想問下情緒病/強迫症 之類既心理病, 是否可以唔睇醫生自己好返??

我上網都有睇過種情況
話強迫思維 既人係到不停諗 與自己無關既野

例如 點解地球係圓?? 點解人類要生存?? 之類
明明自己唔係 哲學家, 唔係地理學家, 無必要諗呢D野, 但又阻止唔到自己去諗

呢種情況係唔係好難受

我當時都係咁

因為我睇左一段幾十秒既血腥片段, 但其實是電影cut出來既, 是假野
但唔知點解我就好似被嚇親咁, 個腦一直出現個畫面
當時我又係好後悔
就係因為睇左幾十秒, 搞到我日日勁難受

同埋我都唔明白自己點解會咁
因為我睇恐懼鬥室 呢類電影又無事, 但果次睇完之後就出事

當時我真係好驚自己成世係咁, 但又唔敢睇醫生, 日日係咁忍住忍住
最後過左一年左右, 我又慢慢變返正常
都算係好好彩彩

不過最近自己又犯賤, 睇左一段血腥畫面, 跟住又出現返之前既情況咁

新症都cancel埋，冇咩特別

我家陣就睇下 可唔可以好似上次咁
上次係一直忍住忍住, 忍左差不多一年變返正常
今次無上次咁難受, 可能有機會慢慢變返正常

個人長期超攰 但醫生有開鎮靜既藥俾我 有好d

係有種吸引你睇既感覺

咁你有冇期望自己會變返正常??

因為你話食左八年, 即係預左自己成世都係咁??

其實我已經盡量唔睇令自己不安既影片

就好似連登寫住「慎入」,咩墨西哥父子被肢解, 恐怖份子斬首 果類
我都唔會入去睇, 廢事自己拎來衰, 睇完之後個腦長期諗住

但有時候真係避唔到
上網周圍睇片, 以為是正常片, 點知一按入面就有 血腥/嘔心場面突然出現, 防不勝防

醫生話我係遺傳 預左無得避 不過上面講既最壞情況已經無左出現 原本食150mg 血清素 上年醫生話可以減到 100mg 算係大進步

我已經少左睇 發現自已一不安或者煩躁就聽 metal 個人反而舒服左 就拎metal 取代

就算你睇醫生食藥 睇cs
都唔係叮一聲就冇事
都係要ignore 唔理
最重要一點就係唔好再睇果d野啦

想問多問
你食左藥之後, 會唔會比較好小小
即係唔會再亂諗其他野??

其實我已經避到就避
即係睇標題見到「墨西哥父子肢解」「恐怖份子斬首」果類, 我都唔會去睇

不過有時候上網睇片果陣, 原本以為只係正常一段片, 突然有D 血腥/不安既場面出現, 都會被佢嚇一嚇, 好難預防
如果唔上網睇片又無可能, 因為呢個年代, 邊有可能唔上網
所以只能夠避得就避

同埋唔知 我係唔係心理承受 能力比較低
因為其他人睇完血腥影片都無事

但我竟然睇完之後就出事

最近巴打 好似成日回post
之前你成日好繁忙咁, 回一陣就無再回
我都希望可以多D 同 志同道合既人傾下計, 分享下大家經歷, 唔想一直收埋收埋係內心

講返我既問題先
我知道睇完恐怖片, 個腦係會諗起恐怖畫面, 但我係分得清楚「主動去諗」同「自動出現」

即係我試過 睇完恐懼鬥室之後, 個腦就時都會諗起電影畫面
但我係 自己主動去諗, 諗一陣又可以選擇唔去諗
即係我本人係可以控制到既, 咁就無問題啦

我上次中招既情況, 係講緊我控制唔到
即係我睇完個片段之後, 個腦海一直出現畫面, 揮之不去咁
總之個畫面就是一直出現, 我唔想主動去諗, 佢都自動出現, 即係我完全控制唔到


所以我唔係 完全唔想血腥畫面出現
只係唔想個畫面 自動出現而我又控制唔到

我正常果陣, 我係可以主動諗血腥畫面, 跟住又可以唔去諗, 自己控制到
但我兩次中招都是個畫面自動出現, 自己控制唔到

簡單D來講
「我主動去諗, 控制到自己去諗」vs「個畫面自動出現, 我控制唔到去諗」兩者係可以feel到有分別既
前者我係無問題, 有時候自己主動諗起D畫面仲覺得好過引, 因為我控制到, 唔驚
但後者就令我好反感, 好不安......因為個畫面控制唔到....一直出現

我同你一樣
我第一次中招果陣 唔知發生咩事, 我都以為成世都係咁

想講返先
2016年, 我第一次中招, 當時我唔知咩事, 我有同朋友講過, 朋友話我可能比血腥畫面嚇親姐, 兩個星期之後無事啦
但我過左一個月, 兩個月, 三個月之後都係咁, 個畫面由起床果陣就係腦海出現, 完全係揮之不去果種
我就諗住一直忍下忍下, 睇下可唔可以無事
就算過左半年之後, 情況都係一樣, 無乜改善到
當時我真係好驚, 我最驚係成世係咁, 咁我人生真係玩完
我有諗過睇醫生, 但又唔敢同父母講, 唔知點開口好, 又唔知點樣搵醫生, 始終我未睇過精神科 呢類醫生
都有諗過如果成世係咁, 不如了斷算, 因為我真係唔想人生係咁, 但當然我只係諗下, 唔敢真係做出來

