[毒撚出城] 第一次踏足內心毫無波蘭

係咪自己由krakov搭車去
諗住即日來回

巴打唔講都唔知
即時英文版wiki下 其中一個導演係Roman Polanski
另外睇到Lodz有個cinema museum

原來當地都出唔少名人 包括鋼琴家Arthur Rubinstein

對唔住，呢幾日因航A350出事搞到出trip d行程亂哂
岩岩先settle 好哂d野

中午時間去搵野食，間餐廳既建築物係15世紀既舊旅館，
好異世界感覺果d樓上係旅館樓下係餐廳果d，旅館部份已經無再營業。

巴伐利亞豬手一般都唔會淋咁多汁而且個皮會脆，
但今次食呢個form factor係非常好，無左巴伐利亞豬手入面焗太耐會乾同硬既問題，
配埋酸菜同芥末，無可挑剔，豬手同麥芽汁係絕配。



食飽去參觀托倫城，係最早建立條頓騎士團城堡之一，
係呢度建設咗好多城堡同防禦工事，
亦令城市成為一個重要嘅貿易同防禦據點。

當時既城市有個好重要既特點，就係靠近水源，
因為河流除左係飲用水來源，交通運輸既角色極為重要，
貨物基本上都係靠船運，只要控制到河流，就可以靠兵力去收稅。

個城本身得返城跡，無實際建築物仲保留緊，
同埋保養 ／ 說明指示都嚴重不足，如果唔係真係咁有興趣既話可以skip呢個景點。







係公園坐下食支雪糕，成個town既雪糕車都係d學生part time咁去營運，
檸檬味幾好，檸檬味既甜品好易中伏 ／ 出事因為一唔小心就會搞到洗潔精咁味。

坐車返華沙，今次好full class 2滿座，買左class 1，
但坐落好似Class 2 2-2位仲鬆動過Class 1既3連位，
每個位都有插頭同USB叉電。







見到車內販賣個哥仔推車仔行過想買支野飲，
以日本旅行咁多年經驗黎講，呢個時候梗係黎返罐麥芽發酵飲品。
我「Hi 有無咩啤酒」
哥仔「聽唔明，你up緊咩」
我「有無酒精飲品」
哥仔「我地無酒精飲品，得咖啡茶汽水」
我「俾支cola我啊唔該」

獲得百事一支



落車都七點幾，係車站附近搵野食，
想飲個湯就返去訓，年紀大左夜晚唔係好食野。

搵左間叫Radio Cafe既餐廳，食傳統波蘭菜，
嗌左個紅菜頭湯，個樣望落去好似讀IS果陣整個pH試劑咁，
個湯幾清，淡淡既紅菜頭香味。



等緊個湯果陣，我問個妹仔有無波蘭伏特加介紹，
佢介紹左隻Wyborowa 以佢講法係最波蘭既伏特加。
以一個威士忌人黎講伏特加唔加冰都幾順喉，
個妹同我介紹Radio Cafe係以前自由歐洲電台係波蘭既會址，
類似而家南韓向朝鮮廣播既電台，但由西德向蘇聯方向廣播，
仲有本書講成個歷史，幾有興值得黎睇下。

過夜火車咩網買

好耐未搭過finnair，以前成日搭
D餐做咩變成咁

過夜火車你係指

波蘭內嘅火車
想買有得過夜訓果種

lm

波蘭國內應該無過夜車
由華沙（北）去克拉科夫（南）都係三四個鐘
有國際列車但通常唔係經波蘭國鐵個網去買
同荷蘭NS咁分NS 同NS International

巴打去嘅係呢個？

https://maps.app.goo.gl/Y9XvLGRJDa7QXHqJ7

我自己好鍾意睇城同入面既生活相關既景點
有時日本一百名城得個城跡果d我都會去
但呢到保養得好差，連地圖同基本要點行都無
真正展覽既位置係個塔既其中一個房入面
得幾塊牌去講當時生活which 係幾有意思
但以資料量黎講嚴重不足，浪費左個地方

好鐘意呢啲充滿歷史味嘅地方
巴打會唔會去埋集中營？

波蘭自駕都唔錯

Day 4 馬爾堡

今日都係搭火車出門，去北部一個叫馬爾堡既城市，
果到係條頓騎士團既總部，納入左世界文化遺產。

同樣係華沙中央車站出發，今次遇到係波蘭國鐵第一樣奇怪野。
我買既係IC 1542 08:35開出，但我睇哂月台同車站大堂既牌都唔見有IC 1542，
而08:35係有兩班車從兩個月台開出，其中一班係IC 1543而且個目的地係同1542係一樣，
而且個列車名又岩，我R哂頭唔知係我眼花定佢入錯。





然後我去排counter，問個staff唔同左number喎，
佢話「唔洗擔心，去2號月台就係，無錯既」。
我又唔信邪去售票機篤下同一個時段既車，
售票機又係寫IC 1542唔係IC 1543，真係吹漲。



唔知大家有無去過曼谷Central World間Cafe Amazon，
早幾年佢地整左個setup係用機械臂去沖咖啡，磨粉壓粉啤水d動作齊哂，
成件事係幾過癮，因為佢地設計左好多唔同既工具去幫隻機械臂完成人手做既動作。

華沙中央車站月台有幾個booth係機械臂沖咖啡，
但係佢只係幫你去襟部自動機同拎杯野飲俾你，膠都廢事俾。

坐新車～開心～～
去馬爾堡一程要差唔多4個鐘，08:35出發12:19到，岩岩好午餐時間。



車身個行先指示都係IC 1542，即係車站個牌錯。



今次都係買class 1，單人位有大檯有叉電有插座，
完全滿足現代人搭火車所需，
有個發現係歐洲火車（荷蘭 ／ 比利時 ／ 波蘭）都好興放個垃圾桶係窗口位，
可能係以前煙灰缸既位置轉化成垃圾桶，但要管理呢d垃圾桶都幾蹝人手。









