中薯條
2024-10-16 22:07:54
【 西木蛇主場首戰少少分享 】
中鋒
安永佳係現時最好嘅港隊中鋒,
就算佢有一大堆問題,
咩攞完波習慣回後,
走錯位冇幫隊友拉開空位,
因為米高依然好raw,生肉級數,
咩德國第5級真係幫唔到佢成長,
啲背身攞位,跑動真係有排執。
防守
好大件事,
上半場一開波有好幾下喺後場搓失,
畀對方製造咗1-2次嘅3打3,
真係對面實力差先懲罰唔到你,
對咩馬拉、泰國、甚至係11月嘅對手賓賓都唔係咁易走得甩。
右翼衛
茹子今場嘅表現都證明咗唔畀佢踢正選真係唔公道呀,
我諗現場球迷都feel到佢落場之後嗰道火,
甚至我覺得佢為咗表現自己有少少沖昏咗頭腦,
但anyway 香港正選右翼衛冇得鬥氣,
肥彭同Phillip 是但一個擺bench啦
中場中
費蘭度打中場自由人嚟講大家都知係頂住先,
長遠嚟計都要搵人頂,
但頂呢個位嘅人又要體能好,
又要cool到波,分波都要有,
基本上十項全能,
咁有邊位可以列入考慮呢?我暫時數到得5個
樂仔 Jesse ww fatgor 同埋拎緊passport 嘅慈英
鐵膽
睇完呢兩場覺得西木都定咗某啲球員係鐵膽嚟,輝 junior Everton 佳 Leon 一仔 Jesse 費蘭度,
再加埋今次因傷冇入選嘅樂仔,
冇傷冇病之下,都幾難動搖到佢哋嘅位置。
下個月預計會有新兵入隊
(暫時如無意外小恆似會入選)
最後想講兩句,
每個教練都會為球隊注入新元素,
唔建議打稻草人,
話人咩PR sir,
完全抹煞前人為港隊帶嚟嘅改變,
我唔只係講緊踢法,係咪打迫搶呢啲。
之前有訪問都見到安蛇喺幕後都做咗好多嘢,
令港隊球員受益,
好似增加物理治療師嘅人手,
R到西裝sponsor等等
所以球迷們,一個教練唔會留喺度一世,
大家擁抱佢哋為球隊帶嚟嘅嘢就足夠,
It’s not important what people think when you come in
It’s what people think when you leave
#港波台 #kongballchannel #港超聯 #香港足球 #本地波 #本地足球 #撐香港波 #wearehongkongaleale #體嘢 #sportsyeah