[本地足球] 2024/25 港超聯、亞冠二及香港隊討論區 (85)

謝家榮 而家先25歲，有排玩

佢最大問題喺個腦 好多時佢拎完個波先至再諗點做 佢可以係峨嵋月頂拎住個波 唔知點做拖下拖下拖番中場
同埋啲走位好多時都錯哂 有球三打二反擊 佢嘅走位係完美封左艾華頓比肥彭的傳波路線

班球員其實都算執行到，同埋我覺得佢地都好樂意去改變

係啲不思進取嘅老一輩同球迷接受唔到，又要睇成績，咪係度日屌夜屌話佢冇料

亞運4強係呃飯食
咁之前入得16強個D 點好

FB最撚多呢啲人，「贏魚腩有咩值得開心」

球壇新秀保方都比啲識波球迷話廢老啦

咁琴日防守果陣，真係由352變442
睇你點解讀

我認為要改呢個心態真係好難，尤其香港球員，但理性講迫搶只係比賽入面好少嘅一環就係點攞返個波，即係球隊強如鏝/利都唔會話自己係迫搶球隊而係傳控/防反

但理性講我覺得安蛇真係無喺進攻方面下過咩苦功，即使唔講對強隊淨講弱隊，嗰啲進攻都踢得好難睇下

我只係覺得傳媒，球迷唔知點解對迫搶呢個term有莫名嘅崇拜，好似只要一有迫搶就忽略左其他一啲根本問題，例如進攻模式

點都好過 mixu 嘅4閘龜縮陣

贏魚腩，對手廢，對手無出主力
永遠都係呢啲套路嫁啦

一輸波就上哂力群魔亂舞

係咁洗佢係PR Sir唔知做乜

嗰啲連呃飯食既能力都冇

高普最出名就係迫搶
點唔標鎊迫搶

嗰啲連呃飯食既能力都冇

嗰啲連呃飯食既能力都冇

參考德國2號龍

嗰啲連呃飯食既能力都冇

換著唔係鬼佬教而係本地教練教

用呢啲新戰術，肯定比人屌得仲甘啲

「你教開港超咋，扮乜撚嘢戰術大師」

但你要諗下，今年1月先有祖連奴入籍，垃王都係上年9月先入籍，係作客柬埔寨嗰場贏唔到7啲，輸不丹嗰場垃王都冇去，今年安蛇任內其餘嘅比賽贏唔到都好合理

冇咗依兩件巴西佬，西木仲打唔打到好睇嘅進攻先，琴日啲攻勢都係集中哂喺右路，反擊都係依兩個人引球推進策動嘅

心態上嘅改變某程度上仲難過戰術上嘅改變

安上年有段時間真係踢到好肉酸
生波都入唔到

佢有D 友賽的確肉酸

祖連奴改打攻中，效果比想像中好

森巴二重奏打爆柬埔寨
評價「西式港隊」仍太早

喺預告有免費直播、加上戲碼未算吸引，再嚟電子飛門檻3大因素影響下，對柬埔寨呢場入場人數少啲可以話意料之內。不過得5,289人仲少過對汶萊真係估佢唔到，唔通韋斯活帶隊第一場嘅表現同佢賽後嘅言論係得焫著咗部份球迷？

兵敗歐洲之後回歸大球場再戰，噚晚一戰西木教練繼續3-2-4-1陣式，艾華頓復出，再加埋陳肇鈞同肥彭踢正選，其餘8人冇變。按照慣例都係讚咗先喇，簡單啲講其實噚晚場波就係祖連奴同艾華頓兩個森巴兵合作打爆咗柬埔寨，兩個人嘅火花同創造出嚟嘅威脅力對方明顯係應接不暇，當然有啲決定可以再做得好啲同爽啲。再者，港隊進攻時Philip同祖連奴都會頂上最前，足足5個人喺前線夠晒壓力，所以用半場時間已經連下兩城。上場見到喺韋帥麾下費蘭度係後場核心，今場就見到祖連奴係前場核心，鋪橋搭路，瞻前顧後，3個入波都關佢事，的確抵讚。

雖然前場畀對手壓力好大，但後場一樣受好大壓力。上半場成日見到當Philip上咗去，港隊中場接應點就得余在言一個，即使費蘭度有時上得切中場幫手，但兩個人依然好受壓，好幾次被迫失。再者，中場好容易就被打穿，幾腳傳送已經埋到禁區邊，若果柬埔寨進攻銳利啲，話唔定先失嘅係港隊。到下半場就明顯見到港隊速率跌咗，畢竟舟車勞頓體能一定有影響，特登換顏卓彬入嚟加強控球。不過當費蘭度被換走之後，球隊嘅控場能力大跌，加埋體能見底，柬埔寨就越嚟越多機會，幸好阿輝有水準演出，再加上茹子活力爆棚，喺後場屢次拼搶成功先頂得住。

輸一場唔使踩到盡，贏一場都唔需要讚到盡。西木想改造嘅「西式港隊」初步係睇到啲嘢，進攻的確係強咗。但同樣地，踢呢種以我為主嘅足球，需要配合足夠嘅控場能力，港隊喺呢方面係欠缺嘅，所以搞到戰局好大開大合，風險極高。人腳上港隊未算完整，仲有啲人可以試下，但都睇到喺西木呢個戰術框架下，有部份以前成日有得踢嘅球員可能之後都好難再用。今年仲有2場友賽，12月仲有東亞外，對手實力會逐步提升，到時先睇到「西式港隊」有冇料到。

文：#亨少

#Keymansoho #KO求驗客 #香港 #柬埔寨 #祖連奴 #韋斯活