保險問題 理性討論 佛系你問我答(7) 佛系畢業季

如果你本身買嘅時候申報冇問題

同埋都唔係屬於早期索償即係買咗一兩年內嘅 問題不大嘅

當萬一搞唔掂嘅話，若果我睇過情況係可以幫助嘅會協助你的，希望用唔着呢個la

其實買保險係咪應該去醫健通做 索取電子健康紀錄副本 跟住咩都寫曬落去先啱 定係攞完之後揾醫生check多次d醫療狀況仲存唔存在先再申報

又唔係要乜都寫哂落去既
表格會有講明有乜嘢係唔需要



自於要唔要搵醫生check多次嚟確認你既病症仲存唔存在，通常就唔使既
不過都要睇你係乜病，例如3年前你超聲波見有腎石，咁你冇處理佢
今日如果直接投保，泌尿道結石會落不保事項，如果你唔想落不保事項
你可以搵醫生再照下粒石會唔會已消失
呢類情況就可以做多次檢查先至買保險



｜

想請教下
考慮緊幫家中長輩買份自願醫保
一年前咁佢去私家普通診所睇話有疝氣
醫生轉介佢去睇公立醫生 醫生睇完話可以唔做手術
做就要等一年半載 咁佢最尾就冇做啦 亦都冇再複診
請問呢個情況買嘅時候使唔使申報？
如果申報咗係咪相關病情以後都冇得claim?

當然要申報,尤其係公立醫院,有claim時,保險公司要check你,易過借火
將成個過程,由頭到尾寫清楚俾保險公司知
有咩病徵,幾時睇醫生,醫生做咗啲咩類型診斷
診斷報告寫啲咩(最好有報告喺手,交俾保險公司)
醫生有咩診斷結果,再話醫生判斷唔需要做手術
寫埋有冇覆診,覆咗幾多次,有冇食藥治療,最後係邊日睇醫生

申報咗,唔知會唔會落不保事項,視乎你診斷報告,睇保險公司決定

Cut儲蓄危疾既話會無埋個醫保

呢啲多種危疾保,你好難claim到佢 終止保單
只會係斷供令到保單中止
然後累到冇埋份附加既醫保

「愛伴航」設有特選危疾七重賠償，針對癌症、心臟病、中風及腦退化疾病提供
保障，以減輕您的財務重擔，讓您專注康復。


你要claim 好多次危疾,份保單先至完結(同時令到附加既自願醫保都中止)

所以附加落呢啲儲蓄危疾都係好安全的,
同埋通常咁樣附加落去買醫保,會平過獨立醫保買十幾廿%

糖尿病病視乎嚴重程度，
輕微就加價，嚴重就拒保

痊愈一至兩年，冇再需要食藥同覆診，就有機會標準保費承保

Claim係冇事的 cut單先有事

因為你份危疾係作為主單 醫保係附加落去的

個主膽係一郁就會附帶嘅都冇晒，所以就會係cut危疾就會令到所有單失效晒

但係你索償保單份單係會繼續存在的，份醫保係可以繼續喺度，只不過係索償咗之後冇得再退保拎返錢咁解，因為已經索償拎咗

睇你幾多歲？本身有冇食煙？
同埋你份醫保你係揀咗零墊底？ 定係兩份醫保夾埋呢個價？

主要係食煙同埋歲數大就一定有影響嘅

你主要係貴在醫保身上

跟住危疾上面我講開嗰兩間，你可以再壓縮多兩成保費落去，你應該成個加埋應該係20,000中左右可以搞得掂

如果你揀15,000墊 咁你使鬼再另外買多份咩，如果你另外買多份係有額外醫療保障既，咁你應該係揀50,000墊

咁你公司有醫保，你係唔需要買兩份㗎嘛，因為成件事係Double咗係冇用的

另外人壽同埋危疾就簡單既啫，人壽基本上就係有平買平就OK，如果你本身係諗住長年期買，咁你就可以揀水平式收費10年20年一樣價錢嗰啲，但若果你係鍾意隨着年紀慢慢升嘅咁就煲呔會抵啲

危疾嘅話呢就睇吓你係想買終身形式定係定期，終身形式就即係可以供斷同埋可以包含到多重保障嘅，至於定期形式就會隨着年紀上升慢慢加價，亦都可以加錢加到有多重保障嘅，但若果你本身係淨係諗住保障黃金年紀嘅話定期就足夠了，但係若果係打算保障到退休後嘅咁就買終身會抵啲嘅，同埋亦都係會建議若果預算未太足夠嘅話係混合咁買

水平式人壽同危疾
李澤楷都係會有的
人壽就多啲選擇嘅 普遍10年會常見啲 20開始就少啲公司了 如果你想直接一步到位40年同樣保費就可以睇一間叫太平洋

你呢個諗法啱一半，因為你需要考慮有病歷之後未必買得返呢個Offer，會出現不保事項或者買唔到呢個問題

所以趁後生係應該入咗最難買嘅醫保先，跟住危疾若果你覺得價錢較高，我就會寧願個保額足夠多過夾硬買個終身危疾，直接將個比例或者全部買晒定期，如果唔係當萬一出事嘅時候個保額到喉唔到肺係唔知有咩用

反而人壽呢啲，除非你本身個病歷係會影響你生命嘅，如果唔係就普通病歷唔會點影響你買唔到

懷疑自己買貴咗…
買咗信諾自願醫保系列－靈活計劃（優越）
年紀未到30（即將）
每個月俾緊$700，一年成8千幾..

但我claim過一次眼科手術（全數一皮左右）
短期內財政能力冇咁好
所以諗緊好唔好轉去bowtie，平啲
大家點睇