其實唔少有錢仔女係咁。
見識、語言、人脈、興趣同技能,全部都要金錢同時間浸出黎,唔係普通人家想追就追得上。
咁係豐富資源裁培下成長,只要佢本身唔係太廢,能力差極都比一般人好得多。
係普通人眼中算好好嘅條件,係佢地眼中好多時只係普通料。
個問題通常係出在佢地太離地,基本上由細到大要乜有乜,唔知自己其實係嬴在有家底。
結果就係大家做緊同一樣野,你衰咗就人生已完仲隨時累埋全家,所以好多時都只能穩打穩扎而突圍唔到;佢就當興趣班咁玩盡佢,好彩就一飛沖天,唔好彩衰咗就restart或者轉玩其他野。
人地有無限機會,本多終勝,點有得輸?
到真係俾佢搏贏咗,就覺得係靠自己先有咁嘅成果,直頭白手興家咁。