點解日本兵殺人 李鳳儀就要死？

唔係咁架

依套電影係講幾層因果

第一層係你種嘅因，自己會受返果

李鳳儀前世做日本兵殺左人，今世點都注定要死就係例子

第二層係講因中有果果中有因

李鳳儀努力種善因，令佢避開左2次死亡

最終雖然都係一死還清上一世的因

但同時造成3個善果，第一孫果唔會俾了因打死，悔而自首，離開地獄。第二，了因唔會打死孫果，萬劫不復。第三，了因終於真正明白當下種因嘅重要，超脫因果，真正悟道

種因係會有果報

亦都係電影反覆提到: 萬般帶不走，唯有業隨身

輪迴有六道

蛇蟲鼠蟻貓狗就係六道之一

所以靈魂最尾會唔夠用？

Lm

我覺得係架，

“佛”係解覺悟者

佛家有講每人都可以醒返(有成佛嘅道種)

其實係講緊地球人本身係好高維

但係俾野蒙蔽住（無明)

當覺悟左之後就可以升維度回復返本來嘅身份

大家成晒佛咪歸一囉 好事嚟

但可以重罪輕報

唔係呀師兄

戲裡面了因係睇到隻雀前世做過咩事

所以今世先會俾佢打死

而唔係孫果殺左人，隻雀就要死呀

你睇多次最尾乞衣劉華講嘅嘢

唔係呀師兄

唔係有人種惡因，

就有其他人受呀

係自己種因自己受

劉華唔係覺得random受果報而還俗

相反係因為佢見到哂過去世d人做過咩事

今世或未來世一定必然受報

覺得改變唔到

係無力感同無奈令佢還俗

無錯啊

根本套戲都成日講住萬般帶不走，唯有業隨身

D人仲講咩random

佢邊度有講唔係？

你係夾硬黎🤣

佛家講嘅業力，

係講你種下因

到因緣成熟嘅時候

同時又有道力去推動(業力)

就會受果報咁嘅意思

肯定有
你重睇

肯定無，

你可唔可以quote對白？

題外話 我覺得搵劉青雲做大隻佬仲好

垃圾婆應該前生成日製造垃圾比其他人，所以今生要受返，呢個叫「感受等流果」

小弟拙文上面幾位師兄可以睇睇

咁你又點睇呢句？
我諗到既只有兩個解釋：1. 杜琪峰同韋家輝柒咗，拍套野自相矛盾，但我相信絕大多數人唔會同意 2. 「日本兵唔係李鳳儀」只係唔想張柏芝聯想到自己曾經係殺人狂，想導出佢哋性格上既唔同，但佢哋其實係同一個靈魂個體；而喺山洞嗰幕明顯黑暗劉華係代表緊大隻佬既心魔，佢兩個打/辯論代表緊一念成魔一念成佛，內心為咗報唔報仇天人交戰，佢兩個都係可以睇穿因果既人(根本係同一個人)，對輪迴既睇法必定係一致，即係傳統輪迴觀係成立

舉個例，小明殺左個小朋友
他朝君體也相同嘅報應論就係，將來小明會被殺 或者將來小明嘅小朋友會被殺

積分論報應就係，小明連埋其他衰嘢，將來會喺人世或死後會遭遇磨難

因果論可以係，小明殺左嘅係將來嘅醫生，同時殺人做成社會暴力風氣，到幾年後小明被人斬就冇人醫治，死得好辛苦，

而做善事，可能係小明捐左好多錢俾學校，培養左一個好優秀嘅醫生，佢依然會因為佢做成嘅暴力風氣而被人斬，但處境明顯比冇捐錢好，捐得越多，佢遇到好醫生嘅機會越大

報應論會比較容易對後果劃成一個直接指向，但因果講未必，用返上面嘅例子，小明殺人，個小朋友可能因為唔同長輩影響，將來可能係殺人犯，可能係普通職業，而小明殺人亦可能冇做成社會風氣影響，可能佢俾人死刑，個結果可以好多變，可以好多因素影響

好悶 變年經