[毒撚出城] 第一次踏足內心毫無波蘭

已經好多年無寫過遊記，係曼谷休整緊出面落大雨，正好寫下遊記。

今次去波蘭旅行係受旅遊台既一個遊記post啟發，感謝樓主分享。

華沙柏林雙城遊 (重新啟動 多圖)
- 分享自 LIHKG 討論區
https://lih.kg/3661708

波蘭，
對我黎講個印象除左Poland ball、成日俾人瓜分同奧斯威辛小火車之外，
其實對佢無咩認識，亦未係旅遊清單上面（某程度係因為因航無直航），
係睇完個post同google完之後發現波蘭歷史上面佔一個幾重要既位置，
由波蘭立陶宛聯邦，到兩次被瓜分，然後成為蘇聯加盟國再到脫離獨立再入歐盟，
係更早之前（十世紀前）既猶太人遷徒史同十字軍東征已經有「波蘭」呢個地方同人參與，
成件事幾吸引到我，於是見到五月中有時間就放左一個星期假去行下。

得著幾多，亦解答左我其中一個係西歐睇左好多博物館都解唔明既問題，
「點解猶太人咁乞人憎d歐洲佬要屠殺佢地」

簡介一下旅遊相關資訊

波蘭係歐盟區，但唔係用歐元，用波蘭茲羅提（Polski Złoty PLN），
Złoty係波蘭文解黃金，1 PLN ～＝ 2 HKD。
同西歐一樣華沙同大部份地方都可以通行信用卡，
我換左100USD 現金但剩係用過一次係博物館d手信店買野。

華沙同城市大部份既人都英文通行，
同荷蘭一樣Menu到所有UI同博物館都有波蘭文同英文對照，
佢地好多都識聽英文，講可能難少少同口音好重但佢地理解你講緊咩。
交通工具既售票機有齊波蘭文，英文，德文，烏克蘭文同俄文，
基本無咩語言障礙。

消費唔貴，食一餐大約40-60蚊港紙，
波蘭d野好岩我食，我自己係好鍾意湯類料理，
老火湯冬蔭公等等咩湯都岩飲。
波蘭都有好多唔同款式，紅菜頭湯，牛肚湯等等，
佢地早餐好多時係一個湯一個包就係一餐。

城際交通非常方便，主要大城市從華沙每個鐘都有特急開出，
交通工具既保養亦做得好好，至少無荷蘭比利時果d成車都係塗鴉，
用佢地個app Jakdojade 可以買到哂華沙市內同城際火車既飛，
大部份車都係指定席，特急基本上車掌都會黎查飛，
部份長途車有餐車同車內販售，整體體驗比西歐更好。

華沙市內交通亦非常方便，火車，路面電車，巴士都係時限票，
分20分鐘 ／ 75分鐘時間內係指定區域通行，
「指定區域」只有Zone 1 同Zone 2，
華沙機場WAW同大部份景點都係Zone 1，
除非你係飛Modlin Warszawa WMI先係Zone 2，
下面張圖咁多日我都無睇過，因為知唔會出到去Zone 2。

今次飛芬蘭航空，一來時間唔錯二來好憎去中東（公司本社係中東，去親都係煩野），
香港夜晚八點出發，第二朝六點到赫爾辛基，等一個鐘轉機去華沙，九點前就到。

AY佢雖然係OneWorld叫做Full Service Carrier但佢個最平plan同廉航一樣係得手提行李，
我本身因航會員可以用OneWorld福利拎行李quota同揀位 : )
AY係香港呢邊地勤係外判，開好少位得三個俾商務／頭等同三個俾Econ ／白板，
我大約五點到機場已經排左到好長龍，好在有會員隊唔係搞成個鐘都似。

Online check in剩係可以check in 到由香港去赫爾辛基，
到機場先可以check in埋轉機果段，一次過拎兩張boarding pass，
行李亦會直掛去華沙。

AY係香港無自家Lounge，佢地default係去Plaza Premium不過你係可以去因航Lounge，
咁就梗係去返The Pier食個飯飲杯野沖個涼，The Pier夜晚Menu基本都係燒味飯同湯。



AY用A359飛HKG-HEL，我揀左最前排in case想出去廁所都鬆動d，
上機一人一支維他水。



起飛無耐就派餐，我平時成日笑因航d飯係「餵狗都踢開個兜」，
我估唔到一山還有一山低，AY呢個「飯」我剩係試完味就冚返埋，成件事好唔開胃，
唯一可以食既係果條Kitkat。





