其實仲有冇人玩Project Zomboid?

生存同難度好難平衡
依家飲食營養同人仔恐懼都好多人嫌煩
同埋始終依家隻驚得一支公，所有生存壓力最後都只會變成冒險出去搵物資/地方匿
難度都係轉去咗對付喪屍度，然後就係水多加面 面多加水嘅問題

想知舊版地圖更新完會變成點
原本嘅物資點搜索哂或者移除咗 咁咪執唔到新道具

跑屍真係唔掂，幾隻一起衝過嚟幾乎一定咬中，再加硬直，即係多過一隻都幾乎必死，成件事太極端。最好係跑屍同快屍（Fast Shambler）之間再加一個速度，否則真係寧可齋用快屍算。

睡眠事件我從來都冇打開過，係咪瞓瞓吓有屍響隔離咬你咁？

B42未加道具製作，應該主要都係跟番舊玩法，不過多咗種植同樣雞牛羊，地圖update之後有新城鎮可以去行吓

瞓緊照生屍

結果係一起身據點外又生滿屍
變左得殺屍，做唔到其他野

其實玩左咁耐冇理過營養平衡
應該係話唔洗理
反正肥左就做多D運動，食少D零食就好快上返去
要肥就仲易
我最希望係佢可以整到一個誘因逼你出去探險
玩到中期，自己種埋田，打獵
已經唔洗出去搜刮

P.s.跟排玩返kenshi
加左legendary mod好襟玩

要等佢大更新, 好鍾意玩

係因為依家啲營養嘅數字用途都冇實裝
乜嘢碳水 蛋白 脂肪 區分都係冇用，只為變做熱量>增磅，至多同飽食度分開計
不過主要都係食物獲得太容易，你一執到種子 膠袋就唔怕餓死

其實依家機制都有逼玩家搜刮
發電機耗損 電池 汽油 槍支子彈
只係遊戲數值上資源點set都係豐富
不過調轉諗，假如將發電機耗損變十倍，加油站汽油存量減99%，農產收獲減9成or成長時間10倍，逼你出去探險你又會唔會覺得好玩先

我比較想係有突發事件逼你去探索其他地方
打個比方
Horde night同zombrex mod
生活資源緊迫去逼使去探索應該係最差改動

官方話道具製作系統就係要玩家出去搵比較多元化嘅嘢，唔再係齋搵現成工具、子彈、食材，估計係針對中後期會越來越少物資，你唔自己製作基本上玩唔落去。個人認爲呢個方向都係好嘅，而家玩到中後期其實據點已經起完，自給自足之後基本上冇咩原因需要出去冒險。如果話冇曬電油、冇燃料，d嘢耐咗會爛，逼住出去搵鐵、搵素材，都不失爲一個合理嘅做法，前提係，佢有冇咁嘅地方逼玩家去收集資源先？例如要石材要搵石礦場，要搵金屬、煤炭就要搵礦洞。呢d有咗可以起地底建築物嘅功能之後，的確有辦法做到。

其實跑屍set得跑太快
就咁睇比角色跑得仲快

印象中NPC mod容易引起Bug
慎用

前年特價買咗
幾好玩 唔錯

咁即係 7 days to die
守屍潮 做任升lvl
最近state of decay 3又傳仲未死，佢應該都屬於你講嗰種

唔係幾接受到跑屍set咁快

喪屍幾快都好，都唔應該快過人類嗁跑速
睇電影&動畫都未見過有喪屍係跑得快過人類
快過人類嗰啲都係生化危機要培養出嚟嘅特殊型喪屍

World war z?

都係無跑得快過人類

反而生化危機系列啲屍識揸住槍，而且仲識聽指令做野

補返World war z張圖個時間點先
https://youtu.be/8_8j4kdfzzE?t=340

比玩家跑得快？我開車佢都照追上嚟呀，黐線架！
玩跑屍千祈唔好用Sunday Driver （假日司機），場面會好恐怖

我覺得係種類問題，屍潮又好、地震都好，總之要夠多種類同不定期發生，最好係好似飛機事件咁，有得響setting控制發生嘅頻率

連車都未攞到已經死q左

依家mod其實諗得出嘅都有，扮7DTD 塔科夫，撤離任務，打喪屍執錢買衫，整疫苗，空投物資
末世類嚟嚟去去嗰啲，仲有乜可以搞都難諗

其實我覺得可以加天氣系統
台風啊，龍捲風個D

依家都有風暴，電台之前都會提示，嗰陣出門著雨褸擔遮都會淋濕，只係冇拆爛建築物
求生遊戲有無法預防嘅場景破壞，應該會有唔少玩家會想屌人老母

我玩左咁耐
除左一次食左過期雪糕病之外
未試過發燒
打乞嗤都少

記得以前玩都唔少屋企會著火
唔記得邊次 update之後就冇左