想問下情緒病/強迫症 之類既心理病, 是否可以唔睇醫生自己好返??

點解唔睇呀
係咪覺得睇精神科係衰呀?

不過我上次又無用 特別技巧去應對
就係一直 忍住忍住, 等時間耐左, 就慢慢變返正常.....諗返正常野
所以我上次都唔明白點解會自動康復

我仲諗緊呢類 強迫思維 係唔係會時間耐左, 慢慢變好
(我都唔肯定自己咩情況, 但上網睇就可能是 強迫思維, 即係經常諗起一些自己唔想諗起既野)
就好似有D病, 例如 傷風感冒.....就算唔睇醫生, 都慢慢變好
因為人是有復原能力

多謝你分享先
我估唔到可以搵到一個同自己差不多情況既人

我一直覺得我呢個情況好奇特, 又唔知自己是否有病...感覺好似自己聯想力太豐富咁
現實世界又唔敢周圍同人講, 唔知點開口好講述自己情況好
反正就係自己一直忍住, 有苦自己知

Google emdr，睇完介紹你覺得幫到自己，就去搵個識用呢套嘢嘅人做治療

係
我一開始係發咗個夢，夢入邊有啲血腥嘅畫面，跟住醒返就不停喺個腦海度重現。有時有啲電影恐怖畫面又會突然間出返嚟，有陣時見到身邊啲嘢又會有啲無限聯想咁
總之都係啲血腥暴力嘢

我都唔知叫咩問題，嗰陣我不停google都係得強逼思想呢類term。
我同完fd呻佢哋都理解唔到，嗰陣見學校counsellor都好似唔太明我咁
都慶幸自己挨得過，希望呢到嘅巴打們都可以搞得掂

唔理就會變返冇事
正常人: 聯想到>覺得荒謬>ignore
我地: 聯想到>好反感好驚>更加怕下次再聯想>又聯想

總之呢d野都係假 唔理就ok
加油巴打

唔太嚴重買維他命D2食

我有強迫思維症 已經食左八年血清素 仲未好番但運動係有些少幫助

d藥咁多副作用食到身體有事嬲嬲地

我諗每個人身體嘅反應都唔同，我自己食完啲血清素係完全冇事乜副作用都冇

即係心理治療師??
其實點搵?? 因為網上專科都是得 精神科醫生

咁你 起因都好離奇
即係發左個夢, 跟住就中招

我既起因就係自己衰好奇
上網睇左 血腥電影, 跟住畫面一直係腦海出現

其實我都有諗過, 我既情況會唔會是「心理創傷」
因為心理創傷 其中起因是目睹恐怖既野, 跟住嚇親, 然後個腦海一直出現創傷畫面, 揮之不去

因為我既起因 是睇左一套血腥電影既畫面, 然後當時係嚇左一嚇
本身我以為無乜野, 因為睇血腥電影嚇親好正常啦, 多數睇完之後隔一陣就唔會記住
但我當時既情況係嚇親之後, 個血腥畫面好似印左係個腦入面, 走唔到咁
總之個畫面一直係腦海出現, 唔想去諗, 都一直出現, 搞到我勁煩

https://lihkg.com/thread/3834589/page/9
你可能忘記左我, 呢個post 我地前果排有一齊討論過

不過你可能比較繁忙, 成日覆左幾次之後就無再出現過
所以我開個新post 打算睇下有冇其他相同情況既人
原來好多人都有呢種情況

想問一問你既情況係點??
又係經常諗起令自己不安既野??

主要係其他人好難理解到 我既情況
可能其他人以為係我聯想力豐富, 成日亂諗野

但其實我 係分到好清楚
有D思維是自己主動去諗,
例如 同朋友討論恐怖電影, 跟住個腦就諗起恐怖畫面, 但呢D畫面是我自己主動去諗既, 諗完之後好快唔會再諗

但有D思維是個腦自動出現, 我唔想去諗, 但又突然出現, 令自己不安
例如 電影既血腥恐怖畫面突然自動係個腦出現, 明明我唔想去諗, 但又自動出現, 仲要揮之不去咁

「主動去諗畫面」同「 個畫面自動出現」 情況係好唔同
前者我可以控制到, 後者我係完全控制唔到

我個情況係集中力下降 鐘意諗人生觀 不斷問自己問題 無答案要諗到有答案 仲要只可以諗一條 諗完一條到下一條 之後個腦會攰 有時會攰到個人空白 個腦好似hang 左機 定左喺度

我又係對暴力血腥片敏感 睇完個畫面會自動出現 但令我有安定感 後期控制到唔會再有呢個問題 但用左好多年先無呢個問題

覆埋上面

係，我有陣時都好無奈，發個惡夢啫，就搞成咁，仲要搞咁耐。啱啱開始嗰陣最辛苦，勁驚自己會真係傷害到人。

其他人未經歷過真係唔會明我哋咩事，仲會驚佢哋覺得我哋係唔係痴咗線。實情係我哋自己都唔想，越想趕走佢哋就越容易瀨嘢，佢出唔出現我哋跟本控制唔到

有呀 我記得你個id見你又開post討論
太忙所以冇咩上連登 同埋講真討討論下又有d回想返以前勁辛苦
不過都係果句 唔理d intrusive thought 完全唔比反應 理撚得佢你諗下你返工忙到爆唔得閒理果種狀態 就係咁簡單