呢set木餐具又係廢到無倫，篤又篤唔入拮又拮唔穿，谷鳩氣。



早餐亦無咩期望，都係開黎試完味就冚返埋。



訓完一覺，日出就差唔多到赫爾辛基。



今次係AY 359 OneWorld 塗裝機。

到左芬蘭即係已經入左申根區，入境同出境印都係芬蘭而唔係波蘭，
芬蘭去波蘭呢一程係同國內線一樣唔洗出入國查驗。

赫爾辛基係AY大hub，佢地近年好積極開亞洲航線做轉機，
新加坡，日本東京大阪明古屋，首爾都有飛，
朝早六點排我前面過關既係一團日本團，全部60+同拎支JTB旗仔。

岩先都有講到赫爾辛基係AY既基地，通常係間航空公司既老家，
個Lounge都係最豪華最多設施。
我今次人生路不熟一落機就去左過關入EU境先，
因為之前幾次係荷蘭入境都要排好耐驚miss connection，
好在今次10分鐘就搞好哂。

講到芬蘭，最symbolic既除左白色死神同太子芬蘭浴，一定係姆明，
機場都有姆明專門店。





野飲機都有姆明版



AY Lounge 係gate既上一層，
面積唔大同幾多人，野食都係簡單沙律、麵包配液體麵包，
個設計同HND D國內線Lounge差唔多，回程果陣係non-EU果邊睇下會唔會有d咩唔同。



有自助麥芽汁機，加分！

時間唔多，食完野就去gate，
赫爾辛基去華沙都係OneWorld塗裝機A319。



入座率唔高，我坐A位BC都無客，
一貫A32X系列既leg room。



頭先寫漏左，AY既酒精飲品係要額外加錢，
申根內呢程係咖啡同茶都要，雖然兩個鐘同岩先食飽左液體麵包。





起飛後會serve一杯藍莓汁同水，個藍莓汁係AY既名物黎，
佢地自己brand有AY logo係個盒。

url: https://www.finnair.com/th-en/bluewings/world-of-finnair/everything-you-wanted-to-know-about-our-signature-blueberry-juice-drink--2196580



兩個鐘機，有少少陽光曬住暖暖地幾好訓，
話咁快就到左波蘭，第一次踏足既國家。

華沙機場既全名係Lotnisko Chopina w Warszawie

Lotnisko = Port lotniczy = 機場
Chopina = Chopin = 蕭邦
Warszawie = Warsaw = 華沙

蕭邦係波蘭三大名人，其餘兩位係哥白尼同居禮夫人。

咩叫21:37

華沙機場面積唔大，好快就拎到行李，托賴無穿無爛，
正如上一個post提及，華沙機場都係係Zone 1，
去火車月台條路係有d崎嶇同要落地底。

我原本大安旨意可以用佢個APP買飛，
點知卡左係増值果到，用左HSBC同SCB幾張卡都唔得，
係佢個月台又搵極都搵唔到售票機。
眼見就黎開車，跳左上車先算。
點知原來車上都有售票機，仲簡單輕鬆地買左飛。

部售票幾易用，揀英文然後揀Zone 1 20min再拍Apple Pay就得，
我去到後期係波蘭文UI都識襟。



坐S2出市區，
我住華沙中央車站(Warszawa Centralna)同華沙西站(Warszawa Zachodnia)中間既Airbnb，
想搵d野食先同行下博物館。

