呢套劇情真係唔得,為做而做
地心有好多怪獸,應該就好危險,個總監落去竟然無任何護衛,個機師真係純粹為送佢哋落去,之後就被強制退場
隻長臂猿又話被監禁係地心深處,但實際根本就無監禁到,佢啲𡃁都出到黎破壞個哨站,只係搵唔到路上地面
隻長臂猿無咗隻冰怪又係廢嘅,吹到可以搞到世界末日,又話滅到哥斯拉族,但根本連金剛都打唔贏
伊維族同金剛本身都話滅晒族,點知今集啲族人又出現返晒,依家又話哥斯拉死剩一隻,下集又會唔會出現其他哥斯拉?
個求救訊號又係有問題,又話一次訊號對到一個怪獸事件,但個訊號明明係伊維族發出,話畀人聽隻長臂猿係威脅,咁佢哋又點知地面上發生咩事?
不過啲巨獸對打係幾爽嘅,總之就劇情唔得,只係睇巨獸對打係合格嘅