IC 級別既車會有拖埋餐車，
你可以用佢個apps入返車number同座位就可以order野食野飲，
個staff會推車仔送過黎。

係再高一個級別既EIC / EIP直頭會包埋野食野飲，
同一個距離會快d但係貴差唔多一倍。

馬爾堡個車站本身都係好靚，成個town都幾舒服。







係車上睇定左食咩，決定左早食晏晝飯既關係無食早餐，
落車果陣個人係有d肚餓，搵左間食波蘭菜既家庭餐廳食飯。

我之前提過呢幾日都無咩遇到語言障礙，
係今次佢舖頭得波蘭文Menu而啊姨亦只識講波蘭文，
我用ChatGPT同手指指成功嗌到野食。

午餐係牛肚湯同椰菜卷Gołąbki（中文唔知日文係ロールキャベツ），
牛肚湯賣相唔算十分好同有少少過咸，個口味應該係俾你拎黎送麵包。
椰菜卷幾好，入面既肉肥瘦都有再撈左d穀物，口感唔錯，
亦唔會過熟柴哂口，蕃茄汁配埋薯仔唔會話太滯。
對比日式ロールキャベツ各有千秋。

馬爾堡成個town既旅遊指示做得唔錯，
由車站出黎一路有路牌指你去馬爾堡，
沿路係商店街同餐廳快餐店。



車站行十五分鐘左右就到馬爾堡，
第一次拜訪歐洲式城堡，個腦響起緊AOC BGM同11奸笑。
個入場費都幾貴好似成80 PLN連聲音案內。

先講感受，非常值得去參觀，佢個聲音案內設計得好好，
唔係純粹行到一個區嘟一下就讀資料板上面既野俾你聽，
而係有location tracking，你行到一區佢會自動active然後教你
「拿你抬頭向上望，見唔見到個門有個紋章，呢個係XXXXX，
當你睇完果陣，行到走廊尾，我會帶你去睇另一樣野」
同博物館有導賞員既tour一樣體驗，剩係差左無得問問題。

Offtopic 去旅行常備一對3.5mm頭既耳機，好多時行博物館都有用。

集中營係南部克拉科夫附近
我今次剩係去左華沙同北部兩個城市
下年會計劃去克拉科夫

好奇巴打係咪鐵路迷?

我鍾意坐火車旅行但未去到會搶頭班車唱歌屌死氣喉果d

開始前講「城堡」

「城堡」同「皇宮」雖然兩者都具備國王／領主既居所，亦係王權既象徵，
但城堡比皇宮多一重軍事上既用途，以實用性為主。

防禦陣地係歐洲同日本既設計概念類似但不盡相同，
同樣係高牆，護城河同塔樓，係選址、建築方法同材料應用上體現出分別，
中世紀前主要係木牆結構既平地城，中世紀開始既主流係石牆建築，
亦多會係高山上築城，係被人攻擊果陣入城固守，
呢個戰略概念係歐亞都有。

石牆建築既關係，當時亦未有要係牆身加隔溫物料既概念，
基本上冬天係凍到縮埋一舊，亦因為地方太大既關係，可以有制暖，
由壁爐提供熱源既房唔多，通常係領主既起居室 ／ 會客室先有呢個待遇。

絨毯係中世紀係珍品黎，因為大部分都係入口貨，
通常係用黎掛係牆當壁畫用，或者用黎掛係窗當窗簾用，夠厚可以隔溫，
唔會有人舖係地，除非真係有錢到開金礦。

咁唔舖地毯，咁地板係舖咩呢，
最簡單既就係舖麥稈再夾雜d香草，理由一陣講。

日常生活入面，
領主負責對外，管理領地同外交例如接見客人，
領主夫人負責對內，管理城堡既家頭細務同準備膳食。

瞭望用既高塔，如果係護城河上／圍牆外既塔，
其中一個功能係廁所，直接係牆身開個窿然後直接排出出面。
古時城外農田既農夫會執黎當肥料用。

護城河除左有軍事上既用途，仲係一個排水渠，
你可以想像到古時既城入面係「非常臭」，
因為淡水唔容易獲得，而煲水用既木柴更加係重要資源，
所以住係城入面既人係好少會去沖涼洗衫，亦無咩衛生意識，
地板係舖麥稈再夾雜d香草既原因係為左癖左d臭味。

馬爾堡既正門，視線同射角都非常良好，
有垛孔同落石既開口，未行到大門已經變箭豬。







有命過到第一道門，門廳後面仲有另一道大門，
右邊三個開口都係射手／投石用既門，
更多既射手可以近距離攻擊。





格網狀既門係打仗果陣用，日常係用另一道靚仔d既門，
上面係常見於東歐／俄國既雙頭鷹。

中庭，係軍事訓練既場地亦都係社交既地方。



以前既技術用黎做彩繪玻璃真係好犀利，
之前提及過條頓騎士團係一個天主教教會，
主要係為左保護去耶路撒冷朝聖既教徒，
想當然條頓騎士團既成員係天主教徒。

係中世紀時代，教會既權力大於一切，甚至高於國王同領主，
日常生活同年間作息都同教會息息相關，
舉個例子：早餐既英文breakfast 係 breaking the fasting 打破禁食既意思。

城入面好多裝飾品都係以宗教為主題。





白底黑十字係條頓騎士團既記號，
係旗，盾牌同徽章都會見到。