保險問題 理性討論 佛系你問我答(7) 佛系畢業季

當然可以

提供最新嘅醫生證明或者體檢報告證明到相關部位已經情況穩定，同埋良好狀況就可以申請appeal

買咗嘅話就係申請appeal，未買嘅話佢咪喺由頭去考慮，個操作基本上係一樣的

Agent話appeal成功機會好微, 始終個裂孔唔會消失有風險
佢未聽過有成功案例, 有無方法成功率高啲？

我意思就係自家顧問咁解 都係broker
只不過呢度好多時係用agent嚟借代晒所有agent/broker

一樣會有的，你打個電話基本上就算你係搵人買都好佢電話CS都係會答你，因為你本身就係佢哋嘅客戶，只不過你係除咗公司本身之外，仲會有來自你嘅顧問嘅幫手

大間嘅通常會幫你整埋，普遍就係會叫你自己準備定，跟住醫生填好俾返你咁樣，主要都係齊文件交就可以

我自己做呢行就覺得純粹係文件嘢咁，以前父母嗰輩讀書唔多就話冇辦法，而家普遍嗰個都讀過下書肯放少少時間就處理到的

冇問題的

只不過係有時有其他嘅病會影響埋對眼，例如糖尿上眼呢啲，咪會變咗可能多啲concern對眼

你可以就咁交返對眼相關嘅報告就可以，其他唔相關就唔需要提交，就算提交都冇影響，但係佢就會有機會考慮你呢個身體狀況會唔會另外影響到對眼而令到佢維持現狀

咁呢方面保險公司都好公道。白內障/老年黃斑要打眼底針(政府都要1萬蚊支)，供到60-70歲真係claim硬佢咁滯。雖然唔係咩大數目，都變相係個保費回贈。

我覺得核都係預左俾人claim白內障，只要唔係買左無耐攪幾次補視網膜就得

其實近視深就容易有呢啲

白內障嘅話，有保險可以玩多晶體，冇保險都有單晶體，都係睇負擔能力去處理

腸胃炎都要報咩 我都冇報到 以前冇入院
好多小事係咪都要報埋上去

總之有入院 有手術做過 或者需要長期複診就都需要的

cigna好似又加價
明明下期保費應該係5070，但見到變成5392

而家加價可以唔出通告架咩
連官網價格表都未改

bupa加價加到貴過Cigna
好癲

同問

老人家點買保險？

Case1: 70歲，有糖尿病，三高，白內障（已做手術好番）

Case 2 : 62歲，有少少糖尿，其他正常

兩個case 都沒食煙飲酒

係唔係已買黎都哂氣？

呢啲真係好易出事，衰親都係呢類case上電視
好多次都係年紀太大，儲埋一堆病歷，買果時報漏一兩樣真係唔奇
而咁大年紀，買完好快要 earlyclaim機會亦會大增
要賠時，保險公司真係會由你出世開始查到你70歲


所以真係要襯後生買，幾乎冇病歷保險公司唔會有借口拒賠

兩老固有思想係唔仲意保險
之前未有禁多病個時都想同佢地買
但同佢地一講保險就好似某d連登仔
保險=呃錢

我係唔係應該考慮買番份意外保險先？

如果3、4年照腸鏡有瘜肉 割埋
依家無事
係咪買任何危疾/醫療都會有exclusion了？

幫56歲家人買自願醫保，買邊間好啲

其實有冇方法知道哂自己病歷？6，7年前試過係街到頭暈送去急症，無住院，睇左兩次內科無問題就close file, 呢啲病歷唔知點搵得返，日子又唔記得，淨係記得檢查過，應該點報好

醫療記錄/醫療報告。你記得係邊個醫院聯網，去嗰間醫院的資料發放部度申請。
可以選年期2001-2020年咁樣，就可以申請到門診睇過醫生的記錄。如果係專科的就申請個報告要醫生另外作文咁就收800蚊一科。

佢而家係全行最貴 冇必要都好少有人買

但係佢有時會做啲特別優惠 例如情緒病定唔知精神病可以買 或者公務員計劃轉換出去嗰啲 都係俾一啲特別客群