如果我遇到既事都係神既考驗

如果有上帝，上帝都唔係三位一體
佢死拗話上帝係三位一體又話聖經有講
唔知幾大罪

https://youtu.be/yN1IOay6N78?si=MD1qF5vPRXw3UJIE

是党的考验！
感谢党！

偷錢保羅徒黎乜乜又用返工時間上連登播毒

佢呢啲半耶撚 返工見唔少 平時工利又玻璃心 童話故事當係寶 耶穌重要過佢老母

將耶穌以外既人當做解經既最高權威，係踐踏緊耶穌。我勸你唔好。

多謝你呢一刻講左呢句比我肯定到神係度。不過我仍然係勸你唔好亂黎。

笑死 原來係信主信到曚撚咗嘅白卡佬

其實自殺都係神既安排

goodest logic

點解你哋會覺得人寫既聖經係完全正確記錄舊約經過咁多手，當係故事書睇吓無妨。新約係公元三百幾年，皇帝諗住政教合一方便統治人民整合出黎，點解你哋唔會去挑戰下新約真假？ 當時仲有好多福音

得一個人格上到

佢聽到三位一體假神同佢講嘢

巴打問得好好。

簡單黎講，聖經可信係因為神為聖經做證，而且同一位神今日仲係度繼續同屬佢既人一齊。

（1）呢條問題同時反映左文化思想上既差異。我地習慣既諗法係希臘哲學，認為符合客觀事實既就可以接受。之但係，聖經係猶太人既文獻，係猶太人寫，猶太人（或者至少係熟悉猶太文化既人）睇，歷史既處境都係圍繞以色列地。既然聖經係咁猶太，當我地唔知頭唔知路走去用希臘既思維去睇，甚至去批判，就完全脫離左聖經既猶太性質，只有一個結果，就係唔明。

猶太人寫野，唔係要「留低準確記錄」，而係要訊息入心，佢地用好多好生動既語言，用好多好圖像化既解釋，並且容許好大程度既張力。
聖經既目的唔係歷史記錄，聖經係神要話比人聽神係邊個，同埋人係神面前應該要點樣行事為人，點樣諗。

你可以去認識下希伯來聖經（舊約聖經）係點樣流傳，其中文士對神既尊重同對聖經既認真，係今日既我地好難想像得到。佢地諗左好多方法去確定抄得啱，例如數下百幾萬個字母既最中間果個等等。你可以去比較下唔同古抄本，基本上同一個傳統抄出黎唔同既位都係color vs colour。

希伯來聖經，特別係摩西五經，係全本聖經既根基。耶穌都係教導希伯來聖經，呢個係公認既權威。冇人可以確認到最早記載既事係咪符合客觀歷史，但係由聖經既文本當中係可以清楚咁見到作者要表達既訊息。神既啟示，可以係講故仔，更加可以係plot twist 當時既人耳熟能詳既故仔。神用既例子，係當時既人習慣既事。個問題唔係當時發生左咩事，而係神教人應該點樣做人。

（2）至於新約聖經，內容係皇帝最唔中意最唔想聽到既野，扭曲聖經既人（例如唔少youtuber）係唔會理，亦都唔會提。

約翰福音12:30-32
//30 耶穌說：“這聲音不是為了我，而是為了你們發出的。
31 現在是這世界受審判的時候了，現在這世界的王要被趕出去。
32 而我，當我從地上被舉起來的時候，就要吸引萬人歸向我。”//

當時邊個係世界既王？羅馬皇帝都算喎。邊個皇帝想有萬人吸引走左去？唔驚作反？「聖經為左統治」，係一個完全偏離事實既陰謀論。

「當時」，最早成書既福音，就只有而家係聖經正典入面既四福音，都係第一世紀（或者去到盡都係第二世紀初）。新約聖經既抄本，最早有早到去第二世紀。
同期，希臘哲學入面既諾斯底主義(Gnosticism)開始興起，佢地借左耶穌門徒既名黎寫書，最早最早都係第二世紀末。入面既內容，冇任何歷史敍述，只有一條又一條既說話記載。呢個哲學思想，聲稱要追求神秘知識(gnosis)，係新約聖經清楚反對既。（約翰一書5:18-21）
呢D諾斯底主義福音書，入面既內容完全唔猶太，中心思想完全違反希伯來聖經，冇資格成為猶太拉比耶穌既權威記錄。

