其實我都唔覺有幾高分，純粹想標題吸引多啲人睇
嗰陣時細個唔生性，屋企好複雜
學壞咗入咗去坐4年監
頭幾年都係同身邊啲囚友一樣都係戇鳩鳩
想出嚟再創一番毒品事業
好撚戇鳩呀可？
但嗰陣就係嗰個世界嘅人
依家睇返就好似前世記憶咁
明明就有呢個記憶，但因為同依家太唔同
就好似經歷咗2世人咁
返返去主題
嗰陣時入面個教育主任周圍求人讀書
（冇錯係求，冇人肯讀書的）
懲教署嗰排諗住改善形象
買咗個創科課程，入邊個導師算係教返我上嚟
我就好想去讀好啲書
就應承咗個主任讀書
嗰排真係好辛苦，屋企人唔嚟探我
我唔識英文，係連is同are都唔係好識分嗰種，又冇人入英文書字典嗰啲俾我
冇乜資源嘅情況下我就搵入邊嗰啲南亞人士教我英文
日日淨係走過去同佢哋傾偈
搵返身邊本身同我friend嗰啲玩就笑鳩我叫我搵返南亞仔
見到啲水牌有中英翻譯嘅就mark低到夜晚背
倉入面啲投訴程序嗰啲嗰陣時我已經背到滾瓜爛熟
到有參考書嗰陣就每日溫書溫到夜晚熄咗燈都繼續溫
偷走廊啲光溫書，連平時凶神惡煞嗰啲柳記都會勸我唔好咁chur
嗰年讀書，好彩都唔算太差
好彩出返嚟之後都升到
但真係好大壓力
冇乜同路人冇人明
近排好hea完全唔係當時嘅狀態
本身part-time讀書full-time返工持續咗三年
全部堂我都上晒 gpa都ok又有conditional offer
但係今個sem 我七八成堂都走晒
完全冇動力返學
越知道呢個事實越emo
越emo就越冇動力
惡性循環
