想問下情緒病/強迫症 之類既心理病, 是否可以唔睇醫生自己好返??

有情緒病嘅原因係腦部血清素不足
理論上只要足夠血清素 情緒病就會好轉
做運動, 訓覺係可以補充血清素 但補得夠唔夠就因人而異
所以理論上可以唔使睇醫生自己好 但實際上得唔得就睇個人

雖然我都有聽過
但全部情緒病都係血清不足??

因為情緒病都分好多種
有抑鬱, 有焦慮, 有強迫症, 有心理創傷
每種病既情況都唔同

全部起因都是血清素不足??

我唔係醫生 唔敢斷言
不過應該唔係淨係血清素
如果唔係都唔會分精神科醫生 & 臨床心理學家

不過我覺得有D 病是 時間可以沖淡

例如
有人會因為失戀/親人去世/被傷害 而唔開心, 引發情緒病
但時間耐左, 慢慢淡忘左曾經既戀人/去世既親人/曾經被傷害既經歷, 咁就自動好返

呢啲叫森田療法
強迫症就迫自己唔好理佢，專注於生活同工作

我既情況係比較特別

我唔係強迫行為, 我係類似強迫思維果種
即係我表面上睇落好正常, 但個腦成日出現我感到好反感既畫面, 令我覺得好唔舒服

以前我係一直忍住忍住, 唔去睇醫生, 跟住忍左大約一年左右自己慢慢變正常

最近又發作, 不過今次無上次咁難受

我完全明白你，我曾經都有呢個情況。個個時腦會不停諗住同一件事，關於個件事嘅畫面會不斷湧上個腦，令到我覺得好驚好辛苦。

我去過睇心理輔導。佢話我諗嘅野唔係真實嘅。唔好比佢影響到。慢慢每次個個諗法想侵入個腦嘅時候我就不斷同自己咁講。再加上即刻做番啲distraction。咁個情況就真係好左。

而家我覺得件事已經係好耐好耐之前而且件事係冇影響到我任何野。就冇乜點發作。希望幫到你。

我既情況有小小特殊

平時我都有睇電影cut出來既血腥畫面, 有時候仲會睇 中東打仗炸死人既片
我通常睇完之後無乜野
2016年果陣, 當時我上網睇左一段血腥片, 由電影cut出來既
但今次唔知點解, 我睇完之後個片段就好似印左係我個腦海到, 完全係揮之不去
即係由起床開始,畫面就係我個腦到, 一直到訓教
我其實唔係刻意去諗個畫面, 但個畫面就一直係我個腦到出現, 我去做其他野想轉移諗法, 但個血腥畫面總係腦海到浮現
當時搞到我勁難受, 做乜都無興趣, 食野食唔落, 因為個血腥畫面揮之不去咁
然後過左大半年左右, 情況就開始改善, 我做其他野有時候唔會諗起個畫面, 但個畫面都係經常出現
然後2017年年中左右, 我就好似慢慢無事咁, 個畫面唔會再自動出現, 只有我諗起果陣先會出現, 然後諗其他野就會轉移
跟住一直都好正常, 無乜事

前果排我又好奇上網睇左血腥畫面, 跟住又好似2016年果次咁, 個畫面又印左係我個腦海入面, 揮之不去咁
不過今次感覺無上次咁難受, 希望可以隔一段時間好似上次咁慢慢正常

家陣我都唔敢再上網睇血腥畫面, 怕睇完之後又印左係我腦海入面, 揮之不去

其實我都唔知自己咩事
上網睇好似係強迫思維, 一直強迫自己諗起不想諗起既事
但又有可能是心理創傷
因為心理創傷是目睹令自己不安既驚嚇畫面, 然後個腦一直諗住, 揮之不去
因為有時候我睇恐懼鬥室之類既血腥電影都無事, 睇俄烏戰爭 士兵被炸到斷手斷腳都無事
但我睇左兩段其他電影cut出來既畫面就出事, 可能我被嚇親啦, 跟住個腦海就一直出現個畫面, 完全是揮之不去咁 (邊兩套電影唔講啦, 我都唔想諗起)

不過我上次既情況又唔敢同其他人講, 怕其他人唔理解
所以上次2016年果次我都係忍住忍住, 我以為自己成世都係咁,個畫面一直纏繞我, 但我忍到2017年年中就漸漸變返正常

今次唔知會唔會咁