今日係9日團既最後一日，由班戈出發去拉薩。
會途經聖象天門同埋納木措。
聖象天門係一舊天然巨石，形狀似一隻象。上網睇圖係幾靚。
好可惜既係聖象天門自從2022年3月開始唔比公眾入去之後，到依家都仲未開放。
呢度係去聖象天門既入口，但唔比入。
咁樓主就繼續去納木措，好多人講起西藏都會諗起布達拉宮、納木措。
我只可以講納木措係吹大左，其實冇想像中咁靚。
只係納木措近拉薩，多人容易去到，所以咁出名。
大約下午4點就翻到拉薩，樓住就建議其他團友一齊住 吉祥寶馬酒店 ，因為都真係幾舒服又唔貴，又有免費早餐食。
擺低行李就同其他團友去左食潮汕邊爐，只可以講西藏既耗牛肉好硬，完全唔掂。
我同佢地講下次黎香港玩，樓主會帶佢地見識咩叫美食，因為香港野食方面真係世一。
夜晚樓主見得閒就行下八廓街hea下，都仲係好多人三步一扣。
黎到呢度基本上西藏既旅程都告一段落。
聽日，即係6月1號 樓主就會去四川成都 同埋 重慶玩6日。
6月6後就會飛翻香港。
遲啲會講下西藏既洗費、團費，同埋總結。
下年去