邊行邊寫系列：獨遊西藏

基本上坐車會睇好好多大大小小既措

每日兩粒，一粒250mg

到依家都有食？

係

咁誇張

我睇vlog，人地團嗰女仔就高反，行程會cut，兜去醫院
所以健康嘅團友真係好重要

5月29日 Day 11
今日既路程係繼續行北線，由措勤縣去尼瑪縣住一晚，中間會兜一兜入去文布南村睇兩個「措」，一個係當穹措，另一個係當惹雍措。


今日繼續幾好天，沿途既風景。



今日比我影到原來藏羚羊個屎忽係心型，好搞笑。



大約4至5個鐘車程就到 當穹措，個湖既顏色係綠色，幾特別。
上網睇當穹措係當惹雍措既孖生姊妹，因為佢地兩個措好近。
另外當穹措面積雖細，但一日入面會有三種顏色，從淺綠到深綠，再到墨綠。


大約20分鐘既車程就到當惹雍措，呢個湖座落係文布南村隔離，係全西藏地區最大既湖，比納木措仲要大。


下面呢張係文布南村影既


睇完呢兩個措就去尼瑪縣住一晚，完結一日行程。

驚有高反影響體驗

你嗰3個團友有無高反?
無高反真係幾寫意, 天氣又好, 藍天白雲碧措

一開始有高反 我比左啲海拔適佢地食 就冇事

wow, 食咗要幾耐生效?

溝女神器

郵局係寄唔到去國外，包括港澳，個職員叫我返拉薩寄

我個團就係有條女高反入左醫院，退埋團返拉薩，條女一開始死都唔食藥又唔吸下氧適應下，以為自己頂得順

哇，咁d團費點計

無得退 因為自己原因

佢夜晚食完 第二日訓醒就唔頭痛

哇，咁都係帶定d藥好過，反正咁快生效。

想問你有冇比到門票？門票連觀光車要4百幾，之後個司機話有小路可以去，但每人要收200，勁仆街，明明睇上網啲攻略都唔難去

去瑪旁雍措我地冇入到去比錢位，行小路去左河邊，但冇收錢
我司機好好 盡量帶我地去啲唔洗門票都去到既位
有啲要比錢就冇計
例如卡若拉冰川門票 珠峰門票 珠峰既環保車錢 古格王朝門票 轉山門票

唔難去 架車停係路邊然後人行落去 平路黎
司機有講前面有個位要比門票錢 但影得唔靚 問我地仲想唔想去

5月30日 Day 12

西藏有大大小小既措，佩古措係我見過最靚既措。而之後一路上都見到過唔同既措，都比唔翻嗰種震撼我。而係今日，即係呢個團阿里團既尾二嗰日，竟然令我再次重拾呢種震撼。

今日既車程亦都比較短，由尼瑪縣去班戈縣，途中會經過一個措，色林措。
色林措係全西藏最大既湖，亦係全中國最大既鹼水湖。聽司機講色林措係靚過納木措，而且唔洗入場費。由於只能包車或者自駕遊去到色林措，旅遊巴係去唔到，所以呢個措好少遊客。

聽完司機咁講，我都未真正感受到，直至越黎越接近色林措，我開始明白司機所講，色林措真係好靚！！！



色林措最佳影相位置係要爬小小山，五分鐘左右就上到去。


我上到去，心入面再次湧現出嗰種震撼既感覺。
佢既藍係有層次既藍，遠睇同近睇都呈現出唔同既藍色，再加上好天氣既加成，我覺得可以同佩古措一戰。


今日既時間都鬆動，所以停留左差唔多一個鐘去慢慢欣賞色林措，始終唔知隔幾耐先會再睇到呢個咁靚既景。

之後大約2個小時車程就到班戈縣，會係度住一晚。
聽日主要行程就係去納木措然後就翻拉薩。

遲d問你拎司機聯絡方法

好

樓主你還好嗎?