Q: 考電單車流程
![](https://cdn.lihkg.com/assets/faces/pig/bye.gif)
A: 如果係從未考過車, 流程: 筆試 -> 強制試(老強) -> 路試 -> P牌
筆試成績46同26通用, 考過既唔洗再考
![](https://cdn.lihkg.com/assets/faces/normal/agree.gif)
未考強制試之前只可以係封閉場地練車, 唔可以出街渣
Pass左強制後就可以申請學牌 (L牌), 出街練車期間車頭車尾必須掛上「學」字並遵守所有學牌規則。
Q: 考個牌要預幾錢?
A: 2023低消約 $6000 (強制試約 $2600; 路票$510 ; 學牌$548 ; 路試連自行練習 約$2400)
如果要買頭盔防具再預多$500-$1000。鬆動少少預$9,000 - $10,000 可以練習多少少。
Q: 筆試去邊到報?
A: 駕駛學院/街師傅代辦排期/親身去長沙灣運輸署排期
Q: 邊到有得學/報名?
A: 通常會分為政府指定駕駛學院同街師傅
政府指定駕駛學院: 香港駕駛學院 (香駕) 同新觀塘駕駛學院 (新觀駕)
而街邊見到既MEG係香駕, 新觀駕同A1既代理
街師傅: 李健, 鏗鏘, 傑師, 自咖遊, A1, 天使基sir, etc......
![](https://cdn.lihkg.com/assets/faces/dog/math.gif)
另外如果想只單獨報強制試必須要親身去想報既駕駛學院報名 (沙田, 元朗, 鴨脷洲, 觀塘), 不可以跟MEG報
Q: 考車場地有邊D?
A: 強制試只有政府指定駕駛學院可以考 (沙田, 元朗, 鴨脷洲, 新觀塘), 就算搵街師傅代辦都只可以去呢4個場考
![](https://cdn.lihkg.com/assets/faces/normal/smile.gif)
路試有沙田, 元朗, 鴨脷洲, 天光道同掃桿埔(大球場), 其中沙田元朗鴨脷洲係香港駕駛學院私家考場, 只可以經佢地報同考, 街師傅報就只有天光道同掃桿埔可以考
Q: 而家報名考試要等幾耐?
A: 筆試、街期路試: 可以上運輸署個網睇
https://eapps.td.gov.hk/repoes/td-es-app517/WaitingTimeExtPreview.do?language=zh
強制試: 4間駕院都冇公開實時輪候時間, 所以要知報嗰刻要排幾耐就要問返駕院
4間嘅期都有唔同, 但係根據過往經驗都唔少於半年
經駕院報路試: 要問返駕院
Q: 電單車passing rate幾多? 駕院同非駕院相差幾多?
請詳閱運輸署年報第三章:車輛和駕駛人士的登記和發牌->20xx年駕駛考試結果, 已羅列甲部(筆試), 乙部(強制試)同丙部(路試) passing rate, 路試亦有分開包括駕院同非駕院passing rate
https://www.td.gov.hk/tc/publications_and_press_releases/publications/free_publications/annual_transport_digest/index.html
Q: 邊到考好?
A: 主要睇自己交通方便, 住邊同返工地點
![](https://cdn.lihkg.com/assets/faces/pig/argue.gif)
香駕私家場有私家斜路8字可以練同考, 路試難度同街場差唔多, 但價錢較貴
天光道斜路8字考場(敬德街)全日學禁無得練, 路線短但多學校
掃桿埔斜路8字考場要同46學車爭, 路線主要難在樂活線大斜路起步
Q: 駕院普通course(即全科全日course)同持續進修基金(下稱cef) course有乜嘢分別?
