第一次係因為香港手術後咽喉嚴重起疤無醫生執手尾，
最後去咗台灣搵喉頭頸手術算係出名耳鼻喉醫生肯接修正手術．
第二次係做鼻敏感翼管神經截斷手術
上年入秋因為持續鼻竇炎3個月,所以第三次去台灣做Full House FESS
是咁的，上年做咗鼻敏感手術鼻水幾乎斷晒尾，
但之後流感高峰惹到流感，搞到感染鼻竇係咁流膿咗兩三個月，
即係無鼻水但流濃
Covid前無戴口罩，發炎頻密程度一年至少咁兩三次同幾個月
睇第一個香港耳鼻喉醫生比咗抗生素3星期，keep住洗鼻都唔掂
之後轉第二個6張嘢既醫生，比另一隻抗生素食咗一排都無改善，
我強烈要求下照CT先睇到幾個鼻竇窿都好窄而且發炎,
所以洗鼻鹽水沖唔走鼻竇發炎物．條阿叔就話唔會同我做手術，
叫我食抗生素，抗生素我食L到胃痛，手術佢話只會揀case做．
心諗'屌你'
ok即轉醫生，第三位醫生見CT話可以做，
但護士醫生瀨瀨閒無再follow up手術期，而且全部費用12/13萬，
如是者搞咗3個月鼻炎一直持續
打算去台灣搵返第一次手術嘅醫生但實在太多人無得打尖，輪候得太耐，
而第二次手術間佛教團體醫院無國際醫療安排，佢哋唔會隔空睇報告
最後決定都係要搵新醫生，
因爲鼻竇太似迷官近腦同眼神經，
見有台灣耳鼻喉醫生用Intraoperative CT下做鼻竇手術，
聯絡咗國際醫療中心比啲報告佢，
另一方面唔想claim爆自己保險
而呢間醫院非本地人係無收surcharge(加成)
決定咗後隔十日唔夠就年尾假期飛咗去，
台大醫院國際醫療病人收費係 1.7倍
矮仔偉做心血管個間台北榮總非本地病人收費分項1.7/2.21/3倍
Coordinator幫手全程打尖，
掛號見醫生照CT照XRay照心電圖驗血個半鐘内搞掂
佢建議做Bilateral Pansinusectomy (又可以叫Full House FESS),
而唔係純緒打開鼻竇開口嘅FESS
Full House FESS即係將鼻竇全打開暴露晒，比較進取嘅方法
等洗鼻用藥可以直接沖走發炎物，久而久之醫好
第二日一早入院上房準備，當我係手術等候區(無菌消毒區)忽然聽到主診醫生咆哮，
鬧個手術室護士手腳慢鬧L到喊，當場淆L咗
手術中電腦斷層record 醫生剪走吸走鼻竇骨中，
即時睇返同update個鼻竇骨同頭骨同視神經血管等等有幾近,
割咗啲頭鼻骨邊做邊照CT即時update
手術既耗材，止血膠止血棉等等
術後無乜流鼻血，啲止血棉係塞晒係鼻高位，可以用鼻唞氣．
住單人房，好悶就出咗去病房層唞唞
第二朝係個休息區hea，之後見多次醫生，吸走啲止血棉
台灣醫療系統係用英文病歷，醫生寫咗出院簡報
再神速填埋香港保險claim form
中午出院走人
中午出院走人,hea多日返港
唔係當地人無健保全自費，埋單港幣3萬2多啲 ,
相同手術，台灣收13萬，香港又係13萬
不過人地用台幣算
解決咗鼻竇炎，唔洗再煩