部車幾乾淨，有overhead可以擺行李，
可能因為機場出車有車掌埋黎查飛。







波蘭文有d字同英文好似（似串錯左既英文），
同荷蘭文咁「你唔識荷蘭文但知佢係咁解」。



Airbnb最大既唔好處係無得寄存行李，
我個喼上機size黎但個碌拖磚地好響搞到好迷惑。

時間尚早，係車站附近搵左間cafe食個早餐hea下仲開左個會，
呢個trip天氣都非常好，藍天白雲又唔熱。

支炮只可以向前 ／ 向後既大炮車，我諗極都諗唔明個用途，
向前打 ＝ 毀左自己條路，向後打 ＝ 毀左自己條退路。







去戶外展區，歐洲車我唔熟但蘇聯時代既機關車無論係電機定SL都係有「蘇聯味」。

行到差唔多中午，去拎鎖匙擺低野再去食晏，
Airbnb望出去，好chill勁好天。



擺低野休息左陣，出去搵野食，
去左中央車站附近個商場，d野食都幾貴下同麻麻地好食。
隔離就係科學文化宮，蘇聯「送」俾波蘭既禮物。

成棟建築係個城市入面都幾格格不入，
上面仲有個觀景台（無上去）。



行行下有d口乾，想搵d麥芽發酵飲品，
Google Map見到河邊有幾間Bar好似幾Chill，搭幾個站去行下。

話說岩先係機場果陣咪話個APP top up 唔到既，
我用Airbnb個WiFi就得，個APP本身係外國都係上唔到要波蘭VPN，
今次我試用APP去買，有Credit係APP入面既話兩個制就買到，
上車果陣要搵呢個QR code去activate張飛，
activate左之後個APP仲會有個倒數俾你睇。







華沙市內路面電車好方便，班次夠密，全部有齊到站時間，
新車仲有埋低地台但我覺得舊車chill d。
身處既波尼亞托夫斯基橋（維基譯既）建於1914年，
兩次世界大戰都嚴重受損，戰後先維修重用。

舊車



新車



選擇好正確，河邊唔曬有d風（都幾大風），
放狗踩車跑步既都有，我坐低飲返杯先講。

坐左陣兼烚左陣，起程返去。
今次試下買月台售票機既飛，
個UI同車上售票機既一樣。



20分鐘，Zone 1 & 2，PLN3.4



上左車之後要入落去打個時間，因為係計時既飛，
搵呢台機塞張飛入紅色個位就得。



個時間會打左係車飛後面，查飛果陣就會睇。

嗰個遊記嘅作者係我多謝賞面參考 希望同最緊要冇老點到大家
話時話成個星期都冇遇過查飛 當然飛照買啦


嚟緊都會再去波蘭 係立陶宛波蘭連住咁去
要探究上世紀前半葉暴力至極嘅「血色大地」
(血色大地仲包括烏克蘭同白俄羅斯)

感謝
好多年無出遊記，嚴格黎講係好多年無探索過新地方
工作關係每次出trip 都係日韓SG馬來亞印尼泰國
已經去到無左個新鮮感
但波蘭呢個trip令我三十幾歲重拾返以前十幾歲儲一年錢先飛一兩次果陣既心情
會做好多功課，print 定地圖貼係記事簿，一得閒就睇人地遊記再bookmark低係地圖

引用一句歌詞

「現時大了 那種心跳難重演
極燦爛時光一去難再遇上一次」

呢個trip係近黎最開心既一個，再次感謝

開心就好

而家老咗去旅行都會「諗起就興奮」
一樣會做功課 但而家刨書溫習多

列車炮用嚟打要塞

留名支持

LM ,終於有遊記睇下

諗起列車砲影咗張咁嘅相
攝自紐倫堡德鐵博物館

留名支持
無錯波蘭係旅遊潛力相當俾人低估既國家
巴打除左華沙，重會去邊？

影多d重點
入到黎得d木餐具

係德國佔領期間，大量納粹德軍同警察進駐波蘭，
英文有句諺語，

"In Heaven, the Germans are the engineers, the French are the cooks and the English are the policemen.
In Hell, the Germans are the policemen, the French are the engineers, and the English are the cooks."

在天堂，德國人是工程師，法國人是廚師，英國人是警察。
在地獄，德國人是警察，法國人是工程師，英國人是廚師。

「儘管不斷警告，從1944年3月1日至3月11日期間，華沙市再次發生了12次針對德國人及其服務人員的襲擊事件。四名德國人被殺，九人受重傷，有部分財物被搶；兩名為德國服務的波蘭人被重傷並搶劫。所有案件都以有預謀和陰險的方式進行。為此，1944年3月21日由安全警察和SD設立的特別法院對被判處死刑的四名犯人行刑，並不予以赦免。

140名波蘭罪犯，作為波蘭工黨和波蘭國防軍之成員，公開處決。

呼籲華沙民眾及其郊區居民避免參與或策劃任何針對德國或其服務人員的襲擊，否則將面臨嚴厲的後果。這些措施旨在防止未來槍決並應告知其他被判死刑但預期可能特赦的犯人。

華沙，1944年3月21日

由安全警察和華沙地區SD司令官發布」



係地下印刷廠印刷既傳單，即使知道拉到一定係死刑都一樣有志願者去擔任。

「波蘭人！

武裝起義和解放首都的戰鬥開始了！
國家代表 — 共和國副總理和民族統一議會主席與國家軍隊指揮官於8月1日協商後決定發起武裝起義。
與佔領者的三天戰鬥為我們帶來了巨大的戰術和道德上的成功。

