「救生艇」計劃港人申請PR獲批無期 子女或被逼輟學 今赴渥太華請願

【星島網報道】加拿大「港人救生艇」計劃(HK Pathway) 永居申請人今日到了渥太華IRCC總部遞交請願信，移民部派出兩名高級職員接信。

移民局永久經濟移民部高級職員及移民部傳媒聯絡助理總監代表接信。加拿大香港菁英協會(前HK Pathway Stream B (Classes of 2016 and 17 Graduates) Alliance) 聯同移加港人救生艇2023年滯後群組(由2023年4月至8月PR申請者組成)帶同請願港人向兩位高級職員表達訴求，揮動加拿大國旗及遞信請願。

請願港人指，部分港人的子女在等待永居期間失去合法居留身份，更導致無法上學。然而，目前積壓申請個案導致數千人處於不確定狀態，面臨工作簽證到期問題，並危及他們在加拿大的身份。現時，香港救生艇計劃因缺乏橋樑工作簽證令申請者更為憂慮，他們擔心失去工作、公共醫療保障、子女教育，並有可能被迫在等待批核期間返回香港。

根據《星島網》早前報道，截至2024年1月，IRCC已收到15,592份永久居留申請，並處理了7,235份，還有8,357份待處理。這個積壓問題促使多個組織代表受影響的申請者採取行動向移民部反映。

請願團體稱會敦促部長為所有Stream A和Stream B 永久居民申請人提供橋梁開放式工作簽證(BOWP)，即使申請人已經失去了身份並且不符合簽證續期的條件，然而橋梁開放式工作簽證可使申請人在等候永久居留申請處理期間在加拿大合法工作和居住。此外，請願信亦呼籲移民部增加人手以加快審批處理速度，以達至符合優先處理的政策。

《星島網》曾就事態發展去信移民部查詢，移民部回覆《星島網》指，現時「救生艇計劃」永居申請的平均審批時間為6個半月，惟沒有正面回應「救生艇計劃」是否仍然獲優先處理。移民部回覆指，「救生艇計劃」為香港人提供兩條獲永久居留途徑，以表彰香港居民對加拿大經濟和社會文化的貢獻，有助於向目前居住在加拿大的合資格香港申請人及其家庭成員授予永久居留權。

移民部表示，截至 2024 年 2 月底，根據香港永久居民 (PR) 途徑提交的申請的處理時間為 6個半月，但由於移民部 IRCC 收到的申請數量遠超預期，因此出現積壓，兩種途徑的申請人審批時間將會增加。

https://www.singtao.ca/6646865/2024-04-11/news-「救生艇」計劃港人申請PR獲批無期++子女或被逼輟學++今赴渥太華請願-st-topic/?variant=zh-hk

係唔係講漏左啲咩野？

加拿大點會玩你？

加拿大　=龐氏騙局

分分鐘到時BNO撚
轉BC 個時都係咁

五年ILR status 已經可以合法留uk啦

BNO一早講左可以續
但加拿大之前無考慮到bridging問題

英國政府效率不知高加拿大幾多倍

有名你叫Chinada

鬼叫你唔係中東人咩隨隨便便都入到

最好一個都唔批

3C leave

香港人出到去就比人當臭雞

講到留港唔會被人當臭雞咁

啲愛加力仲要死撐話無問題

佢一年批45萬個pr
香港咪最多萬幾二萬個

係撚bridging問題咩
知唔知點解佢哋啲仔女會突然之間讀唔到書呀？

出呢一個問題嘅家庭，好多都係行stream A
由個老竇讀書，然後帶晒成家過嚟加拿大
老豆:Study permit 老母: spouse open work permit
正常嘅情況之下，適齡入學嘅小朋友其實係要申請minor study permit

但係申請呢一張minor SP係要俾錢。而喺熱門華人省份BC省，minor SP holder係每個月要俾 CAD75/month嘅國際學生health fee

有班人唔想俾呢一舊錢。就入境嘅時候就淨係幫小朋友申請traveler用嘅ETA。入到加拿大境內之後，就同海關人員申請拎visitor record(即係行街紙)。

喺加拿大係有一個「人道政策」，就係拎住visitor record嘅中小學生喺加拿大境內係可以入讀city嘅school board名下嘅學校。不過喺熱門嘅華人城市，好多時school board會要求父母交有效嘅DLI學校入讀證明/ 至少三期糧單。

