保險問題 理性討論 佛系你問我答(7) 佛系畢業季

因為你買嘅呢一種計劃佢個最大優點係，有得幫你供斷咗同埋提供多重保，正正就係因為身體健康個批又覺得有需要買，就最盡可攻退可守的

至於保證部份呢，你呢個係25/20年供款25/20年保證回本，喺同一個年代比較係得佢一隻做到咁，就算係去到而家2024都仲係好多公司25年供款30幾年都仲未保證回本，變咗你真係身體健健康康，去到老咗嘅時候想唔要個保障拎返出嚟嘅話都起碼有個保證價值喺入面，係輸個時間值咁解，但你中間就多咗幾十年有個保障同埋多重保喺入面

至於最重點嘅部份就係你已經供咗六年而家先cut就好無謂的同你而家拎返嘅現金價值就好少，同埋呢個plan係屬於好plan，個保障內容同埋保費喺儲蓄危疾嘅領域上面都係唔錯，建議繼續的

睇個退保價值部份

每年收到份表，你睇返今年個年份退保部份就係了

合理 感謝詳盡解釋

主要係無謂呀嘛

反而估計自己好短期出事嘅，我就會建議你轉做定期就算數，變咗係用後生平保費去換取最大嘅賠償額

但係若果你本身就已經係預計自己身體健健康康去到老，咁你買個定期危疾即係頭呢幾十年都係白交出去，同埋你要計算埋年紀大就開始貴呢個問題，反而係你而家覺得個保額唔夠你再另外加多個定期都反而合理啲

理論上就有睇過任何紀錄就都需要的，主要係因為好難判斷邊一項係屬於重大事實，特別係若果你個中醫係公立又或者係連鎖的，咁就一定需要的因為記錄係聯網的

然後同一時間我就見坊間有另一套講法就會係若果係個人式經營嘅中醫，即係非集團式非公立，就基本上你睇過都好難知道你睇過的，跟住個老中醫一死就所有病歷都冇晒。同埋中醫確診嘅病喺保險公司角度唔屬於確診，係需要經過西醫斷症先係確診，特別係啲比較大小小嘅病

墊底費嘅意思就係，例如你張單10萬蚊嘅你個墊底費係兩萬蚊，佢就最多只係會賠償八萬蚊俾你，呢兩萬蚊就需要你自己比的

你下面嗰個合理呀，因為保險賠償係實報實銷，就算有兩間公司嘅plan最多佢係其中一間公司幫你負擔咗墊底費嘅部份又或者兩間公司50 50咁進行賠償，咁佢就要睇咗你第一間公司嘅保險係賠咗幾多，咁剩低嘅部份就會由佢負責了

例如同樣用返10萬蚊都做例子，你係揀五萬蚊墊底咁計啦，佢而家就係要睇煲呔幫你食咗五萬蚊墊底入面嘅幾多，例如(1)幫你食咗四萬蚊嘅，佢就會照賠償五萬，一萬蚊要你自己比因為50,000-40,000仲有10,000剩。(2)幫你食咗六萬蚊，佢就會賠償四萬蚊，唔需要你自己俾亦即係所謂嘅full claim

你呢個真係一個千古難題

做咗20年不論前線或者內部都係解答唔到嘅問題嚟，因為點樣先至證明到你係最高誠信係冇一個界定方法

最狹義去講就係你盡可能透過你力所能及嘅渠道去得悉你嘅身體狀況，亦都全部就你所知去報就係最高誠信了。但係例如醫健通部份原來個醫生冇寫到入去當係人為失誤咁計，咁你作為一個普通冇醫學常識嘅人就咁將醫健通嘅資料搬晒入去同埋醫生言語上冇點提及你嘅病歷，理論上就已經係做到力所能及嘅。但係最複雜嘅就係現實情況冇咁簡單，有時可能係份report冇寫但係口頭上講過，clinical notes有寫醫健通冇，已經可以爭議好耐

其實佢點知我有買煲呔?

佢有個部份係問你會唔會就今次保險賠償向第二間公司申請同時賠償

想講clinical note我自己開自己個page睇都唔得有server log activity

HR提過叫大家唔好咁做

根本clinical note就係個黑洞嚟

不過你嘅意思係，全部買醫保都應該攞幾百蚊去街症攞返一生所有醫療文件嚟睇？

其實個系統係歧視窮人啫

正正就係因為窮先要倚賴公立系統，但係平時小病小痛如果全部都係私家診所處理首先就係所有應該要有嘅資料會比足你，當係唔會有聯網嗰隻，咁其實當真係自己冇心嘅情況下報漏咗，保險公司都係會唔知，反而係倚賴公立系統嗰班就成為成個制度嘅犧牲者

所以其實好少見有錢嗰班會出現呢個問題，唔係有錢人唔買保險，係一來冇病歷嗰陣買落，二來全私家診所處理小病，大病私家醫院記錄又會比足，咁佢自己買嘅時候都容易寫返清楚

好合理
claim第二份保險時要拎上一份保險賠償證明

研究返，其實vhis個設計原意同而家實行，真係爭好遠

不過我都仲係諗緊自己有冇漏報 自問記性唔好

點爭好遠

想買醫療保，但可否保險公司在受保前，前行查晒病歷紀錄先，最怕有事又話唔保。簽咗就必買必賠

想知邊到有得check
係驚報漏一陣好似cinxx個個新聞咁

高風險池同醫療套餐

聽人講保太係初創公司好似已經蝕好多錢又上唔到市

呢單我一直跟進緊，因為主要係報嘅時候有個問題出現咗，因為係有問有冇長期複診嘅紀錄，但係個客就俾咗個終點結論骨質疏鬆出嚟，冇講因背痛去睇呢樣嘢，所以c記就捉住呢一點話冇報

同埋第二樣嘢，因為買咗去到賠都只過咗五個月左右，仲要係發現係四期，佢都係驚帶病投保呢樣嘢發生，之前唯一佢程序出錯嘅地方就係預先核保批核，但係冇情情收返，而家都希望保險公司會本着同情同不幸去協助佢渡過到，而家都傾緊有方案處理的

前半part啱，後面冇上市嘅原因就唔係關呢樣嘢事

主要係佢冇乜盈利性產品，變咗收返嚟嘅保費你同成本相比係未breakeven的，反而係佢樓下coffee shop係賺錢嘅，同埋幾好飲係價錢貴少少啫 我以前成日走過去飲

大貓醫保520玩劈價

有冇保柏agent
網上投保麻煩想搵真人幫手搞
費事申報漏嘢
留tg 我加

會唔會最後比永明買返