跟住再過多幾個月, 情況好似自動改善左, 開始有時候唔會諗起個畫面
但是個畫面仲會耐唔耐自動彈出來

之後再過多幾個月, 我諗 離我中招之後差不多11個月左右啦, 就好似變正常咁, 起碼唔會由起床開始就諗起個畫面, 即係我有時候會諗起, 但做其他野又轉移左視線, 唔會諗起
然後就我好似變返正常咁, 一直無乜事..........連續幾年都無事

但大約兩個月前左右, 我又唔小心睇左一段血腥片, 然後又重覆返上次既情況
不過今次情況好似無上次咁難受, 雖然都會諗起個畫面, 但起碼無上次咁反感, 最多只係覺得好煩

其實我都唔明白自己點解會咁樣中招, 睇完一段幾十秒既血腥片段就搞到自己咁慘, 真係好痴線

不過因為上次都自動變正常, 所以我都期望今次都可以慢慢變正常
如果可以變正常既話, 咁我可以忍住忍住, 就算忍一年都得
上次都我忍左起碼11個月先變正常
其實我同你一樣, 最驚係成世都係咁

其實我之前變正常之後, 都有回想起2016年果次既痛苦
但我唔會覺得難受, 反而仲覺得自己幸運, 竟然可以比我過到果關, 可以變返正常
如果2016年次我變唔返正常, 我真係想了斷自己算, 我唔想成世都係咁辛苦做人

不過既然巴打你無食藥就可以好返, 即係有機會自動康復, 唔需要藥物都得, 同我上次一樣
想問問你上次用左大約幾耐變返正常??

做運動有幫助

想問一問巴打你係邊到搵counsellor?? 同埋大約幾錢到??
想留個方法, 睇下第時自己需唔需要 (我就希望唔需要啦, 如果好似上次咁自動好返就最好)

其實我上次都係 唔影響日常生活, 我都係繼續照常返工, 訓教
只係個腦海一直出現血腥畫面, 搞到我好唔舒服
同埋我都係一開始食飯果陣, 都好似你咁
一邊食, 一邊諗起血腥野, 搞到無胃口 , 但我又未去到食唔落既, 只能快快手食完佢

同埋我都盡量避開 血腥畫面, 不過有時候真係好容易中伏
就好似我兩個月前, 睇一段電影cut出來既影片, 原本我以為係正常影片, 點知睇到一半突然有個人 被斬手斬腳(其實都是假野, 因為由電影cut出來, 被斬手斬腳條友 都係演員來) 跟住我被呢個突如其來既畫面嚇左一嚇, 然後個畫面就一直出現係腦海, 真係好痴線
唔單止咁, 因為我突然被嚇一嚇之後, 我之前睇過既血腥/不安畫面 就一直自動出現, 搞到我好反感

我家陣就係期望可以慢慢變返正常, 個腦海唔會再突然出現呢類血腥畫面
其實今次都無上次咁嚴重, 上次真係無時無刻被血腥畫面纏住, 今次就耐唔耐突然出現


上次我都估唔到自己可以忍受到, 捱到差唔多一年好返
果年真係我人生最痛苦既一年, 所以我永遠都記得2016年-2017年, 我就係呢段時間日日 好辛苦咁生活

上次我慢慢變正常之後, 再回想起果段日子, 真係一個磨練
我都希望今次半年之後 or 一年之後, 我變返正常, 到時再回想起今天, 都覺得係一個人生經歷

我追哂你成個po，我同你一模一樣，我都係唔敢睇醫生，唔知點開口講出黎同埋驚人地覺得我痴線，最常發生就係臨瞓又未瞓得着嘅時候，就會有好多空閒位去諗呢啲野，所以一到夜晚要瞓覺個陣我就會好唔安落，我唔知點安慰你或者俾解決方法你，但原來唔係淨係得我一個係咁我個心即刻覺得無咁孤獨

介唔介紹分享一下你既情況

即係你係唔係同我一樣, 個腦海自動出現令自己不安既畫面??
即係完全係控制唔到, 不安畫面 係會自動彈出來

同埋可唔可以講下你由幾時開始有呢種情況

其實我同你一樣, 都一直覺得自己既情況係好 難以理解
我個腦海一直出現令自己不安既血腥畫面
有時候同身邊既人講, 但佢地無經歷過呢類情況, 只會話:「你試下唔好諗就無事啦」「你只係太細膽, 先會比血腥畫面嚇親」, 完全係理解唔到我既情況
所以我都廢事同身邊既人講, 只能自己忍住忍住
不過呢個post先發現好多 同病相憐既人, 感覺上自己不孤單, 都叫有小小安慰

無得話唔諗就唔諗，簡單到可能睇睇下電視又會無啦啦有個畫面出黎，又或者人又係好犯賤，你越唔想諗但就越會去諗，最嚴重係真係搞到成個人都好無mood同埋胃口都差左，嚴重個段時間好似都差唔多大半年，不過同你一樣唔理佢一排就會慢慢淡化，其實而家都間唔中會有，就好似一個能量，突然爆一爆出黎，不過可能都係一陣，無好似之前咁持續大半年咁耐了，有時浮現得太勁自己都會不自主咁meet下自己或者抓下啲野發洩下個個感覺