A: 普通course嘅課程有: 強制試ABC堂(12節), 4節「路試訓練」, 2節 「考線透視」及「斜坡「8」字實習, 8節「學員自選練習」, 2節「理論課」, *2節「深進訓練」, 1節「模擬考試」, *1項「考試專車」 , 共32節
CEF course嘅課程有: 2節筆試堂, 強制試ABC堂(12節), 2節 「考線透視」及「斜坡「8」字實習, *5節「深進訓練」, 1節「模擬考試」, 2節「理論課」, 4節「導師指導駕駛實習」, 8節「學員自選練習」, 1節「職業司機實務知識研討」, 3節「長途公共路面實習」 (粉字為CEF course獨有, pass完運輸署路試先可以上), 共40節
*紅字為cef course同普通course之間課堂上嘅分別, CEF course係冇包考試專車(即租車考試), 有機會要額外向駕院租車考車
**以上課堂內容只更新至撰寫時一刻, 請以駕院所列出嘅資料作準
簡單啲講就係普通course同CEF course係差唔多, 但係cef course 係需要先交學費, (1) pass晒運輸署甲部, 乙部及丙部考試, (2)要上一啲CEF獨有嘅course, (3) 實習課堂及整體課堂嘅出席率要有70%, 再加(4)pass校內試, meet晒所有reqirements先可以claim錢
Q: 通常考車有咩車款?
A: 香駕/新觀駕: Honda CB125F, 街師傅: Suzuki GN125, Honda MSX125, 豪爵 HJ150 etc....
Q: 學牌出街練車要注意D乜?
![](https://cdn.lihkg.com/assets/faces/pig/free.gif)
A:只可以係以下時段駕駛
星期一至星期五——06:00-07:30, 09:30-16:30, 19:30-23:30
星期六——06:00-07:30, 09:30-23:30
星期日及公眾假期—— 06:00-23:30
其餘時間只可以係封閉/私家場地練車
![](https://cdn.lihkg.com/assets/faces/pig/mock.gif)
學禁路段, 高架橋, 隧道, 快速公路 (綠牌路段) 不可進入
![](https://cdn.lihkg.com/assets/faces/pig/pointing.gif)
Q: 學車有咩建議?
![](https://cdn.lihkg.com/assets/faces/dog/bye.gif)
A: 26學車唔似46有個師傅坐喺旁邊睇住, 主要係靠自練, 導師堂係人夾人, 最多只可以指點下你有咩甩漏, 教授少少技巧
街師傅連登三毒: 輝sir, K&K, 貴記
![](https://cdn.lihkg.com/assets/faces/pig/whip.gif)
Q: 學牌出車好唔好?
A:
https://www.youtube.com/watch?v=KqPhK07mKWk
Q: 跟師傅好貴, 想自學可以點做?
A: 睇多d youtube片
![](https://cdn.lihkg.com/assets/faces/mouse/please.gif)
Q: 棍波8字好難打有咩投巧?
A: 視線運用, 速度控制(上斜要俾油, 落斜收油), 姿勢(夾實油缸, Counterlean)。大絕: 定油拖尾brake(限打8字)。都係唔明既睇多d youtube 片。
Q: 失平衡跌車點算好?
A: 熄匙 -> 扶番起架車 -> 扮無事發生過繼續練
![](https://cdn.lihkg.com/assets/faces/dog/lick.gif)
Q: 咩叫黃金右腳?
A: 考試過程中, 只要一開車全程右腳都需要放係腳踏上直到番考場熄匙。右腳只要一離開腳踏就計失平衡即肥
Q: 停車唔小心入左空波/二波點算好?
A: 舉手向考官要求落右腳轉番一波, 如果入錯二波可以試下二波起步
Q: 斜路起步好難, 有咩技巧?
A: 右手鬆前brake, 右腳踩實後brake , 左手吊極力子。準備起步時鬆右腳同時右手俾大啖少少既油
Q: 爬頭過唔過線好?
A: 26唔同46, 如果唔駛過就唔好專登過, 最緊要同路面物件保持番至少1米距離。
Q: 路邊有架細手推車仔上面堆左一疊紙皮係度, 要唔要做爬頭動作 (打燈擰頭) ?
A: 你可以試下唔做, 然後番黎連登同大家分享最後有冇合格
![](https://cdn.lihkg.com/assets/faces/dog/hehe.gif)
Q: 考試過程中唔小心燈位放甩左考官點算好?
A: