保險問題 理性討論 佛系你問我答(7) 佛系畢業季

邊間保險咁嚴？

我覺得係特別嗰一份policy先咁嚴，始終係無限保

想請教吓🙏

最近因為隻牙引起鼻竇炎，令我擔心萬一有大病嘅話，本身現有保險唔足夠cover。
附圖係我本身買咗嘅嘢，未包年金。


早兩年買咗YF xxxx 終身保危疾，但佢唔包
(a) 鼻咽原位癌 (b) 鼻咽癌 ，包括直接或間接由以上事項所引致的所有事項 (due to family history)

更早之前嘅chuxx 就冇事，冇exclusion

由於兩份危疾加埋都只係得1,000,000左右，係唔係應該要再買多份？

再買嘅時候，係唔係都應該要照報返屋企人狀況？（30+鼻咽癌已康復& 70+中風），保險公司係唔係一定唔好好有關鼻嘅項目，就算我年年身體檢查都好健康

同埋可唔可以幫我睇吓醫療嗰度足唔足夠？需唔需要upgrade？

唔該晒

補充返，個鼻睇咗耳鼻喉科，好彩咩事都冇

如果係咩事都無，其實應該揾返個醫生寫返咩事都無，跟住counter offer去remove exclusion 認真，核保部班人，當佢哋公務員就得，最緊要係捉住手仔一步一步咁guide佢哋點做，佢哋無guideline跟會好驚，咩都寫到最保障自己

我覺得易衞適合攞嚟單拖，私家手術公家跟進個種 醫癌應該咁嘅話就勉強夠用

明白，我講漏咗自己已經40歲，女，不吸煙，冇家庭負擔，但有老公同未供完嘅樓。
因為年紀開始大，開始擔心病痛會出嚟，所以先擔心危疾好似得好少唔太足夠，係唔係應該要買多份呢？要買又應該點買呢？

其實我年年都有驗身，但萬通都係因為家族病史唔保我個鼻，係唔係好似師兄咁講，只要醫生肯寫醫生紙話我個鼻而家好正常，其他公司就有可能會保？

感謝🙏

利申返 唔係保險從業員，不過大家唔去公立我都有着數我少d嘢做

#1 應該揀咩危疾plan

如果用家嚟講，我覺得你而家呢個階段應該買定期無儲蓄成份嘅危疾，保額就3年人工減返儲蓄危疾嘅保額。

點解唔建議買儲蓄危疾？你已經40歲，儲蓄危疾個保費會好貴

買定期危疾嘅缺點：年年加價，大部份plan嘅保障無cover咁多病，大部份plan賠一次就冇得再賠

揀咩plan嘅因素：我覺得主要係睇你覺得自己去到70-80歲嗰陣有危疾會唔會想尋求康復咁積極治療，如果會嘅話，不妨買儲蓄，話晒保終身

不過如果我自己咁睇，我係一個2x歲啱啱出嚟做嘢嘅人，我最擔心係中危疾會影響我35-45歲suppose要搏殺嘅幾年，咁就要買重定期危疾去cover返個風險

#2 鼻嘅問題

如果你一路都供緊YF份嘢就keep住供，斷供會輸錢

至於如果你有計劃去買一份定期危疾，你可以咁做

1. 揾醫生，最好耳鼻喉專科，睇一睇個鼻有冇問題，如果冇問題嘅話不妨叫佢寫醫療報告寫明一切正常。唔好口頭就算，有文字紀錄最好

2. 同另一間公司投保，記住attach份報告，如果你真係無事理論上就唔會不保嘅，如果係家族問題，你一份正常嘅report可以作為一個證據話自己低d風險

3. 如果個鼻真係無事，而核保係無不保，理論上你可以寫信同YF要求佢剔除不保事項，attach份report同另一間公司嘅核保文件

有時保險公司d核保唔係咁聰明，比d耐性去指導佢哋就得

4. 每個禮拜打一次過去追進度，每次打電話都問對方攞staff number同名

5. 如果剔除咗，恭喜曬，如果無剔除，你無輸到任何嘢

#3 驗身問題



#4 人壽保險

我無睇到，不過你地人壽夠唔夠full pay按揭先 唔夠都起碼要half pay到啦，真係有意外死咗要供樓都好kick

#1 多謝你建議，得唔得都試吓先，買個機會冇壞

#2 本身都係有咁嘅打算，只係唔知邊間公司同買咩plan好

#3 睇你要求，平到幾百到萬幾都有，我就慣咗每年做一次細檢（唔使錢，Bupa 送)，三年做一次大檢(醫院幾千蚊，照埋肝check埋癌果啲）

#4 本身嗰兩份都冇儲蓄成份，只係第一份同chubb買嘅時侯主要係儲蓄人壽，附帶包埋危疾去到85歲；第二份Fwd就保終身。（兩份加埋保100萬）
按危疾要預人工2年計嘅話，我要買多100萬保額，會好好硏究下市場products

