【動畫】BLEACH 千年血戰篇 [12] 聚於此地的眾人、以刀劍兵戎相見

姐係靈王為左保持三界平衡而比人做活祭品，但係平衡完嘅三界到滅卻師又係一個游離於規則外嘅存在所以比人趕盡殺絕？

優哈巴哈係想幫滅卻師報仇同埋創造一個滅卻師都可以生存嘅新世界先殺靈王？

漫畫太耐之前睇唔記得d設定有冇講到咁詳細

之後會唔會講埋點解冇啦啦要整個三界出黎，點解當初整三界又冇留個位比滅卻師優哈巴哈真係靈王個仔？定好似優哈巴哈話所有滅卻師都係佢仔女咁，所有人都係靈王後代？

漫畫冇講，基本上都係本後續小說先有補齊
本身世界冇死亡呢樣嘢，冇生死之別
結果啲虛越嚟越多，而虛會不斷吞食靈體，最終世界會剩返超級大虛，停滯不前

靈王本身係有滅卻能力，可以消滅虛
但係治標唔治本，咁樣消滅落去，靈魂嘅數量會越嚟越少
然之後靈王本身嘅存在太勁，五大貴族嘅人都好驚佢
所以五大貴族，決定用靈王做人柱，分開三界，有在生嘅現世、死後嘅屍魂界、同埋虛圈
人死後靈魂會流去屍魂界，魂魄會俾虛吞食，而死神就會淨化虛，令魂魄可以投胎
於是乎靈魂先有流動

靈王就係見到未來，知道佢要犧牲先至會有穩定，所以就甘心俾人分屍

滅卻師唔會淨化虛，係會消滅虛，令到靈魂冇得投胎，破壞平衡，所以五大貴族利用靈魂整三界，就冇預位置比滅卻師

友哈巴哈啲目的，係想世界恢復原狀，冇生死嘅流動

冇記錯藍染，雖然都想取代靈王，但係佢想世界係進步，唔想三界變返以前無生死之別、停滯不前嘅狀態，所以會主動迎擊友哈巴哈

至於友哈巴哈係咪真係靈王生理上嘅仔，定只係靈王力量嘅碎片，印象中漫畫小說從來都冇解釋過