
用幾多技術先影到 而係你果張相影果一刻
果一個構圖 可以感動到睇相嘅人
以前限於影杷技術 器材 就算一般人見到好好題材都唔會有機會影低
呢個只係攝影師嘅專利
依家只要你係岩嘅時間岩嘅機會影到相. 已經可以影到一張有故事嘅相
呢個先至係一張相真真正正嘅價值

又好似好多人以前根本冇可能有機會係鏡頭前表演
你唔係有人脈有名氣.你上唔到電視已經冇可能表演
依家人人都有得整youtube. 好低成本可以整到網台
你真係有料有橘. 就有機會發圍. 對比起以前娛樂圈果種黑暗
你唔同老闆上床 老豆唔係有頭有面. 點可能做到

講返漫畫
其實大家睇漫畫動畫主要都係睇個世界觀. 戲情, 人物素造
但前題你個畫風唔可以太差
而事實上9成9人畫畫都去唔到可以去到漫畫級
結果就係你要畫畫 畫得好(至少唔差)前題下
你先有權去創作你心目心嘅故事同世界

而舊有動漫/漫畫最大最大嘅創作成本
就係要花好多時間同錢去養一班畫師.
依家科技令人人都有機會去創作自己嘅故事同世界嘅漫畫
我見到係以後好嘅故事會更多更好睇
唔會限於畫技同資金埋沒左好多有能力嘅人創作

有禁到?

確係no respect 靠ai學 cooy
宮崎駿心諗唔洗做啦 佢又畫生畫死

吉卜力話要告
而上網同我身邊都有朋友講話想整吉卜力風格
但GPT回話唔可以整吉卜力公作室嘅風格
雖然我試過我仲整到

好似係假，你fact check下先

指令要兜路

吉山力已經講左話會告 係咪真係行動就唔知
gpt gen唔到就係我朋友試完唔得cap左圖比我
但我自己試就冇問題

個個都一樣畫風，只要你畫到有啲唔同已經贏

https://www.nownews.com/news/6665327?srsltid=AfmBOoo4QSVoH16LDCr1mA4QhpL2gtKY1lpCUMfNe96udmgPBOJht1_B
冇話會告

到時就自自然然多左個叫畫風設計師啦
依家要你先要識畫畫. 你嘅故事同世界先有機會做成成功嘅漫畫
第時你畫畫叻有設計美感就去專心做創新畫風
漫畫故事就交返比有橘嘅人
世界不嬲都係咁先進步

告條撚
你係唔可以為一個畫風去claim版權
你只可以為自己嘅IP去claim版權
例如唔可以龍貓的形象同名去謀利

告唔到係回事
依家啲人講到學佢畫風有問題
已經好唔合邏輯

直接抄人畫風然係用人地畫風做賣點喎