邊行邊寫系列：獨遊西藏

好靚

轉山 個團無人陪你？
唔轉咁去邊？
加油

從化好似無咗啦

我就用緊聯通$0 卡， 上去就買data
都6-7年差整，特登上東莞搞

唔轉好似會去古格王朝

我都係用東莞毛卡 。
上東莞嘅費用，響疫情三年「賺番」 。
不過，宜家所有大陸野都係用機登記 ，手機號碼好似身份證咁。諗諗吓，其實應該轉番去深圳卡 。
萬一唔見咗，都唔洗走去東莞補領 。

支持樓主 幾年前去到真係令到 哇一聲

貼圖一張 好想再去可惜無當年咁得閒

好似係香討介紹
好多年前搞嘅，唔肯定

5月27日 Day 9 轉山篇，完成

係止熱寺既酒店住左一晚，結論係訓唔到，首先$130rmb 一個床位，佢凈係比簿被你，講緊尋晚係負4度，成晚係涷到縮埋一舊。其次係佢12點後會停電，即係電熱墊都冇埋。
隔離床嗰個好大鼻鼾，我戴左降噪耳機都仲聽到聲。

係訓得唔好既情況下，今日7點幾起左身，8點就出發完成埋餘下既32km轉山行程。出發時我係門口影左張日照金山相。



打完卡就出發，由止熱寺出發行5km全斜路就會去到卓瑪拉埡口。呢個位有5648m海拔，係成個轉山行程最高海拔既位，短短5公里路就升左600m海拔，可想而知有幾咁斜。
路面一係大石路一係就冰路，非常唔好行，樓主就係行波路嗰時跣親。



過左卓瑪拉埡口就開始全程落斜，都係大約5km路，由海5648m 下降到5233m。
唔好以為落斜輕鬆，因為落斜有一半路係碎石，所以要好小心。


大約中午12點左右就落到第一個補給點，樓主係度食左個午餐，薯仔絲蓋飯+甜茶，咁就43rmb，好貴。


食完飯就繼續上路，仲有22km既路要行。
前面最陡峭既10km路我覺得唔算太辛苦，因為仲有體力。
但行完10km既上落斜，體力都消耗到七七八八，後面22km係雖然平穩，但就越行越辛苦。加上個頭開始痛，唔知係咪高反定係因為尋晚唔夠訓，樓主最後頂唔順係山邊抖(訓）左半個鐘先繼續行，之後更加係每到一個補給點都抖翻10幾分鐘先繼續行。
後面既路樓主完全係靠意志力去堅持住。


總結一下
尋日由起點去去止熱寺，22km，1530-2030，用左5hrs。
今日由止熱寺到終點，32km，0800-1816，用左10hrs16mins。樓主係香港有行開山同跑步既習慣，平均每個月跑120km，如果大家想轉山，可以比大家參考下，做翻小小準備。

轉山於我而言係幾特別，因為我一開始認識西藏唔係布達拉宮，唔係納木措，而係岡仁波齊神山。而我今次黎西藏玩最主要係完成轉山，想體驗一下行一完圈個感覺係點，依家終於做到。
好彩地呢次轉山天氣好好，之前睇其他人既轉山vlog都講轉山途中既天氣係變幻莫測，雖然我呢次係由頭曬到落尾，但起碼無突如其來既天氣轉變，只要做好防曬功夫就得。關於轉山大家有咩唔明問。

最後順帶一提，如果你地會去轉山，報團嗰時記得講清楚你係會轉山既，咁佢地就會安排會轉山既司機、團友比你。
樓主今次報團嗰時冇刻意提到會轉山，所以安排比我既團友同司機都default左係唔轉山，搞到呢次轉山係得樓主自己一個人行。

睇字都feel到辛苦

個人認為西藏去一次就夠 留翻第一次去西藏既美好回憶。
因為第一次去一定嚇親，點解世界上會有咁靚既地方。
之後再去就冇咁震撼了

都係張最好既留喺回憶

真係好那屈機, 轉山你有無高反?

睇情況
有三人房佢地三個就會住埋一間房 我就同司機同一間房
得二人房 我就同佢地其中一個住埋一間房

我覺得有 個頭痛到行唔到落去 要行下抖下

馬戈巴打你幾時去 等睇你遊記

冇呀。我只係玩過一小段 。
最簡單嘅玩法係跟本地團啲路線、景點玩 。
當然要預鬆時間 。我果陣預多一倍時間 。

可以響廣東省玩吓短途，試吓、累積經驗

有無時間走陸路去埋尼泊爾？一定畢生難忙

另外，可以租啲好少少嘅車，睇吓有冇防撞自動停止等保護功能 。
貴版電動車、混能車有呢啲功能 。唔知租車公司有冇入呢啲貨 。