國家軍隊的部隊佔領了佔領者的碉堡，奪取了大部分城市，激起了波蘭人的鬥志並信心滿滿。
波蘭社會各界，包括華沙的市民，在這次起義中表現出了巨大的團結和無私奉獻。在這些辛勤的集體工作者中，有戰鬥著為波蘭，為社會正義，為波蘭的獨立而戰，並為解放而付出巨大的努力。

我們仍在爭取完全解放的斗爭中面對多次挑戰。我們認為波蘭人民的一切力量應該歸順於波蘭政府在倫敦的指導下，表現出高度的紀律性和對行動的無私奉獻。

盡所有努力克服今日在華沙街頭與佔領者的戰鬥中的每一個障礙。
工人階級的群眾，農民和知識分子為波蘭的家園，社會正義，波蘭的工作，獨立而戰鬥。

波蘭萬歲！」



亦有人會去偷空投物資。

「呼籲

致華沙的居民

在華沙地區作戰的國內軍部隊（AK），正在打擊共同敵人 - 德國人。他們需要軍事裝備來取得勝利，其中包括通過空中投放的幫助。這些投放的物品主要是軍火和彈藥，這些對平民來說是沒用的，但可以大大幫助到平民的困苦生活中。

即使如此，仍有部分平民利用軍事物資投放現場缺乏崗哨的情況來取走物資，甚至開始分解、偷竊其中的物品。這種行為對於正處於戰鬥的軍隊來說是犯罪行為，因為他們承擔了巨大的戰鬥壓力，物資是否到達對他們的生存至關重要。

我在此呼籲行政當局和公民，若發現物資投放點被劫掠情況，請立即向最近的軍事或警察單位報告，並協助我們保護奮戰中的士兵和受困的平民。應更加結合努力，防止物資被歹徒搶走，並確保這些物資安全存儲在行政當局指定的地點。

對於那些以任何方式參與劫掠軍事物資的個人，將會根據戒嚴法受到軍事法庭處罰。此外，我呼籲所有在這些地區找到軍火和彈藥的人，立即將其上交給最近的軍事機構。對於那些自願放棄武器和彈藥者，將不會受到懲罰。如果超過8月15日下午12點，仍有人持有軍火和彈藥，即使他們不是軍隊的一部分，也將被視為犯下重罪，並將會受到司法懲罰。

我請求所有行政當局和所有善意的波蘭公民，協助報告隱藏和掩蓋軍事裝備的人。

上述情況應向最近的國內軍部隊報告。

華沙區國內軍部隊指揮官」

當時用既武器有唔同制式，有d德式有d蘇聯有d係英國空投既，
佢地仲改造兼自己生產波蘭制式既武器，下圖彈夾打側既就係波蘭改造版。

睇完館晏晝去左附近食餃子，
波蘭餃子，係波蘭嘅一個傳統美食，
波蘭人叫佢做「pierogi」（波蘭語發音似「pie-ROH-gee」）。

呢個餃子同我食地開既食嘅餃子大致一樣形式，
不過材料同埋整法有啲唔同。
波蘭餃子嘅麵皮通常係用麵粉、雞蛋同水整成，
之後搓成薄片，再包埋各式餡料。

餡料方面，波蘭餃子可以包好多唔同嘅餡，有甜有鹹。
常見既鹹餡有薯仔同芝士、酸菜同蘑菇、或者係用豬肉同洋蔥做既餡。
至於甜餡，波蘭人鍾意用水果例如藍莓，食起黎酸酸甜甜既，見過有士多啤梨餡。

通常波蘭餃子會先煮，再可以煎但我見大部份都係煮only。
食波蘭餃子通常會加酸忌廉或者洋蔥醬一齊食。

我去呢個地方有d kind of活化工廈果d咁，消費都幾貴下，
一個餃子一杯麥芽汁埋單差唔HKD80。



波蘭既廁所（男廁）我發覺有個設計幾特別，
佢地一定係有兩道門，第一道門剩係入去洗面台既位置，
要再推另一道門先可以入到廁所範圍，
同埋洗面台個空間一定會有制暖。



下午去左搵公司係波蘭既local partner見下面揸下手，
同佢地食左個下午茶夜晚唔係好肚餓，
去supermartket買左包腸同芝士返去煮黎食。