其實好難 但樓主可以咁諗下
讀上去你會發現大學依個圈子乜人都有,有人靠家底,有人玩人際,有人天生聰明轉數快,有人一心搞副業但求碌過。依種條條大路通羅馬嘅感覺先最令人折磨。可能因為咁令你一時迷失,因為讀書係條明路但唔係唯一嘅路。喺大學書讀得好係基本,但當朋友踏上更多跳板,彈得更遠時係好易灰心。
諗清楚讀咁多書做咩,唔洗為往聖繼絕學,但可以諗下點樣用知識武裝自己:睇最感興趣嘅嘢,用新學嘅語言/概念睇啲深少少嘅文章,follow 有質素嘅ig ,喺連登就多入狗竇post 搵有質素嘅回覆,睇少啲toxic 嘅花生/是非/謾罵,多啲將自己感受/領悟/想法寫出嚟分享出嚟,利用你有嘅知識去開闊自己眼界。咁樣你會慢慢重拾讀書嘅樂趣,思想會澄明,求學會更通達。大學冇modal answer,人生都係。
活到老學到老,唔好咁快打沉自己對學習嘅熱情。個世界轉得好快,而家多啲用個腦係等將來可以跟上時代,30 歲前學習能力都唔會差,好好把掃
希望你可以自己打條生路出嚟,唔好沉淪,唔好自卑,keep going and make every second count。