[毒撚出城] 第一次踏足內心毫無波蘭

Day 6 波蘭人民共和國生活博物館

今日繼續係華沙市內行博物館。

唔知大家有無係日本行過「昭和館」，
例如高山市 ／ 七尾市和倉既「昭和館」。
館藏係大正昭和時期既生活用品，
例如黒電話（用轉盤果d電話）、黑白電視、海報等等。
由呢d物品可以體驗到當時既人生活點滴，係一個非常有價值既參考物件。

去到東歐，一個蘇聯既加盟國，當然要去睇下係蘇聯時期既波蘭人生活。

「蘇聯無解體，只係而家無加盟國姐」by 我朋友。

早餐去左搵「牛奶吧」Bar mleczny，一種我會叫係local快餐店既餐廳，
始創於波蘭華沙，個形式同日本既「食堂」好似，
平價，無咩裝修，大件夾抵食，以藍領階層為對象。

正如想知下層居民經濟狀況既時候，
麥當勞 / KFC既銷售量係其中一個觀察指標，
牛奶吧係戰前同大蕭條時期非常盛行，成為左波蘭既一個生活習慣。
蘇聯時期糧食供應不足，牛奶吧有政府補貼去提供食物，
呢個政府補貼到而家都仲有實行，目標係俾低下階層有溫飽同足夠營養，
去波蘭旅行一定要去體驗下。



叫左個大滿足set，full breakfast 咁滯，
PLN 16.50再加杯咖啡total PLN20，
我見其他人都係一個湯一個包～PLN10。
算係價格好相宜又夠飽既選擇。

今日去參觀既博物館係「波蘭人民共和國生活博物館」，
「波蘭人民共和國」係波蘭係蘇聯加盟國時期既正式名稱，
波蘭同烏克蘭都係當時蘇聯重要既農業工業以至軍事工業既重地，
一來靠近「前線」，二來係「加盟國既榜樣」去做show俾西方世界睇。

去到蘇阿戰爭拖冧蘇聯經濟之前，
波蘭都可以話係進入左全面小康，
大量制造軍備，工業帶動整體經濟，
但到後期蘇聯深陷阿富汗泥沼，
波蘭食物供給都要配給，電力供應不穩同燃料供應不足。
去到蘇聯解體後經濟先慢慢恢復。

