[漫画][RAW] FX戰士久留美33 - 橫跨12頁的瑞士法郎崩盤

佢o個次都贏到咁勁？

你重溫返漫畫啦

依家有咩成就

老實講，有邊個初次贏大錢唔係咁樣急住曬命？
Too young too simple sometimes navie

唔怕 仲有老豆櫃桶果300個

做fx一定要開槓桿
唔開無肉食的

我以前都試過
嗰時我allin 期權，然後一鋪清袋

我都睇到笑

TQQQ戰士久留美

唔覺得會穿嘅野，超大槓桿有幾奇
USD/HKD响低位就算一千倍都同你玩呀

呢齣嘢，拍真人版一定好收得
加上日股而家咁高位，應該好熱門

點翻身，借完再訓落去？

想問有冇whatsapp版？

可唔可以講下之後果幾年點

穩陣派大勝利

久留美變左韭留美

其實果下係有少少好彩, 果陣係唔止無晒全部身家, 個AC仲要負成球, 好彩既係FXCM當時係有Terms就算負數都係唔使人填數
不過就算唔使填數, 無晒全部身家果陣真係覺得人生已完, 但係個女岩岩先出世點可以咁諗
果陣自我價值係0, 覺得自己做咩搞成咁, 同老婆講左無晒全部身家, 佢就話無野唔係負數可以再搵過既, 如果唔係可以點呀

我無借錢翩身, 仲輸唔夠咩, 經歷完呢單野之後我覺得自己其實係一個on9仔, 再炒都無意思, 以前覺得自己有d小聰明, 畢業後開始學炒野, 諗住30歲就會學有所成可以退休, 真係天真過天真嬌。之後果三年我無再掂任何炒賣野, 真係唔敢再掂, 我覺得其實係戒左賭咁既feel, 我認命,我踏實做人, 全心全力做黎生, 努力返工, 點知完來我認真返工係可以做到好好既成績 (果陣我做data & business analyst), 好有成就感, 老闆又睇得起我, 人工加完又加, 升完又升, Bonus出得特別多, 開始可以儲返d錢
係努力返工既時候其實係學到好多管理層, 有錢人, 或者係投資者既思想, 當時又有返d錢, 開始買返d大型美股, msft, appl, amzn, brk, voo果d儲下錢, 呢到都幫我建立返投資既基礎
再過多1-2年, 善用老闆/ 投資者思維就已經升到manager級, 我開始睇返港股, 但Fx就無再掂, 用新既角度去買期指期貨, 去到而家已經連續5年炒期指係100%勝率 (寫Patreon而家連載左2年都係100%勝率, 入面有篇野講我而家炒既時候係點諗野, 不過唔關呢到事唔講咁多)
而家份工我都已經升左做director grade, 正職/ 投資/ 投機 都收入唔錯

可以睇返上面#292

算少年股神
但越飛得高跌得越甘

搵返狂賭之淵班人

謝分享
但又咁講
如果腳踏實地返工有保證既前途，又邊度有人會以身犯險去炒野

我畢業十年多啲，頭一份工有辛勞無人工，好辛苦但老細唔會睇得起我
第二份工舒服好多，但完全無前途
第三份工頭半年遇上變態上司，職場欺凌，直頭差啲要報警，又估唔到佢地走左之後既上司就正常好多，都算會睇我俾我發揮
不過同時果陣我都因為覺得工作無常所以去炒期指，輸左頭七八年工作積蓄彷彿由零開始
好彩無家庭負擔自己又慳，所以生活如常，不過都停左炒期了
上年轉左工人工終於去到合理水平，不過最近市差可能要再搵工了

所以我真係覺得返工好講運數，恭喜巴打跌低有機會翻身

多謝我其實都覺得自己係好幸運
外匯爆倉負數無追我，仲有個伯樂老細賞識我
都祝你之後一切順利

投資都有做
投機果邊就係有人輸先易計點贏錢
首要係知道邊類人幾時點解會輸錢，我就係要食果d人既錢，巿場係咁殘酷
就好似大自然入面你會知邊d對手可以做你既獵物，有咩情況佢地會比你捉到黎食，有咩情況唔係自己專長要避風頭