其實仲有冇人玩Project Zomboid?

其實好容易搞，流血主要分三種

基本擦傷，只要撕爛衣服，確保布條乾淨，好快就止血
割傷，撕爛衣服之外，牛仔布同皮革都條都可以用嚟幫手止血
深度割傷，呢個一定要搵針線縫合傷口，你可以搵普通縫紉用嘅針線，又或者係手術用嘅針線，但唔縫合傷口基本上好快會失血過多

處理流血嘅方法有幾個
首先，平時搵個煲整一煲水，丟入焗爐加熱，再將布條丟入去消毒（記得熄火），消毒過後嘅布條，一般我會帶三條響身邊，因爲就算擦傷都好，一般傷口都要時間癒合同止血，消毒過嘅布條可以防止發炎，但必須要變污糟嘅時候更換，所以帶三條係基本。

另外，我會響藥房，車入面個櫃桶，甚至係浴室嘅藥櫃搵膠布。膠布好處係夠輕，多帶幾塊，有事就貼，不過只係一次性，冇得洗。

最後就係帶針響身邊，開局我會第一時間留意邊度有針，一定要隨時帶一支響身邊。無論係用嚟縫合傷口，或者係幫身上防具加皮革條（增加防禦力），冇針響身邊生還機會會就大跌。至於線反而唔洗太擔心，撕爛衣服鞋襪之後會有線，所以帶針響身邊已經夠。

記得每次俾嘢整傷流血之後要檢查防具，通常流得血果個位置嘅防具已經破防，冇安裝修補防具嘅Mod就要搵皮革條補一補個窿，否則有着都等同冇着，俾喪屍咬一嘢就會中招

真心唔好玩多人時候選擇跑屍，幾十隻殺過嚟加lag一吓已經會死人，試過我開車d跑屍都可以追到上嚟，黐線

留名等build 42再玩
之前玩要做獨撚玩到好有壓力

但變相刺激好多
屍都唔可以隨便殺

42再返嚟玩

你呢段已經勝過好多其他所謂嘅攻略

長期single game
依家好似三百幾個鐘
玩開嗰陣玩一陣就悶
冇玩一排又會好想玩

玩cdda好刺激好開心
但玩到起好晒基地就冇咩心機繼續落去
依家最新gameplay set左任務俾自己就係要清左個大型shopping mall

呢隻game係喪屍末日生存我自己真係rank no.1

P牌俾唔到你正評　

我唔敢講話我呢d係攻略，頂多只係我自己嘅心得分享
每個人玩法唔同，我中意慢慢嚟，反正一開始根本急唔嚟
體力、力氣、武器、Maintenance全部都太低的話
打屍唔夠幾吓已經唔夠氣力，跑唔郁的話又甩唔到d屍
只會越堆越多屍直到唔夠d屍快俾佢哋咬死
與其係咁的話，倒不如一邊搵安全位置做第一個避風港先
唔好諗起據點住，諗咗今晚點過，呢幾日點搞先

開局我通常唔理食物同水，食物去任何住宅嘅廚房就有
斷電之前雪櫃入面嘅食物，首先就食鬼曬d蛋糕三文治果d先
水就咁帶個水樽已經夠，經過有地方加水就用，儘量避免用自己個避風港嘅水
頭一個禮拜爲睇電視
將活動時間就住播放教育節目嘅時段6am, 12pm, 6pm嚟做
出去附近搵針、鋸、錘、釘、較剪，同埋收集技能書
如果好彩遇到斧頭、鐵筆、封箱膠帶就帶番據點

針嘅用途講咗，下一步係點解要搵鋸、錘、釘
因爲有呢三樣嘢，就算你冇斧頭，都可以拆傢俱嚟換木條同釘
由於收睇教育電視嘅關係，木工應該點都會升到3級左右
咁你就已經滿足起無敵牆嘅條件
我通常會響門窗外起一個Ｕ字範圍嘅無敵牆嚟保護門窗


(利申：我安裝咗個Mod，除咗一般木箱之外可以整軍用箱，但一般木箱已經可以）

我咁做係因爲用4塊木去封一隻窗，其實都一樣係會俾屍打爛
咁倒不如用更多嘅木，用木欄、木箱、木欄呢個無敵牆嘅做法嚟保護門窗
呢招唔知Build 42時候會唔會被廢除，不過暫時嚟講只要唔係遇到爬屍
基本上大部份情況都頂得住



最正係室內都可以用，遇到d地方太難守就唔好貪心，寧可只係要一兩間房，用無敵牆頂住樽頸位唔俾屍入到嚟先，有足夠嘅逃生路徑出得去入到嚟，咁就已經夠作爲臨時據點，可以休息、瞓覺、療傷、飲食都唔洗驚冇安全地方匿。呢點對好多新手嚟講，起碼夠你挨咗頭一個禮拜先，唔洗一開局就死，信心建立咗先再諗下一步