呢一班拎住visitor record嘅中小學生，一開始係因為父母讀書/有返工，而順利入讀學校。

通常父/母喺就嚟畢業嘅時候，只要有一直返part time。咁呢個家庭就有資格去申請post-grad work permit+extend全家人嘅permit。只要子女本身係minor SP holder，子女仍然係可以一齊續身份。

而家佢哋會失學，好多時都係中咗以下嘅共通點：
1. 父/母一直都淨係讀書，無返part time。所以喺畢業前後冇辦法幫全家人一齊Extent permit。而唔好彩地呢排加拿大經濟差，所以父/母喺畢業之後冇辦法搵工。喺冇糧單嘅情況之下，就只有study permit holder單獨申請自己嗰張PGWP。

2. 拎SOWP嘅一方一直冇返工。所以冇辦法用接力嘅形式交糧單俾city school board。

3. 拎visitor record嘅小朋友根本就冇permit可以續，父母嘅PR/ PGWP/ any work permit又未批。小朋友嘅身份直接變返做普通traveler，自然冇得讀書。（因為visitor record呢張行街紙唔係你要求就可以續到，要depends on 父母嘅work permit or study permit。)

只要佢哋一開始唔係諗住慳錢而叫個小朋友去拎行街紙留喺加拿大嘅話，根本情況唔會去到咁差。

Visitor Record行街紙呢個方法係咩人用得最多呢？就係中國。有好多中國人開嘅移民公司都會教啲父母用呢個方法去「超低成本帶埋小朋友移民」。

本身呢一種方法喺太平盛世係可行嘅。因為以往批Stream A/B PR只係用半年時間，所以子女一開始入境所拎嘅visitor record未到期。
就算審批時間唔快但經濟好，SP holder好快搵到工都可以即刻幫全家續SOWP/ Minor SP/ Visitor Record。

就算visitor record夠期，本身父母願意俾錢去平啲嘅DLI學校是但報一個課程。父母就可以用平價課程嘅SP身份去幫子女續visitor record。

點知加拿大近呢幾年因為太多留學生湧入而令到生活成本上漲。所以本地人十分之不滿。聯邦政府就喺2024年年頭更改留學生政策。留學生需要先同省政府申請讀書，然後省政府按quota去審批許可證。準留學生拎住張許可證再去IRCC申請study permit。

就係因為省政府而家有quota限制，呢一班父母唔可以再用「平價課程」去幫子女續visitor record。

子女讀書bridging問題理論上只會發生喺Stream B家庭。但發生嘅機會率都係好低。

1. 一開始Open Work Permit係只限5年內大專畢業嘅人申請。基本上好少大專畢業五年內嘅人已經生咗小朋友。呢班人係真正苦主，因為佢哋2021年到加拿大嘅話，2024年真係會到期。

2. Open Work Permit係喺2023年年中先放寬到10年內大專畢業嘅人申請。當呢班人一announce就申請，都會係2023+3 = 全家大細嘅permit喺2026年到期。

3.仲有一班係當初海關玩嘢，work permit/ SOWP/ minor SP批唔足3年。咁呢班人就真係會完全搵唔到續期嘅方法。因為已經冇得轉用輪流讀書嘅接力方法。

移民手JOKE

仲有一種人係會完美地奶嘢
就係去讀on DLI list嘅私校
因為Stream A/B本身冇要求讀public college
所以有班私校target香港人

私校同公立學校嘅分別：
私校學生唔可以幫配偶同子女申請SOWP & minor SP
私校畢業生唔可以申請PGWP
私校畢業生未必成功申請到OWP

所以有班讀私校家庭嘅配偶+子女喺入境嗰刻已經拎緊visitor record。而讀私校嘅人好多都有返part time，所以子女依然可以用3期糧單入學。如果入境嗰刻子女好細個又唔洗讀書/ daycare 嘅話，直頭唔洗擔心入學問題。

當初Stream A/B半年內批到PR嘅話，私校畢業生+屋企人係可以用traveler身份等半年。不過宜家嘅情況……

而家自由黨執政係咁
玩左加拿大十年 睇住佢不斷衰弱

唔肯俾$75/month又肯俾「平價課程」續命係咩玩法？

通常平價課程係去到最後一步，冇辦法嘅情況之下先做
因為有啲DLI私立學校嘅平價課程，真係可以好平
子女又真係可以咁樣而申請到visitor record

酸L到呢