Day3 : 5月21日
先講一講火車硬座係咩情況
每節車廂分為4個人一個卡位 同埋 6個人一個卡位
每個卡位都有張枱仔,每個卡位係非常狹窄,對腳唔可以伸直,因為會踢到對面,換言之你成晚係唔會訓到。

網上圖
捱左成晚終於天光,開始慢慢慢睇到窗外既景色,靚到嘩一聲,拎部電話隨便影幾張都好靚。
經過唐古拉山脈。
經過一堆雪山就會睇到大大個平原,好多牛羊。
因為我會係拉薩住兩晚,坐緊火車冇野做我就開始搵酒店。要留意翻西藏既酒店唔係間間都會招待港澳台既旅客,所以搵既時候要問清楚。搵左陣我就搵左間,「吉祥寶馬酒店」,都算係市中心位置,兩晚460。
大約5點半左右就到拉薩火車站,聽完本地藏民講話搭1號巴士出市中心最平最方便,搭巴士去邊都係1蚊,同埋啲班次密,出去都快,咁我就決定搭巴士出去。

酒店圖,230蚊一晚幾抵。
擺低啲野就出左去附近食野,樓主唔識死去左沖涼,但都冇高山反應。所以都好睇個人體質,沖完涼早啲休息預備聽日去布達拉宮。