邊行邊寫系列：獨遊西藏

Lm 聽日西寧y971出發去拉薩，睇下有冇機會撞到巴打

小北線？

樓主做咩唔住青旅 可以識下人一齊係拉薩玩下

Mafengwo而家仲多唔多人用？以前成日上去睇蜂首遊記，而家又有抖音小紅書，唔知仲有冇客

青旅又真係冇諗過

都算多 好快拼到團

幾人團? 咩價錢?

4人團，3650rmb一個人
仲未計景點門票同埋要包埋司機既伙食

5月22日 Day 4(上)
間酒店早上7-9點係有提供早餐既，原本諗住起身食個靚早餐再訓翻，但可能前一日太攰，一起身已經係差唔多11點。

前一日透過微信book左今日1點去布達拉宮既門票，又比我book到，如果6-7月旺季去記得要早2日book。
佢有分一號線同二號線，一號線200蚊一張，二號線就100蚊，但相對地一號線去到既地方就會多啲，我見咁難得黎到拉薩，直接買一號線。

間酒店行過去要30分鐘，我11點起身見有時間就決定行過去。啲街都幾靚幾值得影。



唔經唔覺就行到布達拉宮入口，入去布達拉宮係要安檢既，過左安檢就會有人問你需唔需要導遊邊行邊講解，咁就要50蚊。我覺得呢50蚊係唔可以慳，因為你就咁入去布達拉宮係唔會明發生咩事然後on99咁行一圈。





布達拉宮行一圈都都用左差唔多2個半鐘，途中都幾多梯級，見到有人喘晒氣，有啲仲要聞氧氣樽，但樓主乜事都冇。




題外話，布達拉宮入面係唔比影相既，所以樓主冇影。
因為成日冇食野，同埋我下一個check point就係去八廓街，所以就call車去八廓街食野。咁岩又比我搵到一間野食唔錯既餐廳，間野叫 扎西小吃 ，
我叫左個酸奶蛋糕22蚊，同牛肉鍋貼20蚊。酸奶蛋糕唔會太甜，酸酸地幾開胃，面蛋糕本體都夠濕潤。鍋貼就勝左個外皮超級脆，再配埋佢個辣汁，好好食。同埋間野既環境都幾靚。

lm
打算過幾個月去西藏

試過從西藏坐到廣州，坐左55個鐘

支持

$50都算平，非官方？ 講足2粒半鐘

5月22 Day4 （下)

食完就去左行八廓街，八廓街係一條圍住大昭寺既步行街，啲人只可以順時針行，應該係同啲佛教文化有關，但都見到有幾個人逆時針行，我就覺得黎到人地地頭都係跟翻人地文化好啲。



呢條街仲有另一個比較特別既位係，會有佛較信徒係條街每行3步就跪一跪，只可以讚嘆宗教既力量真係好強大，我由心咁尊敬佢地。




係呢度大約每幾十米就會見到一個警崗，所以我相信呢度治安係幾安全，個個都拎全部電話周圍行，完全唔驚有人搶野。

上面講到八廓街係圍住大昭寺而立，上網睇過大昭寺係拉薩都係一個比較有代表性既地標黎，好多佛教信徒會係寺既前面跪拜，當然你地有興趣都可以入去行翻圈，好似都係要book，我對啲寺冇咩興趣，所以就唔入去了。



去完八廓街我又翻返去布達拉宮附近影下相，咁就完左今日既行程翻酒店休息。
聽日開始就會係重頭戲既開始，樓主book左九日既阿里地區local tour，當中會挑戰轉山，希望有命翻黎。

唔係官方架 拼團黎 每人50蚊
佢會問係咁問人 拼夠大約8-10個人就成團
其實啲講解員都幾勁 邊行邊講都冇事 普通人行上去都喘晒氣
我1點鐘入場 3點幾4點先出翻

我應該係阿里地區 祝你玩得開心啲

留名

我當年廣州去拉薩都係55
坐到第3日，個人好似靈魂出竅咁
已經係坐硬卧，唔明點解有人坐到55個鐘硬座

其實講真，西藏最值得睇既
係佢地天與地之間既距離係可以咁撚近
我去過布拉格，倫敦，三藩市，墨爾本，塔斯
冇一度地方比到我呢種感覺

不愧為世界其中一條屋脊

當地人緊係啦，邊有勁唔勁，叫佢去香港佢日日醉氧啦

唔錯喎，等實測結果

//係呢度大約每幾十米就會見到一個警崗，所以我相信呢度治安係幾安全，個個都拎全部電話周圍行，完全唔驚有人搶野。//
宜家就算去普通一個內地城巿，都好安全，唔驚打刧、搶野、打荷包。相信因為多年來周街都係CCTV，好易捉賊既關係.

係，但影呢張相都幾難對得齊，影左好耐先影到

5月23日 Day 5 (上)
兩日前係馬蜂窩搵去阿里地區既local tour，今日決定轉九日團費唔包食唔包住2750 rmb。
門票錢、食同住就自己比錢，另外要包個司機食同住，每日300，呢300蚊就成團人total 4個人share。

今日8點鐘司機就黎到我酒店接我，然後再去第二間酒店接另外三個人，佢地三個係識既，即係我一個拼佢地三個人，我心諗咁樣仲好，佢地三個9日都會坐後座，我9日都坐係副駕。

接完佢地三個，咁就出發去第一個景點，羊卓雍湖(簡稱羊湖，海拔4677米）
先係越既觀景台影羊湖，司機話今日天氣唔好，好多雲所以個湖唔夠藍。




影完遠景既羊湖，就落左去羊湖湖邊影相，好彩個太陽蒲一蒲頭，影到個湖面波光粼粼。



咁岩比我捕捉到隻唔知咩雀飛緊，自問呢張影得幾靚。



road trip其中一個好處就係架車郁緊都欣賞到沿途既風景，所以完全唔覺得悶。