我諗我係黐Ｑ咗線，已經玩咗超過2000小時

真，所以我有一個save係玩跑屍，玩到悶先玩
另外一個Save純粹係hea玩
已經玩到滿曬所有技能，據點起好，有曬槍械子彈
而家只係純粹周圍去搞事，例如我打算成個Louisville燒Ｑ咗佢

下次玩下全random
幾好玩
上次屎忽痕set 全random加識開門
壓力大到呢

我頂唔順呢d壓力　
我寧可你俾我一步步玩到可以無雙（除非自己死蠢唔小心）
我安裝得嘅Mod都係爲咗俾條生路自己行
例如有個抗體Mod，俾喪屍咬到之後身體響徹底屍變之前會產生抗體
要體力夠，壓力、保暖、飢餓全部管理得好好
先有可能順利挨過屍變一次，而且咬過一次之後身體會變差
下次咬中就更難產生抗體
最初安裝呢個Mod我以爲會好悶，點知真係有次唔小心還是Lag機，轉唔到身俾屍咬中，果吓就好感激自己有安裝個Mod，拿臨番據點，睇住抗體同病毒響體內對抗（安裝隻Mod之後Status欄目入面有得睇），狂發高燒、發冷，又嘔又攰，關門響據點搞幾日，中間仲要有屍搵到嚟，病住出去打，終於挨過咗唔洗死果吓勁有成就感

正呀
我都冇諗過室內咁樣起野嚟頂屍
而家只係盡量搵兩層嘅屋做避難所
封晒一樓嘅門窗，喺二樓游繩出入
不過講開野食
喺雪櫃裏面嘅野食都幾快腐爛
我以為係斷電後先會開始爛
定放晒入冰格就可以存耐D？

搵到大鐵錘打斷樓梯用游繩出入固然係最方便啦
不過除非你安裝Mod可以整大鐵錘，否則大鐵錘真係唔容易出
最大機會搵到大鐵錘嘅地方係Maldraugh果堆倉庫

Maldraugh第一個倉庫比較接近個鎮南邊嘅店鋪，果頭屍比較多，所以我唔太建議


Maldraugh第二個倉庫響廢棄餐廳轉入小路，響民宅前面停車，穿過民宅翻越圍欄就到。個人感覺比第一個倉庫容易，但d屍好中意黐住圍欄嚟行，所以翻越圍欄時候要小心，否則一翻過就企正十幾隻屍體隔離馬上被咬死


Maldraugh第三個倉庫，亦係我嘅最愛，位置響小鎮最北面，響正公路隔離。呢個地點正在佢有三層，一樓倉庫勁多物資，幾乎咩工具都有，二樓地方雖然細d，但打斷樓梯用游繩上落基本上無敵，而再上屋頂空間大到可以自己重新起間新屋出嚟，仲夠曬地方種田。只要一樓條樓梯打斷，基本上響屋頂起屋種田，整埋儲水就可以長住。


我比較貪心，打斷一樓樓梯之後，一步步斬附近嘅樹（倉庫有斧頭），然後響出口位置起曬無敵牆，連一樓都要埋，出入攞工具唔怕有屍入嚟，仲因爲斬樹關係，一口氣將木工同Maintence升爆埋，體力亦升咗兩級。順帶一提，呢個據點附近仲有個湖，可以打魚。有魚，有自己種嘅菜，就算過冬都冇問題。

試過set左睡眠事件
門都出唔到

自虐型嘅玩家

Set到 Weak Obese Unfit 慢慢練
換Eagle eyes , keen hearing

好痛苦

空中二樓長廊 直通湖釣魚
放電視機擋住屍

雪櫃同現實一樣，普通櫃位容量大d，擺入去嘅食物唔會結冰，可以立即攞出嚟煮，保鮮期會長過擺室溫大約兩倍（例如擺4日就臭嘅食物，擺雪櫃可以頂到8日左右）。如果擺冰格，食物會結冰，攞出嚟煮嘅時候要融雪（直接擺焗爐會由融雪開始，煮得比較耐），但保險期比普通雪櫃櫃位要再長4倍左右。即係擺室溫4日就壞嘅食物，擺雪格可以擺足一個月。當然，雪糕果d就一定要擺冰格，否則溶曬就唔好食（會減Happiness）

你係咪屠屍小隊其中一個嚟㗎！
天空步道直通釣魚湖小屋係我其中一個最大嘅工程

即係點？瞓瞓下有隻喪屍響床邊？

俾我寧可揀tough skin，唔會一下就擦傷割傷

以前買落，最近玩左50幾個鐘，不過都係開sandbox自己set冇喪屍重生去玩，樓主有冇玩MP？

兩個唔同體驗, 一個擬真多