保險問題 理性討論 佛系你問我答(7) 佛系畢業季

最近Feel到單邊手震同僵硬，建唔建議買左醫保同危疾先去睇醫生。同想問等候期確診某種疾病係唔係最多冇得claim ，張單唔會取消

買無等候期醫保

請問本身有份加拿大公司自願醫保。本身公司同老婆公司都有份基本醫保。今日保險佬sell建議話加分高端自願醫保，墊底廢80000，保額會高好多。

請問買唔買得過？

請問我本身公司有醫保，想問下應該買高端醫療定自願醫保比教好？

另外， 想問 太太有妊娠糖尿病，公司都有醫保想問下買高端定自願醫保好？ 同埋如果既話 而加買好 ？ 定係妊娠完左先買比教好？ 謝謝解答🙏🏿🙏🏿🙏🏿

既然公司有，就當然係高端
墊底條數公司嗰份，上面嗰啲就高端

如果cover 得夠，高端都可以唔洗買添

今年32歲 公司有基本醫療卡
見到fwd 有宣傳
一次過買兩份有得平d
本身無買開保險
想買危疾+自願醫保 25000墊 尊衛您
有無咩要留意 同fwd 危疾有無咩推薦

等得嘅話就梗係等買咗之後過晒等候期之後先去睇

自願醫保最美好嘅條款係未知已存在疾病係可以包含到，簡單講除非你有醫學背景如果唔係鬼知自己有病咩，或者係個病徵係好明顯，例如會每日狂嘔會嘔血咁樣個d

若果係買咗冇幾耐就即刻要睇醫生，基本上除咗意外入院即係例如俾車撞呢啲，佢都一定係會睇你過往有冇睇過醫生嘅紀錄係咪之前已經知道等等，咁過到就玩你幾個月嘅，若果你本身都係諗住用自己錢去醫嘅話，你可以去買咗之後試吓得唔得，反正若果最後佢覺得你隻case係有問題唔得嘅話，都係會退返保費俾你的。

另外你呢個新嘅病歷係會影響買新嘅保險，如果係咪都係諗住持有一份保險係長期保障嘅話，你而家買咗先都係有着數嘅，如果唔係多咗病歷之後真係有機會不保事項多又或者係買唔到

呢個可以啊，其實係買高端先係幫你應付無止境嘅醫藥費，普通醫保每一年幫到你嘅費用其實唔太高，但係再往後嘅費用唔通你停低咗佢下一年再醫咩？

通常我自己嘅做法就會係直接一份高端再加公司醫保去處理，自己嗰份普通醫保就可以唔要嘅，咁樣平衡返個保費，但若果自己短期內係有機會轉公司如果一間公司又未必有公司醫保嘅話，咁就可以兩份並存去幫你應對普通小病小痛同埋大病嘅風險

首先，自願醫保係一個大類別入面係可以包含到高端醫療喺入面嘅，另外若果而家購買嘅保險嘅話，一定係買自願醫保條款，同埋個保障上面會係最好。

同埋高端醫保，除咗自己要俾自付費之外，保額可以去到過千萬，絕對係可以cover到選用任何形式嘅醫療方案，普通醫保就一年得幾十萬左右過咗之後需要自己俾就好頭痛的，加上你本身有公司醫保可以去幫你俾個自付費，所以係應該選擇呢個嘅

另外太太若果現時係有妊娠糖尿病嘅話，都好大機會會出現延遲受保即係postpone嘅情況，因為一來孕婦大風險d，二來驚佢之後會有其他唔同併發症，所以係要等佢生完小朋友之後情況穩定落嚟保險公司先會開始審視到適唔適合買到

同埋若果懷孕期間嘅話其實坊間都係得一間公司係有出到懷孕保險可以保障到懷孕期間嘅嘢，但若果現時已經有妊娠糖尿病嘅話應該都未必批到

個優惠長期都有的

醫療嗰part合理的，呢個選擇唔錯，本身有冇病歷？如果冇嘅話呢個幾適合，若果有嘅話不保事項有機會會多或者買唔到

至於危疾嘅話，佢自己嗰隻其實就好就好在可以包到20%俾父母或者仔女，最高200,000，若果你本身都係諗住買齊頭100嘅話就幾適合嘅，但保費就會比起我推薦開嗰兩間貴一兩成左右，但都係屬於四大公司嘅市價

我諗都係自己疑神疑鬼多
可能過一排就冇事
唔睇好過睇

感謝你啊！我應該買咗份高端先🙌🏻

我見fwd尊衛您啲內容同評價都唔錯
如果揀自付25k或者50k
以基層市民收入嚟講
係咪都夠保障大部分嚴重疾病嘅費用
另外想問
多唔多客都係淨買醫保唔買危疾嘅情況

補充資料我係30出頭
無公司保險唔煙唔酒

電話打上保險公司問野要保單持有人親口對身份我明
但如果個保單持有人已經冇能力對資料可以點？

好撚多錢先買危疾啦

想問知唔知周大福保險收唔收銀聯

非正式嘅話 就係同你平時問寬頻電話一樣處理就得

正式嘅話 就要保單持有人之前已經整咗個持久授權書喺喪失能力嘅時候其他人幫佢合法代勞，又或者若果係受益人嘅話都仲可以問到相關資料，但若果太深入嘅例如分配比較呢啲都係會答唔到的

你呢個好問題 我印象中係唔收嘅

能力夠嘅話咪兩樣都買

因為兩個嘅功能性都唔同 一個係醫病嘅費用實報實銷 一個係因為病返唔到工有個一筆過嘅賠償去應付開支

大概計過自願醫保+消費型危疾
每個月要用1/10人工去供
仲未計將來保費愈來愈貴
保障嘅嘢梗係多多益善
不過搵得唔多買哂兩樣有啲吃力

我都係咁諗
不過個agent就係度話危疾一定要有
能力供唔起份大嘅就買份保額細啲嘅

如果要二保一咁選擇 一定係揀醫療先
保險不嬲都係睇餸食飯 買齊當然係最好 但都係要睇實際情況邊個令自己舒服

收到巴打
另外想問下
見啲人成日話保險愈後生買愈平
假設我買消費型危疾
由25歲開始買
到40歲嗰一年我要交嘅保費
比較我係40歲先開始買危疾
個保費會平幾多？

消費型嘅話係冇分別的，除非你買到嘅產品續保年期好長，例如30年20年一樣保費咁樣，咁樣就變咗你未來二三十年一樣保費，不過再續都係貴的

上面你講嗰一隻係儲蓄型，就會出現趁早買平啲嘅情況