講蘇聯，第一個梗係偉大既斯大林同志。





約瑟夫·史太林
在蘇聯共產黨第十九次代表大會上的講話（圖左）

波蘭統一工人黨章程（圖右）



波蘭社會主義青年聯盟會員證

蘇聯同其他國家一樣，海報同口號等既宣傳品係最體驗到當時既人民精神，
博物館收藏左好多當時做「經濟成果」宣傳既海報。

兒童入學率同教育程度



波蘭出口產品，特別強調1938（二戰前），1950，1964既分別



戲院數量及觀眾統計，
特別是鄉村地區的戲院數量和觀眾顯著增加。

舊時無咩娛樂，呢個統計係用黎突顯鄉郊地方都有空餘時間去睇戲，
去證明生活水平唔錯。



波蘭工業中的戰爭破壞



1938 和 1962 年工人享有的平均假期日數的統計數據
平均假期日數：1938 年: 10.8 日 || 1962 年: 19.7 日
都唔錯有20日AL



住宅建築城市接入供水/排水、燃氣和電力網絡
由1931年40％以下到1960年95％以上既住宅已經有供電。



波蘭及其他國家每名居民的基本食品消耗
同捷克斯洛伐克 / 法國 / 德國民主共和國 / 波蘭 / 匈牙利 / 意大利比較

其實蘇聯衛星國啲名好諷刺

「波蘭人民共和國」「德意志民主共和國」之流其實既唔民主又唔共和
以前係德累斯頓睇過類似嘅嘢 係華沙就冇去了 其實都幾「有趣」

就係無d咩先要強調d咩

朝鮮民主主義人民共和國

另一個展區係當時生活物品













華沙市民既經濟房屋，由政府配給，類似公屋既概念，
個設計同而家新加坡既組屋差唔多。

波蘭幣紙幣



到後期經濟崩潰，日用品供給不足，重新使用配給劵。

在1970年代中期，由於生產短缺，
波蘭的經濟開始惡化，當局開始實施食品配給制度。

1976年首先對糖設立了配給卡。
持有配給卡的人可以按照卡上指定的數量和官方價格購買糖
（每公斤10.50波蘭茲羅提，共計26波蘭茲羅提每公斤）。
在隨後的幾年裡，配給範圍逐漸擴大，
包括黃油、麵粉、大米和燕麥片，
以及肥皂、洗衣粉和衛生紙。戒嚴法實施後，
酒精、汽油、巧克力和鞋子也被列入了配給商品的名單。

配給卡並不能保證在商店內能買到特定商品。
人們經常還需要排長隊去購買。
此外，配給卡必須在某一商店註冊購買。
這意味著你需要在接下來的幾個月內都在同一個地方購物。

配給卡的高峰期出現在1980年代，
當時商店裡的食品和其他商品短缺達到難以忍受的地步。

1980年8月，格但斯克列寧造船廠的罷工工人提出的訴求之一是引入肉類和肉製品的食品券，
直到市場狀況得以控制。對工人們來說，這是一個出人意料的要求，
但其目的是確保至少能提供基本的食品供應。







1980年代中期每個波蘭公民的每月口糧



說好的全面小康呢？

係博物館cafe飲支汽水，佢個雪櫃係好80年代樣果d黎，
成間cafe個裝修都係咁既風格，紅白格仔布果d，支汽水都係，
個店主係個婆婆黎好有細個睇Yan can cook果d 80年代白人樣。



行完博物館去左個公園散下步hea下，藍天白雲好舒服，
訓到流哂口水先餓醒左。





搵左間郵局寄postcard，郵費都幾貴下成廿蚊。



晚飯係Airbnb附近搵左間牛奶吧，
一個湯一個主食~PLN30，真．大件夾抵食。

波蘭既博物館真係精彩，好有「博物」既效果，細緻度比得上德國既，英國就好多出名既但其實描述唔太多
德國個東德博物館就互動比較多，論展品應該係波蘭呢個比較豐富

東德多互動嗰個指柏林嗰個?

因為柏林嗰個有啲幾有「啟發性」
啱晒而家時勢

Georgian dish 好少魚
炸魚唔係Georgian local dish

利申：係Georgia 覆你

感謝指正

Khinkali Khachapuri Chakapuil 就係 Georgia dish

波蘭出產嘅搪瓷廚具同埋玻璃產品都係人手製造, 好靚㗎

抱歉
因公事上星期緊急出張去左C國
呢幾日係休整期會完成埋個遊記佢
再次致歉

正評俾姆明

期待

Day 7 文化科學宮

今日都係市內行博物館既悠閒行程，
計劃去參觀文化科學宮，即係早幾日話蘇聯起黎俾波蘭係市中心好肉酸果棟。
搭幾個站電車，點知行左一個站就突然停哂仲塞死哂d車，
我見個個都落車就跟住落，個司機用波蘭文廣播聽唔明，
距離唔係話好遠，我就跟住兩三百個去返工既波蘭人一齊快步行去中央車站。



係博物館附近食個早餐，幾豐富先黎一個早晨全餐加杯花茶（唔太岩口味），
再加個湯送埋d麵包，食完飽到隻橙貓咁。

文化科學宮，蘇聯時期既其中一個象徵式建築物，
我中文唔叻表達能力唔好，但蘇聯／共產主義既產物總係有一陣「蘇聯味」。





入面比較似科學館，好多中小學生黎參觀，
同唔知點解有某兩個展廳有d高頻聲搞到我頭都痛埋，
所以成個館都無咩影相。

其中一個黎既原因係呢部Enigma，第一次見到實物，
個內心係同見到EF63重連推189上碓氷一樣咁激動。

Enigma係二戰時期係一種高度非常複雜既加密機器，
最初係由德國工程師施密特係1918年發明。
Enigma主要喺第二次世界大戰期間被納粹德國廣泛使用，
所有軍事通訊都以加密形式發出，唔似日本係一開戰就俾盟軍破解左，
山本五十六提督都係因為通訊被破解，行程敗露而被美軍狙擊戰死。

