印尼女足將會喺7月9日嚟香港,同香港女足打兩場友誼賽,大批球員正在由日本籍教練望月聡帶領下,喺雅加達進行集訓。
印尼嘅女足實力一向唔強,不過近十年關注度大咗好多,唔同嘅係,男足同南韓合作開,女足就日本合作,國腳Helsya Maeisyaroh、Zahra Muzdalifah及Marsela Yuliana都喺日本落班,可以去到日本,都係同日本嘅合作計劃有關。
而女足都模仿男足揾海外球員去增強實力,今次集訓名單有三名海外球員嘅大名,分別係來自荷蘭嘅Noa Leatomu、Estella Loupatty,前者荷印混血,後者有印荷及阿根廷血統,最後一名係來自美國嘅Sydney Hopper,現時末知三人戰鬥力,Noa及Estella已經加入集訓大軍,預計會有愈嚟愈多血統兵加盟。
另外15歲本地新星Claudia Scheunemann都有入選,13歲已經代表國家隊,身上有德國血統嘅球員,技術有返咁上下,係印女足嘅新刀,呢位女足球員值得注意。
不過近年印尼女足焦點,經常放喺後衛Safira Ika身上,雖然只有21,但已經係印尼女足嘅老將及隊長,佢可以成為焦點,唔係佢好波,而係佢‘’好波‘’,對波,身型好,又生得靚女。
睇女足嘅男多過女,一般男人喜歡什麼?當然係睇靚女,你估好似我咁,有靚女唔睇,走去睇馬爾代夫超級聯賽咁笨柒?靚女球員自然多人理,呢個係必然嘅,靚仔球員都會係咁。
#印波
![](https://na.cx/i/SvrxjhV.jpg)