長江2期同恒基美利道棟野諗住點散貨？

4叔兩個乖仔淨係地價都扔左230億

1：正值香港甲級寫字樓空置率不停破頂之時，中環兩幢新地標商廈已經起好，即恒地美利道The Henderson，同埋長實長江中心二期，而前者亦已公佈，首批租客可以入伙。呢個時候，可以回顧下呢兩座大廈嘅一場暗戰。

2：呢兩座商廈，由決定起到今日起好，一直都受市場關心。講先後次序，2017年政府賣美利道停車場地皮，結果恒地以232億天價，相當5萬蚊呎，擊敗中資、長實、新地等財團投得美利道停車場。結果第二年，長實決定將放咗喺度10年嘅和記大厦重建項目拎返出嚟，拍板起41層高，成為今日長江中心二期，然後，The Henderson成個海景就完全擋晒。

3：當年有記者問李澤鉅，中環和記大廈重建，咪會阻檔美利道項目景觀，佢咁答：「我唔能夠話我阻檔任何人，因為呢個係我哋嘅地盤」仲話，和記大廈一直存在，「我唔認為其他周遭項目會覺得自己有海景。」

4：之後去到兩座大廈都起緊見到雛形啦，大家開始都比較外觀。出自名建築師手筆嘅The Henderson，因為仲貼住藍色玻璃窗貼紙，被人笑似罐1664啤酒；至於長江二期，大家講起時一般只能咁樣形容話：「咪同長江一期一樣。」

5：去到今日，又點會估到起好晒之後，國泰竟然會助攻恒地。上個月CX出咗條廣告，去模擬投射何詩蓓廣告片落大廈外牆，不過CX呢個project冇同阿媽太古合作，反而係揀咗恒地呢座新商廈。條片係勁嘅，結果見網上唔少人大讚，變相深化咗The Henderson中環新地標地位。

6：不過對商廈來講，最實際始終都係租唔租得出。事實上，依家香港商廈市場整體就是差，萊坊之前發表報告，港島區4月整體甲廈平均空置率，已升到12.6%新高，至於中環，唔單止維持雙位數空置率，4月份租金按年更跌9％，反映業主要大幅減租去留租客，成個市場可以話係史上最嚴峻。

呢個大環境下，據彭博近日報道，有海景加持嘅長江二期出租率暫時只有10％；The Henderson好啲，目前出租率都有60％，租客都有名有姓，拍賣行佳士得、凱雷、愛彼錶、華晨。

7：之前都出過隻post 講過「Decentralize」呢個term，意思唔係指crypto去中心化，而係「去中環化」，講啲企業唔再迷戀中區，轉去租用其他地區嘅office。最近睇到篇報道，人力資源機構Randstad調查，話有香港有51％受訪打工仔表示，如果公司叫佢哋要有更多時間喺office返工，佢哋會選擇劈炮唔撈，呢個比例係比全球平均高出14％。喺WFH潮流、加埋經濟前景唔見明朗，商廈市場都係艱難。

//3：當年有記者問李澤鉅，中環和記大廈重建，咪會阻檔美利道項目景觀，佢咁答：「我唔能夠話我阻檔任何人，因為呢個係我哋嘅地盤」仲話，和記大廈一直存在，「我唔認為其他周遭項目會覺得自己有海景。」//


雖然誠哥大仔咁答係串過馬撚，但恆地喺得人哋塊地後面起就預咗實俾人哋嗰座遲早block撚晒個維港景㗎啦

你同誠哥定la，大把錢，棟野冇人租放係度都冇所謂
四縮都唔洗擔心，個底夠厚，起多幾棟都仲得
擔心佢棟野冇人租，不如擔心第日四縮走左
恒基兩個坐館點分身家

恆地仲有中環海濱嗰塊5百幾億嘅商用地王喺手未搞啊

好似魔天碌起緊

呢個年代商廈地舖唔值錢
廢佬唔識變通
自然比社會淘汰

平啲實租得出
一路都係揀客大摩高盛
點知人哋唔嚟
大把水幣倫敦金尼日尼亞基金想喺香港租甲級寫字樓

其實恒基班老細個腦坐住左？冇人知前面有和記大廈？

btw quote from千頌c

呢兩棟野total都洗左1000億，究竟要放租幾耐先回到本？
4叔個兩個仔係咪唔識計數？
鉅哥真係笑到gap gap聲

恒基應該搬office去美利道
free 返ifc啲位出黎搵租客

一萬蚊/q 幫手砌吖淇

知唔知幾時起好

2017正常發展
邊個會估到有啲無政治智慧既人
之後會搞局架者

佢有冇錢搞？ 息口咁鬼貴 。

誠哥

專登投嚟落人地面
本身個位預係ckc2 再前面係ckc3

是撚但啦，起碼條橋幾好

利申：日日要經過

唔好話香港，連美國商業地產都出品題
疫情後商廈及商場已不吃香，使用及出租下降令估值大幅下跌

香港呢啲二線城市更加只會倒錢落海

最正係長江二期低成本咁多

賣魚蛋燒賣咯
國際（夾公仔機）中心都得

2017投地
今年啲租客先入伙，拖左7年。。。

笑到gapgap聲

咁多年，恆基都冇喺中環有自己的地標商業大廈
所以其實佢哋好有情意結，要喺中環有自己的地標，商業大廈

佢老豆2017退任主席咪重建，講左幾千次做過野既地方有感情，長江和記華人行佢在任都唔賣。美利道長江就好彩，果陣比四叔搶左佢撻地無得三合一，跟住2019就坐大艇