其實仲有冇人玩Project Zomboid?

42版前年聖誕等到宜家，終於快見到

呢度仲有冇人記得十幾年前可以焗死老婆果個版本

有冇啲高難度地圖／喪屍mod推薦下？

我自己個人鐘意用sledgehammer 打爛樓梯，等啲喪屍上唔到去就算，無咁快悶。

咁樣至少會有理由要自己周圍去搵個大鎚，次次搵到jl有滿足感。

Indiestone出名毫無預警突然Update
而家等咗咁耐，一路聽佢哋講話今年內會出
硬係覺得推出前呢段最後嘅日子最難捱

有個Mod可以收集鐵碎自己整個大鐵錘
個人覺得幾好，唔洗一路係咁搵，但想自己整嘅話都依然要收集鐵碎同有足夠技能等級，叫做俾個條路你選擇

Lm

新手玩緊倖存者mode
生存到第三個月
不過裝左好多mod
Vanilla應該捱唔到咁耐

Build 42仲未等到
幾時先有NPC

建議安裝Superb Survivor呢隻NPC Mod
隻Mod雖然有好多問題，但同時亦有好多其他Mod支援同擴充呢隻Mod
上去Steam嘅Project Zomboid Workshop就可以搵到

我就係見到啲人話好多問題先唔敢裝
驚整壞個save
可能下個run試下

反正Build 42一出，大部份現有嘅Mod都用唔到，你都係咪都要玩新save，所以而家反而唔洗點顧慮

有無師兄知個sanity有無得增加返

以我所知，Sanity暫時只有玩Mod先有作用（有個精神分裂mod，如果Sanity太低會有幻覺），但官方話呢個數值暫時唔會影響玩家，所以冇任何嘢可以拉番高個數值

終於有B42嘅消息啦！大概遊戲團隊都知道大家等得太耐，「今年之內」嘅約定唔想俾人話走數，所以就直接向玩家坦白目前B42嘅情況同埋決定。

首先，最重要嘅一點，B42 Unstable Build好快會同大家見面！雖然未有確實日期，但按照團隊嘅語氣，B42應該會響一兩個月內同大家見面。遊戲團隊今次同大家講，要大家等咁耐嘅主要原因係全新嘅道具／裝備製作系統比想像中更花時間，所以，爲咗唔好俾呢樣嘢拖到B42遲遲未出得街，團隊決定B42暫時唔引入道具／裝備製作功能，等團隊可以多少少時間搞好個系統。不過佢哋亦都話，個系統唔會等到B43先登場，估計會響B42推出之後用個Update嚟發佈功能。

對於團隊嘅做法，我個人就十分支持，團隊講明B42就算冇道具製作依然有太多新嘢要推出，換言之，舊有嘅Mod應該會全軍覆沒。團隊而家嘅決定唔單只可以早d俾大家玩到B42，亦可以俾班Modder盡早開工，將現有嘅Mod整番適合B42，呢個三贏局面，點計都好過全世界停曬手等道具製作系統完成。

唔知大家點睇？

冇咗道具製作系統，咁B42有咩玩，有咩改進咗？

首先，地圖大更新，好多現有嘅建築物都會用全新嘅Tileset，大小同設計都會有改動。睇吓以下嘅圖就可以見到差別其實都幾大。






全新光影效果系統
B42採用新嘅光影系統，睇細圖入面B41嘅燈光有d硬cut嘅位突然變暗，B42就自然好多


大量全新道具
中意收集道具同裝飾據點嘅朋友，B42推出時候真係會有排執，齋係鎖匙都已經有好多種，同樣功能嘅物件多咗好多新外形，真係會玩到變The Sims



除咗上述果d，之前dev log提及過嘅地庫、多層大樓、新地標全都都會響B42登場，估計動物同全新嘅農業放牧系統同樣都會響B42出現。所以，玩住嚟等道具製作系統，應該唔係太大嘅問題。

樓主有料，真係追住消息隨時睇實

執到新聞紙會喺地圖有對應嘅內容，呢樣幾有意思
雖然有時執到啲話有安全屋有車有食物嘅地圖都唔會點理

Btw，個開發組想要喺末世QOL方向發展，喪屍版Minecraft 或者Factorio
但玩家普遍都係唔賣帳
多數人都只係想戰你娘親，尤其係有multiplayer server之後，加咗好多當佢係dayz scum玩嘅人，佢哋寧願要多款槍都唔要你整乜嘢自動化crafting
希望唔好又係一個俾主流玩家搞到失去初衷嘅indie

我覺得應該唔會失去初衷，佢哋仲有好多嘢想搞，明顯係有d方向同諗法一直推進緊，加上有咁會大嘅mod community，d人要槍下載mod已經搞掂，唔洗勞煩官方

呢隻game個mod community真係幫咗隻game好多

既然個團隊講得啱啱決定唔擺道具製作嚟加快推出時間，估計B42其實已經埋得尾。我公司做緊果隻game，由final beta approve咗到正式出街都要4至6個禮拜，所以我估計七月內應該會有得玩

我in game幾日拉返好啲負面情緒，sanity可以好慢好皺咁樣加返，唔知關唔關事

就係太多嘢想搞先易出事
佢哋諗到乜就想搞乜，好似話有個本身做Minecraft 嘅加入就話諗埋隨機生成地圖，但本身地圖隨機事件都未做好，同埋我覺得Minecraft 嘅隨機地圖好垃圾

最弊係某啲方向甚至係唔相容
Server gaming同隻驚主打嘅真實求生已經唔會夾
物品製作本身係擴展end game體驗，但大眾嘅反應係整嚟做乜，要材料？出去執咪得，出去好易死？重開再跑過囉，幾條友帶住mod AA-12，所有生存要素都只係笑料
multiplay 同streamer bait 可能會仲多人鍾意，不過我見到只係一隻低配版嘅Rust或Scum

啱啱開始玩，畀個操控勸退咗，有冇啲mod可以令成個控制簡單啲？

其實我想佢加大生存壓力同時難度唔好咁極端
整跑屍，睡眠事件
會令到成隻驚寸步難行
但睇黎42同我既願望走相反方向

其實就wasd行 右click瞄 左click 打 space推 shift跑 C踎 E互動
都係啲例牌掣，玩慣冇乜嘢

我覺得設定一定要瞄準輪廓揀 ”所有武器”，有時近戰方向有少少唔啱就會miss，開咗所有打得到嘅敵人都會有綠框易睇好多
想要無雙就揀複數攻擊，咁一揮近戰武器可以打多過一個攻擊範圍內嘅人，好唔真實不過易玩咗

Mouse 4 5 號掣綁跑同踎就方便啲