按揭保唔擔心，有買到足夠保額。😊

多謝你意見先🙏

不過想問

大家覺得168 vs 198邊個抵玩d

睇左幾段保險 youtbue片講危疾。
真係10個有10個都會暗地裡推儲蓄型。
佢地手法都係差唔多，將2邊數據同資料列晒出黎。
而在佢地個資料當中明顯會見到儲蓄型好似著數D

但最後佢都會加句 "其實各有各好"(真係個個都咁講) ----------相信講左邊一種危疾好D都會即中誤導性銷售

正常人係咪買自願醫保就得？

但自願醫保AA無肉食 所以都費事跟？

其實自願醫保洗唔洗AA跟？定隨便搵人買都一樣

其實要玩佢嘅話可以cut佢條片某一段，用獨立句子去port佢 可惜香港port人冇得分佣金

有人鐘意有agent跟，不過佢哋鐘意sell儲蓄單

有人鍾意無agent跟，不過如果大病嘅話你屋企人要識幫你claim

https://www.youtube.com/watch?v=x3sRqCsxBOQ&t=2375s

其實段片幾有營養，佢講得都幾好。

呢個保險佬就講 (31:15)，有D人提出自己儲蓄保障自己咪得囉? 但這個係建基於這幾十年身體無事，如果有病就唔成立了有病仲點儲呢?

個正解我唔知佢係唔知定特登唔講了，如果先買一份定期危疾較便宜。將原本要交儲蓄危疾慳左的保費錢再蓄，咪可以完全儲錢保障自己囉(多出黎的錢於65歲後)，就算中途有病都唔怕

我粗略計，我買定期20年同一份儲蓄20年。我慳到的錢每年投入覆息4%計，20年後真係儲到原本保障的60-80%。某程度上我真係可以唔需要份終身危疾保.....因為錢已在我手有病都仲有錢醫。而且我唔中危疾都會有這筆錢而且係活期的。

終身危疾只係得返中多次以上先至有明顯優勢。同埋年年4%在高息環境下買美債已得，得息又未必做到的。

都係搵食啫，個個都想sell有儲蓄成份的.......
肯講真話，真係sell個客需要的保險。唔會hard sell儲蓄單，已經係好好的agent了。

有D靚女團隊話自己會做得好，隨傳隨到。
我自問俾得幾千蚊人賺，都唔好意思要人未來幾十年都跟得貼。

仲肯覆下whatapp都夠了

佢揾食唔關我事㗎喎 弊在好多保險從業員講假呢

Agent講咩，聽左就算至緊要唔好落搭啫。
唔使同佢地嘈的，維持返個氣紛

涉及利益同佣金99%agent會講對佢地有利，或者語言偽術。得返1%會講真話，但講真話都好難在保險界生存。

公道講，教你搵邊個醫生，有乜病徵需要照野，claim 唔claim到等等。Agent都肯同你講真話的

試過幾個都係chok佢語言偽術都夠膽講大話

最近一次屋企人例行檢查驗到血糖高左少少6.1
後未refer 去認直做一次空腹驗無問題好正常
而家想買醫保核保時洗唔洗主動申報（6.1又遠遠未到糖尿病）
因為第一次係例行檢查無空腹，食左野有機會影響

樓主12月推介大貓家居保係咪同藍色AX_合作嗰隻

係咪政府驗先？
高過正常會叫做（葡萄糖耐受不良）或葡萄糖耐量不足。
會受保但多數加loading

睇下改唔改到report或者驗返一次正常交埋上去

份報告會被人搵到的情況下

如果係5年內驗，仲有一條問題係化驗結果有無異常。高過正常值就算係，會再問有乜野異常。你可以寫血糖高左，因為食左野驗。

如果份報告都寫到明係食左野驗會影響結果 / 檢驗無效就最好啦。佢寫好過自己解釋

利申:唔係agent，你有相熟agent可以商量下點報的

後未已驗多一次 正常
咁既情況下洗唔洗主動交
核保問卷上只係問有冇確診糖尿病（當然無）