點解日本兵殺人 李鳳儀就要死？

陳同佳屌閪，所以香港人移民

咁上下

心魔想殺人 咪覺得仲係佢
但明明張柏芝一生都是好人 唔應該比人斬

佛法邊爐

啱啊


“唔係前世今生，李鳳儀唔係日本兵，日本兵唔係李鳳儀”

睇清楚，大隻佬係話:李鳳儀唔係日本兵，佢並唔係話李鳳儀”前世”唔係日本兵

依度係有分別嘅，大隻佬意思係話依樣唔係民間所講嘅前世今生三生三世嘅事

而係關乎因果，

種咩因，就會得咩果，

每一個人都係咁，走唔甩，自己做嘅嘢，自己必定會受返

所以，佢先話因果係好公道


“李鳳儀唔係日本兵，日本兵唔係李鳳儀”，

依度係講: 李鳳儀唔係殺人如麻嘅日本兵，日本兵唔係心地善良嘅李鳳儀，佢哋係兩個獨立嘅個體，但又互有關連

“只係日本兵殺左人，李鳳儀就要死”

依度意思係: 李鳳儀雖然而家唔係日本兵，可惜佢之前過去生係日本兵嗰陣時殺左人，種下前因，無奈地今生嘅李鳳儀就要受果報。

點解我會咁講呢？有證據嘅，因為就喺結尾，導演驚觀眾睇唔明，所以喺大隻佬見到乞衣了因嗰陣，乞衣了因講左一句：”嗰個女仔仲係日本兵嗰陣殺左好多人（我睇嗰個source係01:19:00）”

另外，喺大隻佬見文武師父嗰陣，一直話李鳳儀惡業太重

好明確講左喇: 李鳳儀嘅上一生就係日本兵

山洞裏面，乞衣了因講:
"我睇到隻雀前世做過咩事, 點解輪迴做畜牲, 點解俾我打死, 抵死! 見到小翠以前做過咩事, 抵死! 見到孫果以前做過咩事, 知道佢應該打死小翠! 但佢打死小翠, 我就應該打死佢!

係前世今生，亦都係因果報應



題外話丫，其實以上，都係大隻佬喺未悟道前講嘅嘢

好多人淨係講開頭依度，而忽略尾段。

結局時劉華頓悟先係重點，好多人都淨係講前段，但都無留意結局

最尾了因開悟到”如是因如是果，昨日因成今日果，佛家從來只著眼於一件事，當下所種嘅因”

了因嘅因果報應論，由開頭嘅消極反抗，到努力改變因果，到最後接受因果，都係base on如是作嘅因，受如是果報

所以千祈千祈要睇埋結局，唔好淨係睇前面嘅一兩句

師兄，睇埋結局丫

“如是因，如是果，昨日因成今日果”

依個係了因真正開悟嗰陣講，先係佢真正想講嘅意思

唔好focus喺佢仲係迷惘嗰陣講嘅嘢

垃圾婆嗰段

我會解讀成: 縱然依個世界有人隨地扔垃圾，但都會有人努力做好，幫手執返好，呼應返張柏芝佢努力改變當下

我反而覺得劉華做得好好

佢本身信佛學佛

最尾佢大徹大悟

明白到再繼續種下惡因惡緣只會萬劫不復

只會重蹈覆轍，令李鳳儀嘅惡果繼續落去

佢望住乞衣了因嘅眼神好清徹無礙，做得非常好

係蝴蝶效應不可完全證實姐
蝴蝶果下拍翼, 對四周萬物有咩影響證明唔到, 至少現今科技唔得
但就好似一件衫, 一條褲咁, 都係有無數的線組成, 但命運/因果呢件衫係無形的, 有幾巨大無人知, 所以人係唔會知邊條線織成手䄂, 邊條線織成褲腳

有時條線會好明顯, 但亦可以好複雜, 我而家望緊美股, 道指的升降唔止關美國人事, 仲影響到其他國家, 美國加息, 又會牽動全球股市波動, 其至乎香港供樓利率, 從而影響供樓人士的消費, 一層一層咁互相影響果時, 到頭來加息又可能係因為社會消費意慾高低

所以日本兵殺人可以只係李鳳儀要死的其中一個比較大的原因, 其他較細的因素大隻佬睇唔到, 所以當李鳳儀看似避過一劫時, 無耐又再出現返日本兵, 世事不斷變化, 命運都會同時變化, 但可能係幾何級咁變

