有冇人睇左？ 《破墓》劇情討論

個人面蛇好似係日本妖怪，感覺似係個陰陽師特登放埋入去個墓度。防止人地接觸底下果層。

我諗好多人靜係知二次世界大戰 冇乜人會知其實戰國時期已經入侵緊 所以其實好多百年

因為佢又大隻個樣又恐怖 把聲更加響又有啲神秘感
我見好多人估佢係戰國時代邊一個將軍
Btw將軍把聲係小山力也配炎柱大哥

全部都係不孝子

應該都係

IFF 睇念咒連中字都無

可以補充下前因後果。本身奸細係大官同效忠日本，佢個女唸住都算係有立功，所以由得日本派僧人(狐狸精陰陽師)幫手揀墓，心唸吾會有伏，因為揾韓國僧人見到韓奸個名實加料。點知去到主角群發現吾對路既時間先發現俾日本人伏左，佢地當年係韓國撤退之前想破壞韓國國運(最後南北韓分裂埋),就打左個巨人劍妖將軍入韓國風水命脈。為左令個詛咒冇咁易被破壞，佢借韓奸過橋，日本人知佢地為咗吾俾人發現自己係韓奸後人，一定會千方百計保護個墓(所以有烈士團本身想破壞個鐵釘幫手改番國運，點知俾有錢果家發現最後要着草埋去北韓)，所以就放正韓奸個墓係鐵釘上面。呀爺被伏左係爛地成幾十年係咁想子孫救佢走走吾到變左復仇鬼，但最後都有hint風水肥佬日本人打左鐵釘黎封韓國國運，因為佢都想報復日本人。個墓冇人想移就係因為申請程序會公開左韓奸身份，成家會俾人批到一獲熟。

IFF睇咗
本來抱住睇恐怖片嘅心情結果睇咗部南韓主旋律好想嗌騙案
鬼怪迷信全都唔重要
根本講緊一直都係單一民族國家嘅韓國面對緊嘅民族認同問題：一二代韓裔美國僑民+日本殖民歷史+南北韓分裂現狀+跨國跨族裔婚姻
個墓同鐵針就刺喺三八線上（雖然三八線分割南北韓明明係二戰後雅爾塔協定美蘇對峙嘅結果）
燃燒金屬嘅鐵針係戰爭造成嘅傷害
潮濕沾血嘅木棍係為和平付出嘅犧牲

繼首爾之春肉身擋坦克，破墓裡風水先生狂殺日本鬼
呢幾部賣得的韓片其實都係賣緊民族主義

佢搵左個女德國人老公同日本人做對比
兩個國家都係二戰重犯，但係風水佬最後都承認場婚禮同埋德國人可以過埋韓國入籍，導演暗示韓國人原諒德國人，但都唔會原諒日本人以前嘅錯

補充番 導演話好多場戲都cut左 所以掘地佬死果幕應該都cut左

不過我有啲亂 就係個將軍到底係咩時期俾人放把刀入去再放入棺材 佢有幾幕一時戰國一時二次世界大戰 影住班陰陽師作法

佢好似有講過將軍係早過二戰時期就死咗，後尾係比狐狸陰陽師由另一個寺廟搬去依度做鐵釘。所以應該係做過幾次儀式。

賣民族主義都唔緊要可唔可以恐怖少少
一樣諗住睇恐怖片俾佢伏撚左
前面恐怖氣氛都算鋪排得唔錯
第2part開始完全冇feel
仲諗住睇哭聲級數恐怖片

我仲己為最尾阿婆會上女主身變身打怪獸
有少少失望
認真 其實我幾鍾意尋龍點穴斷龍脈個setting
有啲似以前港產片
但係後半真係超展開 變左打怪獸
點解唔可以用番恐怖片包裝
我入黎都係expect睇恐怖片

我都覺得好垃圾完全唔好睇

巫女話鬼無影無肉身 贏唔到人
但韓鬼又有能力殺人 （鏡倒影用對手扭斷個仔條頸）

跟住前半講鬼 全部用鏡既倒影嚟拍隻鬼咁濟
又懶係恐怖陰森咁大大聲播音樂 又乜都無 唔知做乜春
後面隻傻9將軍劇情好似係度拖時間攝啲野入去套戲度咁



成套戲真係得啲儀式好睇 同埋酒店打電話果段

有錢果家人勁on9
死左三件都係你死你事咁

後半段將軍出出下場又停手返去瞓覺 啲節奏off 哂

導演一開始都講到日本人好狗
啲空姐聽完女主話係韓國人照繼續講日文

係呀 追殺到咁上下自焚 心諗jm9

諗返呀爺個細節位都幾正
倒影睇到佢由餓鬼>日本軍服>素服
做賣國賊最後棄暗投明
仲講tips比風水師聽
但都係要比人燒冇得投胎

好睇 前半部真係營造氣氛得好好 好想繼續睇落去
又講左好多文化歷史 民族學嘅野

但後半就真係急轉直下 將前半嘅好 消磨哂
佢反日反得太明顯 我明 你想講呢個主題
但可唔可以唔好咁低手 講主旋律都可以高章啲
如果佢後半focus 返喺捉鬼破墓 去做另一個case 或者日本果part 再寫好啲融合得好啲 咁會好啲

因為做過漢奸就算最後投明都要不得好死