一手居屋/綠置居/首置盤討論 - 35

我建議直接睇政府新聞公佈，寫得好清楚


https://www.info.gov.hk/gia/general/202412/04/P2024120400468.htm

一次性幫2021-2023果班買家
你宜家買係唔會有8成

房協首個以「組裝合成」建築法（MiC）興建的資助出售房屋，位於洪水橋/厦村的專用安置屋邨「樂翹軒I」早前竣工，業主上月陸續收樓，惟有買家驗樓後不滿造工質素。房協總監（項目策劃及管理）張冠華向《星島》表示，截至本周一，房協收到95位業主提交的執漏清單，強調「事無大小都會全力協助」，明白部分業主認為一些手工情況未如理想，會按執漏清單積極跟進，一般會在21日內完成執修。他重申，手工問題與MiC無關，大廈並無結構問題，亦無發現有滲水情況，已成立特別協調小組與業主溝通，加深認識MiC，消除一些誤解和疑慮。

日前，有樂翹軒業主認為大廈疑有滲水漏水問題、「樓層移位」及單位裝修粗疏等，更邀請網紅拍片評測，引起網民對MiC建築方法的關注。張冠華指，房協目前收到的執漏清單內容，大多圍繞地磚、牆磚、牆身油漆、腳線、門框等手工問題，強調紕漏與MiC建築法並無關係，「例如磁磚空心，其他高檔樓盤都會有」，團隊會持續為業主執修。他指，一般而言，執修工程可於21天內完成；至今有4個單位已完成首張執漏清單的工程，需時由2天至15天。
多為手工問題 與MiC無關

張冠華表示，留意到有業主對MiC可能存有誤解，首先是所謂「樓層移位」，他指項目每個在廠房完成、俗稱「盒仔」的預製組件都重20多噸，團隊需要通過天秤吊運安裝，但是在安裝過程會有一些偏差，「係經工程師准許，在安全計算範圍之內」。他指出，房協根據條例檢測建築物的安全穩固性，亦都經過屋宇署的核准出入伙紙，代表建築物結構各方面都要達標和安全。

防水方面，張冠華解釋「盒仔」的每一面都有做防水塗層，並會先在廠房內「試好水、驗好水」後才完成外部裝修。安裝時，每個「盒仔」之間的夾口會以灌漿料填滿空位，然後再封膠防漏，樓板之間理應沒有滲水空間。有些封膠位置表面不平滑，屬手工問題，可以做得更好，但同樣不會影響結構安全。他表示，得悉最近網上影片指有業主發現樓板濕度超標，懷疑牆身有滲水問題，房協團隊近日亦抽查大約30個單位，檢測結果全部顯示濕度低於當局的指標值（35%）。
已成立特別小組 加強與業主溝通

張冠華提到，為令業主安心，房協已經成立一個由承建商、工程顧問及房協代表組成的特別小組，加強與業主溝通，了解他們的關注及解答疑問。特別小組會繼續約見小業主，跟進單位的執修情況，「例如滲水問題，如果有業主想約我們一起做專業測試，我們係好歡迎的」。
加緊監察跟進單位執修工作

至於外牆、後樓梯等公共空間的手工問題，張指房協本身都出了一份執漏清單要求承建商跟進，現時包括外牆吊船執修工程進行中，料1至2個月內完成。他重申，房協會加緊監察承建商妥善跟進單位的執修工作，而事實上，工程人員連日來已迅速為多個單位完成修繕工程，房協再次檢查認為妥善滿意，稍後會跟業主驗收。

官方回應得咁圓滑

正面回應，公開數據，再整個小組嚟溝通
作為路人甲覺得可以接受

選擇買呢個盤嘅，都應該知道係新技術，做白老鼠係有風險

就算係舊有技術，而家買老牌地產商嘅樓，都係睇運氣

如果係條片出街後先查，呢排無風無兩又干燥都>35%就死得。
但一落雨就。。。。。。 同埋都無解釋天花疑似滲水原因。

房協都咁樣，房署居屋真係GOD BLESS。

2020年收樓嘅綠怡雅苑有9成要執漏，今次95個（全部好似3百幾單位），好大進步啦



Google 「綠怡雅苑滲水」或相關字詞就知房協=質素高 已經唔存在

綠悠雅苑同翠咩峰都係一堆滲水問題，只係冇呢單咁勁

近十幾年D居屋則又西, 手工又西

私樓都係啦，所以唔駛吹捧邊樣好啲，順利交到樓已經要還神

收樓後發覺質素差嘅，咪用簡單裝修，假天花都唔整，至少滲水容易發現

Ian嫂升左做 旅局局長

有冇巴打用公務員quota申請綠表？

但黑糯米 部機check到濕度爆錶 即係點

唔知邊個跟公屋
見到Ian嫂落力打擊濫用公屋可以升職，應該繼續加強執法

12月開始，公屋扣分制修訂咗

咁前兩日華富邨製造噪音個後生仔使唔使扣分？

定係佢打擊得太勁，打埋天龍人，所以先調佢走？

調嘅話就唔使升埋職啦

公務員其中一個玩法，就係如果唔想某人留低就會升佢職

仔細睇幾正㗎


留意第3點，同埋租置屋邨嘅租戶都要扣分喇 嚟緊應該收返唔少租置單位拎出嚟賣

賣出單位得12x個 有95個要執漏

咁都係8成，之前嗰單9成

平平地買清水樓，可能仲安心

利申：有機會買房協，照衝

唔知會唔會影響到朗然銷情呢

朗然本身有問題，仲未開賣

房協最少有膊頭
房署縮到龜頭都見唔到

就係房協標準都咁差，以房委標準就只有更差。

傳統方式都仲可以修補呢樣修補果樣，mic除咗唧膠，可以點補？

佢回應話無問題就無問題，咁所有問題都唔係問題。都係睇埋之後佢哋點搞先評論有無問題。

我係覺得經歷過咁多單嘢，唔應該有「房協樓高質過房委會」呢種觀念

要實際了解屋苑承建商往績、建築方式等因素。特別係而家好多新嘅技術，行內人都可能新接觸

當然買資助房屋主要係揀地點、面積，好多時都係被迫含淚揀，但現時樓價下跌，係咪非要買樓花冒險呢？