如果日本兵無殺人, 李鳳儀係咪唔洗死? 但人總會一死, 點死幾時死係邊死都有無數可能, 化解到日本兵個因, 都可以有其他因令李鳳儀死, 可能係一個叫大頭文的不知名人十年前做過某件事, 令到李鳳儀都要死, 甚至突然病死, 李鳳儀要死的原因可能有一萬個, 只係邊一個去做刺落去果下

唔明貼到明為止

得就係

但同中六合彩一樣, 你估話咁易咩
仲要係咪真係有人中, 一般人都唔會知, 除非你係職員

但有時現實未必好就會好, 衰就會衰

可以小明殺人無數, 但娶到個靚老婆, 兒孫滿堂個個孝順佢, 家財萬貫無爭產, 又無人捉到佢證據, 仲俾佢做埋大官, 長命百歲, 無病無痛笑住瞓著死亡

好人有好報只係呃你做好事
同叫人信教得永生一樣
永唔永生鬼知咩
再者永生但沉悶的話, 永生有咩用

睇完我心諗
咁我一定要做多啲壞事
橫掂個果又未必報係我到
我又可以推卸責任話我會咁做既因 係上一個惡行既果
所以唔關我事

所以報應論係解答唔到你嘅問題。報應論係道教嘅嘢。佛教唔主張一個超然權力去干預一切，六道輪迴亦唔係由天嘅安排，所有事就係因果形成。

慈悲都唔係佛教目的，佛教係講求斷因而斷果，不過好多人在世，慈悲至少可以幫助結個善果。

返去我嘅比喻度，按佛教或無神論觀，呢個世界係冇報應，只有因果，所以你做好做壞，都冇絕對結果。小明殺左人，佢殺嘅人未來可能係醫生，可能係殺人犯，警察可以決定拉或者唔拉，小明可以決定捐唔捐錢俾學校，學校可以決定資助俾咩學生，只要一個variable唔同，結果都好唔同

確實，如果小明權力武力夠大，係冇人吹得佢漲，咁呢個果，係因為小明或者佢祖先俾佢嘅力量好大 ，呢個係一個更大嘅因

唯獨是，留過的必有痕跡，是好是壞，最終都會有其果

係，以為有尻野睇，點知係介紹影評

所以要湼盤
Quit game

所以有D人勝在一世好運，可能就係你所講果種力量
令佢做咩都順風順水，那怕佢做壞事
好人有好報呢D只係要嚟呃細路仔乖D
越睇呢個世界越多，就覺得好人有好報係極少

睇下你自己點睇
有人做完善事係自己會開心 咁已經好夠
你要夾硬好辛苦先肯幫人 咁就由佢啦
害完人又好訓得著大把呢啲人

師兄解得好好👍🏻

業力分善業，惡業，無記業

雁過留痕，佛家主張自己所做嘅無論係好事壞事或者無好無壞嘅事

都必然會有果報

過去生自己造嘅業，今生必然會受返

所以連登仔成日講嘅李鳳儀隨機被殺論根本唔會係佛家講嘅嘢

因為都講唔通

睇過個解釋係
好似一塊鐵咁
你熔左佢鑄成另一樣野
實際上都係同一塊鐵

佢意思係凡事有因果

佢殺左人種下左惡因

佢怨親債主必然會追上門搵佢

惡果必然會出現

就好似李鳳儀咁

所以了因先知道佢係抵死，知道因果係公道

依個係大隻佬未悟道嘅感受

理想係咁

但正正理想日還埋想，現實還現實，大隻佬覺得行惡未必有惡果，行善無好報，出家為僧再無意思，還俗入世其實都一樣，心態決定一切

好多時種左因結咩果無人知
阻止到核爆，係咪會有對等的好報？
殺左人，俾隻蚊咬左啖，算唔算應左惡報？
因果未必一對一等值

上面已經有師兄好好咁用五果黎解釋左果報既類別都仲可以拗咁耐

根本成個post大部分關於因果既觀點都係大家FF出黎，唔合乎佛教觀點與角度

大隻佬還俗係因為無力感

佢係睇到前世因今世果，

覺得小翠李鳳儀雀仔明明今世無做過乜嘢壞事，

但點解注定要慘死

覺得無野做到，做乜都無用

所以最尾先選擇離開李鳳儀

因果係咪等值，

依樣就睇你信唔信佛同因果論喇

大隻佬最尾就係悟到: “如是因，如是果，昨日因成今日果”

佢除咗知道因果係一對一等值，仲知道左”佛只著重當下種嘅因”

所以前期佢灰心，但後期發覺命運原來可以改變

所以重新做返僧人