不妨打開睇下兩類福音書，除左個名都係叫福音之外，有幾大分別：
聖經：
https://wwbible.org/環球聖經譯本-4
諾斯底文獻：
http://www.gnosis.org/naghamm/nhl.html

最後，都係果句，用黎挑戰新約聖經既方法，都正正係無視左新約聖經係猶太既文獻（例如去數 馬太福音1:1-17 既「14」）。新約聖經用左猶太人慣用既方法，明示暗示耶穌係耶和華神。

老實講

一開始唔知巴打仔真膠定假膠想黑化基督徒

但見你咁認真答 估你應該都唔係假膠

但你呢種解析方式 連已信嘅人都唔知你up乜春啦

何況不信者



先莫講你呢個reply又長又難睇

你連之前啲回覆 都係恐嚇式叫人唔好亂講野

拋番啲經文出黎話上帝會懲罰你

不信嘅人就係不信聖經 你唔拋聖經出黎托咩

人地咪只會當你傻仔 更加確信自己唔信係啱

因為見到信親嘅都似你咁九唔答八

你咁講，係咪當神冇到？

你唔想睇，冇問題，要睇既人睇到就得。

人當神冇到，活着既神睇住，係有必然後果。只有當神冇到既人先會覺得冇後果，一廂情願信冇事唔代表神唔會顯出佢既榮耀。

我勸你唔好當神冇到。

將聖經去分真假根本無意思
如果你真係全知你存在嘅世界係點樣嘅運作,你就可以去分
你又知 d 又唔知 d
聖經講嘅嘢又咁廣泛
你揪住佢一 d 你覺得佢有問題嘅嘢, 就話佢係全本錯, 又唔係好啱邏輯

既然無人可以確認到真假，點解=係真？以你邏輯，山海經都係真嘅。咁多文明既書，都係真既，咁產生問題係呢個世界咁多神，邊個係真？

就唔同維度既睇法，例如螞蟻生活係第二維度，睇唔到我地（第三維度），會唔會所謂既神（外星人）係第四五維度既生物？ 我接受到我地能力只係停留係第三維度，咪接觸唔到第四五維度既人與事。

我信考古同歷史，蘇美爾文明先係真正古典，有事實back up….所以聖經好大機會係其中一個延續佢哋嘅神話故事，同山海經個的一樣。雖然要你地清醒好難，但可以試下唔同角度思考下，歴史有分先後。

你望下上面我所講, 有無講聖經是真的?
我重覆一次, 用真與假 (或者唔係真就是假) 去描述聖經內容是沒有意思
因為你又唔可以用你有限知識, 去 prove bible all content is true or false.
你只可以用部分的已知的東西, 去推斷有無發生... 但係推斷唔等個件事係事實或虛構
所以我為何說, 用真假是沒有意思
你只可信它是真或信它是假

岩呀，我既問題係，既然無人證明到聖經真假，點解唔信考古？用普通邏輯去諗，蘇美爾文明之後發展出聖經/山海經/同埋其他文明嘅經典，當中大洪水之類嘅描述都非常類似，所以我會相信係蘇美爾文明時代發生咗啲故事大家記錄咗落嚟，之後啲人向唔同地方發展，演變出唔同嘅經典，但整體故事框架都一致之後聖經/佛經/伊斯蘭經etc對統治者有用，咪大力推囉。。。

同個基督徒講過，我諗住話所有宗教引導人向善就算啦，都係好事黎，但佢哋會起哂槓話咁樣唔得，因為唔係發自內心去信，唔受洗一樣落地獄究竟我聽緊的咩，佢地傳福音要求全部人變哂佢哋，要每日懺悔，認錯，唔貪心，遵守好多戒律，咁大家齊齊上天堂，就係佢哋既目的。。。。聽到呢的，作為一個理性既人，首先點解一定要信佢套，唔信佢哋就會話你會落地獄⋯⋯

其實現實都係一個地獄，佢哋可以用愛去拯救吓加沙/烏克蘭/沙特呀拉伯/農村啲難民/奴隸，，，既然有咁神照住，全部基督徒集體去救人啦，去埋KK園區傳福音如果唔去=怕死=有私心，基督教一樣要落地獄，懺悔都冇用架！你哋話既，個心有異樣=唔信神=落地獄

其實基督教的核心就是基督
你做任何事, 如果脫離了基督及其基要的信仰元素, 呢個信仰就不存在, 因為基督教是 more than religion, 一定係高舉基督所看的價值大於世人眼光的價值, 並不只是導人向善咁簡單

如果我只信考古, 用人的東西去尋求生命的真理, 只是講人的行為導人向善那些屬人的價值東西，我為何要相信基督?