Enigma通過一組旋轉嘅轉子同可更換嘅插䕶板黎加密同解密信息，
每日會有唔同組別既密碼（插線設定），即係每日既加密方式都係唔同，
令佢既密碼極其難以破解。

但盟軍喺戰爭期間成功破解，
由波蘭密碼學家馬里安．雷夫斯基（Marian Rejewski）同其後嘅英國密碼破譯組，
特別係艾倫．圖靈（Alan Turing）領導既團隊係布萊切利園（Bletchley Park）所達成。
（The Imitation Game有詳細描述，CX IFE有得睇）
佢地既工作對最終戰勝納粹德國起到至關重要嘅作用，
係歐洲戰場拯救左好多補給船同運兵船遠離U boat既魔爪，
同美國係日本投下原子彈一樣提早二戰完結。

如果大家係做技術既，應該會明見到Enigma實物果種激動，
先係諗到點樣去做Enigma已經係癲，
諗到點樣每日行一個algorithm去破解係仲癲，
我差d就係現場跪低哭𠹌咗唔係講笑。

行完博物館就梗係要補充下水份
搵左間手工啤酒吧休息下。













飲完發酵飲品有d肚餓，搵左間波蘭菜餐廳食下餃子。

50鎊鈔票背面就係Alan Turing
前排㩒錢留意到

https://www.bankofengland.co.uk/banknotes/polymer-50-pound-note

舊時代做技術既人實在係痴線既
OpAmp岩岩發明果陣，因為運作溫度會影響到放大倍率，影響到個訊號形態
有人諗到「我將成組元件加熱去50度，咁咪無論環境係咩溫度我都handle到」
呢班工程師就係而家德州儀器TI既始祖

On semi既前身所羅門電子都係好癲
成個部門俾人炒，個department head去搵投資，開間新公司
就係而家S&P500既Onsemi

Day 8 華沙 -> 赫爾辛基 -> 香港

話咁快就到旅程既尾段，
每次到呢個時間我由一起身果刻開始就已經會黑口黑面同無咩胃口，
有次係酒店check out，之前幾日都同前台有講有笑，
俾返卡佢果陣可能個負能量氣場太強，
前台個經理走埋黎問係咪有d咩我地做得唔好，
我話無野唔洗擔心，佢仲入office 拎左幾粒糖同朱古力俾我。

一早起身係廚房沖緊咖啡果陣俾個SMS嚇親，
出面陰天但無雨，同行去火車站其實好近。
我仲send去問個host d交通會唔會有問題，
佢話好平常唔洗擔心，真係有d咩事停左火車既搭的士even佢可以黎車我入機場。

比起波蘭，南韓係更濫用緊急通報既地方，
早幾日收到個covid 19既push，心諗....
btw 而家係漢城，連續收到一個天氣炎熱一個covid 19緊急通報



同樣搭機場火車入去機場，早左到同機場唔係話十分大，
搵左間餐廳坐下飲個湯，佢話係雞湯配麵，
個味道exactly係公仔麵雞肉味既湯，
唔識用匙羹「畢」麵食，彈到一面都係。



Check in同過保安檢查都好快，
華沙去赫爾辛基呢程係歐盟既「內陸機」所以係唔洗出入境。

華沙機場有兩個lounge，佢係LOT波蘭航空既老家但佢係烏合聯盟既人。
個Lounge整體體驗唔錯，野食酒水充足，WiFi強勁，
時間唔夠試唔到佢個沖涼房。











整返支麥芽飲品休息下。

個lounge wifi 係Frédéric Chopin 1849



不得了，佢有個梳化區原本以為個酒櫃係裝飾，點知係試飲區黎，
仲要每支都有label話你聽免稅店有賣，咩number同價位。









我本住童子軍日行一善既精神，幫佢飲埋剩低呢啖等佢可以換過支新既。



歐盟區外歐盟區內有唔同價，稅既%都幾誇張。