[多圖遊記] 那年盛夏，我登上了富士山頂

行大約15分鐘嚟到頂上淺間大社，呢度都有得燒仗，仲會送個木牌俾你喺呢度買咗個御守，始終呢度同日本其他地方唔同，唔係有機會成日嚟

點解你啲相冇flare 咁勁，用電話定相機影？

iPhone 14 Pro

如果順時針行嘅話，喺上劍峰之前就會經過一個好斜好跣嘅斜坡，相反逆時針嘅就會係去完劍峰之後要落呢個好跣嘅斜坡所以行邊邊都冇乜所謂，不過順時針同逆時針嘅人就會喺上去劍峰嘅平地下面打晒交

一場嚟到點會唔去最高點打埋卡？如果你係就咁想影一影嘅就唔使排隊，但要合照嘅就乖乖哋排隊我都起碼排咗15分鐘呢度真係完全暴曬

富士山嘅倒影

馬上風

唔小心屌埋你㖭

跟住開始漫長嘅落山過程無限嘅浮沙碎石路返去御來光館燒返剩低嘅印 + 去tomoekan攞返個袋，行咗一段路就去到呢個分叉口，吉田落山係靠左跟住黃色路線

原來仲未完

分享埋落山嘅痛苦

落山其實就係無限嘅Z型斜路，都冇咩好影，係行行吓天色開始轉差，入咗一片雲霧之中。不過我都落山所以冇咩所謂了

落山嘅廁所相對上少好多，要去到七合目先有

落山條路都幾斜

又斜引跣跣到訓低咗幾次

跑落黎應該幾激

跑一次你膝頭痛一世

我行落嚟後，大脾upper thigh 酸痛咗3日行唔到

我都係膝頭對上嗰一part大髀肌肉痛咗一日好彩落山即刻浸溫泉

過咗公廁之後就唔再係Z字型嘅路，但依然都係浮沙碎石咁落返去六合目，之後就會開始同上山嘅人行返同一條路如果係今日上山嘅話，天色都麻麻。

記唔記得尋日一開始我話起步嘅時候係微微向下？依家行返去五合目嘅時候就變咗係暗斜向上最後關頭先整啲咁嘅嘢真係打大佬咁，幾經辛苦，終於見到呢個大閘！！

事隔差唔多24個鐘返到起點，我都忍唔住即刻瞓低唞返幾啖大氣先(我知劇烈運動完係唔應該瞓低)

唞返順條氣之後就即刻去嘆支啤酒食完個飯再寄postcard比自己，因為呢間郵局會有個特別郵chop

之後就搭返巴士落河口湖 book咗溫泉酒店好好休息

幫呢枝燒錢仗影返兩張相留念




至於點樣將呢支嘢運送返香港？求其喺文具舖/Daiso買啲啪啪紙包裝好之後攞去郵局EMS就得，記得頭尾要包得貼啲，因為空運嘅貨物唔可以長過1.5m運費只係¥1900，唔使48小時已經去到我屋企

富士山登頂之旅，完！

咁當然樓主呢個trip唔係淨係行富士山其他嘅部份等我執好晒啲相之後再開post

支持

想唔想睇少少預告？

直接開post 啦