就係因為基督徒覺得, 相信福音係有大能, 帶來解決方法，使人可以從一些人生的死胡同中跳出來, 由選擇世界回轉向選擇神, 脫離世界的罪的枷鎖，基督釋放我們得自由, 當然唔信有另一個結果，但並不是耶穌要我們 focus on

你講得無錯, 世界原是一個地獄, 耶穌來就係要我們跟隨祂, 得永生之道, 福音能令我們能用神的方法去回應面對在地上餘生, 脫離循環不息的犯罪生活

你也說得對,懺悔係無用, 悔而不改, 不聽神的說話都係罪的一種, 你相信神, 要有內心的改變才是有用, 知道自己犯罪又去繼續做. 又或者只係扮嘢做表面功夫, 內心無改, 咁又有乜用?

基督徒去彰顯神嘅公義唔係唔好，只不過想深一層, 咁樣係唔係神要你咁樣去做, 才算是神所想嘅事? 我唔知道, 我只知道行動之前, 沒有神的啟示 (要透過禱告), 任何人作出的舉動都不是神所想 (人擅自行動都不是神所喜悅) 我只可以講俾你聽, 你唔好以為無人去戰區傳福音, 我地真係有人去左黎巴嫩而家去傳福音兼救/照顧當地的孤兒 (橋樑事工, 自己 google 下)

我唔否認基督教裏面係有 d 人都唔知自己係度信乜就去逼人地信, 我覺得所有的信仰都是自願才有果效, 逼人相信個 d 就唔係叫信, 咁樣信法又有乜意思

我只想其他人知道, 基督教唔係一個講完就算的宗教, 係一個要由你自己親自經歷神, 與神有聯繫, 及在祂的帶領才知道神的可信性的信仰..... 如果未試就先講佢有咁唔好, 咁就太過可惜啦

（1）考古同歷史

睇黎你對考古既睇法，同考古學家對考古既睇法，有一段距離。

每一個古文明留低既，並唔係歷史記錄，而係果個文明對佢地遇到既事既睇法。考古搵到既歷史痕蹟，可以反映到當時既宗教、經濟、民生等等文化，但係要有正確既詮釋係必須參考其他古文獻，包括聖經。對於古代中東既考古，佛經係冇關係，可蘭經都係冇關係，因為冇歷史價值。

（2）蘇美爾文獻

唔知你除左「早」之外，睇過邊D蘇美爾文獻？
既然你話信，斷估你都知返咁上下你自己信緊咩？

蘇美爾文本身，都係靠住聖經希伯來文同其他閃族語言破解阿喀得文，再靠住巴比倫文士既雙語教材先睇得明。古近東既研究係非常之艱深，要用大半世先可以專係一方面。個困難程度，就好似一個冇人講中文既世界入面，有人發現左連登，D字一時表音一時表意（仲有D符號唔讀出聲：），要重新去明白呢個post 究竟講緊咩。

雖然我都只係初學者，但係既然你講到，不妨睇深入D。

（2-1）其中一個重要既記錄，係王既列表(Sumerian King List)：
https://etcsl.orinst.ox.ac.uk/cgi-bin/etcsl.cgi?text=t.2.1.1#



可能第一樣吸睛既野係個年數大得好誇張，但係呢樣唔代表咩，反正佢地會將人神化（例如95-133行入面就有Gilgamesh，洪水記載果個名）。

Gilgameš, whose father was a phantom (?), the lord of Kulaba, ruled for 126 years. Ur-Nungal, the son of Gilgameš, ruled for 30 years.

反而我要指出，40-94 行入面，有一個唔係蘇美爾既名：

Kullassina-bēl ruled for {960} {(ms. P2+L2 has instead 900} years.

