良心AA 您問我答 (五）

LM

點睇得寶花園，想買1房自住2百幾呎果隻
個盤值幾多到？

得寶…我自己覺得25x果隻積真心好劣
最少28x果隻先好考慮


嘉和園 得寶呢類已經算係九龍灣最入場最入場嘅選擇
已經係將貨就價，焗買之下嘅少數選擇

40 年樓，你買得就要預將來都會跑輸大市

另外都回覆過
- 舊，兼唔知而家大維修搞成點。有興趣就親自去睇下，特別係 lift lobby 應該會有大維修進展既通告之類
- 預將來不論整體樓市係升係跌都好，佢都會跑輸大市

考慮多一點：而家 40 年樓，你買左住十年八年之後就係 50 年樓，到時你想換，邊個會接？會用乜野價接？

想問收到銀行要聲明係咪自住封信，我想問係咪正常？ 定覺得有問題先寄比我？

正常，佢隨機抽樣檢查

如果有證據，佢唔會淨係出信咁簡單

嚇死我以為自己做錯乜
唔該曬咸濕巴

一個同父母住緊公屋又唔係好急切有需要買樓嘅人士

想搵地鐵盤住（咁當然佢有升值潛力就最好，或者起碼唔會跌先）三百零呎都ok，想問parks season係咪一個好嘅選擇。

因為想一住就住成世，我應該冇能力再換到樓，因為我份工都唔係話好穩定，而且收入只會下降冇上升，而家存款有230萬左右，收入就五萬一個月。

如果咁嘅情況，會建議按揭按七成好定六成好，同埋應該攤長啲30年還定係短啲20至30年還好..''

抱歉因為我真係第一次買樓，屋企人都冇呢方面嘅知識，自己唔係咩有知識人士。

同埋如果第時賣返出去嘅話，層數對個樓價有冇咩影響,,,因為我見到極高層同埋中層嗰價其實可能差30萬咁上下，當然明白嘅高層個景可能會好少少（？）

最後想問問樓主知唔知道part season，而家回幾多，十分謝謝你！！~

首先咁講，要睇你係唔係一定要新樓
如果唔一定要新樓，住返將軍澳市區，例如將軍澳三寶呢類，我自己會覺得住得舒服D方便D

當然，如果你話真係想住新樓，PS都可以係一個選擇黎嘅

六至七成其實無乜所謂
因為你有Mortgage Link户口對沖，呢個户口派息息口同按揭掛勾左，所以如果你做7成，淨返一成放返落ML户口收息就對沖到
可以宜家先做30年，到時如果能力許可，再提前還款就ok


樓層方面，最簡單就係估價上嘅分別，佢地睇樓層睇得好重
但PS高層其實大部份位置景觀無太大著數，因為都係俾樓圍住，最多有條罅海仔望下，所以先會高低層爭咁少
我自己簡，以住角度出發，我可能會傾向搵返中低層單位，起碼仲有內園望下 （不過相對會暗小小）

樓上師兄話得寶

真係唔建議
自己縫幾年前都睇過諗過

謝謝留主你嘅意見呀。因為我都真係冇乜概念，我要買咩樓做啲咩。

將軍澳三寶的話，其實我自己都完全冇問題。又近市區又舒適，其實住嘅程度上面我都鍾意。（仲可以大返少少因為其實我自己最理想嘅呎數係四百呎，而且唔使要個露台就最好）。

我買新樓唔買舊樓嘅少少考慮點係，新樓唔使畀裝收錢平咗少少，舊樓要重新裝修，會貴返啲。

而新樓嘅話假說我有80歲命，咁我座樓住50-60年都應該可以住到一世，舊樓嘅話會唔會住到我70歲嘅時候突然之間話好老，是危樓，所以要搬走。呢個就係我對新樓同舊樓之間，最釋懷唔到嘅一個位。


（原來個mortgage link account係咁樣玩法，我都係剛剛先知）

咁呢樣真係無辦法，要做取捨

巴打點睇新都城二期 而家睇緊啲細兩房實用363 嘅 budget 預想五球半內包埋雜費 有冇其他屋苑有類似價位都係近地鐵站咁 多謝

限米煮限飯情況，無乜可以挑剔架啦
小心留意有無漏水，其他就將就啦

類似野….馬鞍山中心？

唔該哂巴打 我都係咁諗 個價有翻咁上下配套又唔算舊到冇人有 馬鞍山唔近本身屋企應該唔諗 祝你每個月爆單 多謝！

個仔冇收入，父母擔保人有收入過測壓得唔得

樓主點睇康城12期同13期？
兩者比較下你會揀邊個