呢個Kullassina-bēl，係巴比倫文（「佢地（女）全部係主」），即係搵到既蘇美爾王表係巴比倫人寫上去。

如果你係信蘇美爾文明留低既係「歷史」，咁就要接受埋呢D「歷史」係外來既巴比倫人編輯過。

另外，你有興趣既批判，亦都可以用係呢D泥板上面。唔同城市掘出黎既年數有少數差異，如果你信呢個泥板就係為記載歷史，邊個年份先係啱既歷史？

（2-2）蘇美爾同巴比倫文化，係好適合統治者，最起碼每個男人扑野既權利係受到保障。參考：
https://oracc.museum.upenn.edu/akklove/X001005

呢個後期少少既文獻，講左一個城市既慶典，其中提到蘇美爾女神Ishtar (Inanna)，係集體性交既過程唔會攰：

(17) The men got tired, Ištar did not tire
Celebration is a foundation for the city!

真係太過露骨，無謂錯重點，有興趣自己入去睇前少少果幾行。

（3）聖經描述既統治者

上次講完你又唔回應，一係我比多個例子你：

申命記17:14-20
//14 “當你進去取得耶和華你的神要賜給你作為產業的地，居住在那裡的時候，如果你說‘我要立一個王治理我，像我周圍的列國一樣’，
15 你一定要立耶和華你的神揀選的人為王治理你；你要從你的弟兄中立一人為王治理你，絕不可立你弟兄以外的人治理你。
16 只是王不可大量增添馬匹，不可為了大量增添馬匹而使人民回埃及去，因為耶和華對你們說過：‘你們不可再回到那條路去。’
17 他也不可大量增添妃嬪，免得他的心離棄耶和華；他也不可極度大量增添金銀。
18 “他登上王座，就要在利未祭司面前把這律法書抄錄一份副本。
19 那份副本要常在他身邊，他有生之日都要誦讀，好學習敬畏耶和華他的神，持守遵行這律法書上的一切話，遵行這些規定。
20 這樣，他的心就不會高傲而輕看弟兄，也不會向左向右偏離這誡命，好讓他和他的子孫在以色列當中，為王的日子長久。”//

聖經對做王既要求好清楚：要係以色列人既弟兄，唔可以多馬，唔可以多女人，唔可以多金銀，要抄聖經係咁讀。
原因：唔可以心高傲而輕看弟兄。聖經話，個王管治既人係弟兄。唔係奴才。

你要堅持聖經對統治者有用既陰謀論，又舉唔到任何支持既合理理據。不如你解釋下？

（4）維度

人生活緊既地方係三維空間，睇野都只係投射落二維既平面。螞蟻一樣可以睇到更高維度既投射面。
但係人見到既唔止三維，所以你個比喻（或者想像）並唔貼切。
就好似焗蛋糕咁，落幾多麵粉係一維，落幾多糖係一維，蛋、牛油、自發粉、香精全部都各自加一維，焗幾耐同幾高溫又加兩維，你可以做好多個蛋糕，試晒唔同既比例。
每一個呢D蛋糕本身都係高維空間既投射，都係人能夠清楚見到。

想像既外星人，講黎冇意義。

聖經描述既神，掌管既已經係無限維既時空，唔止四維因為每一點既軌跡（跟住時間畫出黎既曲線）都包埋。




如果你係冇反駁既論點，無論我係幾唔願意都好，只能夠得出一個結論：你迷信，好唔清醒。

我唔知你遇到既基督徒點樣理解聖經。
事實上聖經從來都冇教人「上天堂」、「唔落地獄」。聖經係教人「知道上主」，「深入認識神」。

神不斷顯明自己，但係如果你為左堅持自己信仰而唔睇唔理，我睇唔出有幾理性。

你中唔中意都好，呢個係福音：

馬可福音1:14-15
//14 約翰被捕以後，耶穌來到加利利，宣講神的福音，
15 說：“時候滿了，神的王國臨近了，你們要悔改，信福音！”//

無論你中唔中意都好，神係王，神要話事，呢個就係耶穌傳既福音。
神既能力要消滅罪惡。至於你要靠住神既能力離開罪惡，定係堅持痴住罪惡等一齊被消滅，自己揀。

耶撚嚟講我只服你一個 每次都咁有心機去解釋。

你係咪傳教士嚟定係叫咩長老

我又入咗嚟哩個post應該都係佢老味個神嘅考驗