[是咁的] 丫屌,我細個響朵條村搬鬼咗 (2)

好明顯係後者啦

咁你娃娃住左幾日，有無

冇


係後尾係佢屋企後樓梯同埋樓下巴士站佢都有用我大髀磨下豆腐咁...

唔撚知呀唉..

屎忽痕見特價想買嗰隻headset, 有冇人用過g pro x2 g735或者 nova 7?

繼續新篇.

時間線接返上去post（1）個開頭, 今次要講嘅怪事已經係我參加咗牛頭角下邨課外活動、同阿輝佢哋好熟嘅時間點.

阿輝本身係住喺牛頭角玉蓮臺, 佢本身有個由細玩到大嘅朋友肥M亦都住係同一座.

肥M阿爸長期喺大陸夾band搵錢, 阿媽就喺觀塘某間酒樓做知客, 所以好多時半夜先返到屋企, 而肥M屋企已經有曬嗰個時代嘅最頂尖嘅娛樂：PS、 Saturn 、有線成人台同佢老豆大量收藏喺廁所熱水爐上面嘅咸書, 所以我哋成日喺肥M屋企打躉.

當然因為以上原因佢屋企長時間冇大人, 所以佢阿媽都好歡迎我哋係佢屋企陪佢個仔打機吹水, 仲成日會喺酒樓拎啲宵夜返嚟請我哋食.

當年我剛剛喺加拿大返返香港之後, 都有去探過阿輝同肥M佢哋, 肥M阿媽一聽見我個姓就記得我係邊個, 佢老人家仲痴線到記得我好撚鍾意食街尾嗰間蘭香園嘅排骨三味, 仲即刻捉咗我落樓下話要請我食飯.

之前有提過我住喺長沙灣, 但呢個時間段我已經搬咗去深水埗, 住喺西九龍中心正門對住嗰條街.

當時放學就會坐地鐵過去九龍灣機舖蒲吓頭, 睇下包哥佢哋有冇啲咩嘢搞, 之後就會過去肥M屋企集合, 玩到半夜先落樓下坐綠van返去長沙灣嘉頓嗰邊, 再行返返屋企.

記得有次半夜三點幾上車, 求其坐咗喺車尾單邊嗰個位, 坐坐下唔覺意瞓著覺, 到我醒嗰陣發現個天都開始光, 一岳高頭嚇到司機爭啲炒車, 瘋狂屌老母.

戇鳩鳩畀人屌咗一輪, 先發現成架車一個人都冇, 望吓錶先知原來已經瞓咗成兩個幾鐘, 架綠van應該已經來來回回咗觀塘同蘇屋邨四五轉, 司機可能一直冇為意車尾仲有個戇鳩仔冇落過車, 所以當佢喺倒後鏡見到我一凸得個死人頭出嚟, 就嚇到佢仆街.

不過司機屌完都肯兜返我過去嘉頓嗰邊掉我落車, 仲冇多收我錢.

後尾有次喺肥M屋企講喺呢單戇鳩嘢,佢老母聽見就話我想嘅咪喺度過夜囉, 反正第二日返學又近, 既然佢老母開到聲, 我當然勉為其難咁有時會喺佢屋企瞓一晚, 第二日求其洗個面就同阿輝佢哋一齊返學.

我哋成班friend入面有一個牛高馬大、個樣有啲兇惡嘅同學, 當時參加牛頭角下邨課外活動嗰陣, 佢第一個就畀人揀咗出卒去練拳做打手, 所以佢得閒嗰陣會係玉蓮臺樓下個公園教我哋佢學咗啲乜嘢.

雖然聽落好似好威咁, 但因為佢男人老狗有把死人雞仔聲, 所以我哋都係嗌佢做雞仔.

有日我哋成班係放學之後喺玉蓮臺樓下公園吹水食煙練拳, 無啦啦有班女學生上咗嚟, 坐咗係公園個涼亭睇我哋練拳, 開頭我哋都冇理, 但後尾連完權之後坐低食煙吹水嗰陣雞仔就膽粗粗行過去撩人傾計, 而我同阿輝有八八卦卦過埋去, 結果...

做就咗我一生最大嘅遺憾.

遺憾...

..識到呢個生得好似永瀬ゆい嘅降頭C.

真係遺憾萬年.

而除咗降頭C之外, 有條女叫An同我而家個泰國女同事好鬼似樣, 呢條女先後同雞仔阿輝拍過拖, 最後陰差陽錯畀我食咗隻豬, 不過呢啲都係後話, 先表過不提.

而另外仲有兩條女, 一個冬菇頭叫魚蛋另一個四眼籮柚, 魚蛋係因為接近冬菇頭嗰真名, 籮柚係因為佢自我介紹嗰陣答我哋：XXX囉..

我：吓？咩名話？

籮柚：XXX囉..

然後肥man串鳩佢：睇唔出喎, 日本人嚟㗎？四個字嘅？

籮柚：聽咩㗎你, 咪講咗兩次, 係XXX囉..

結果我哋每次都係嗌佢XXX囉, 叫叫下最後直接叫佢出籮柚算數.

Anyway, 牽涉到呢件怪事嘅出場角色介紹完, 下集開始講故.

等左幾年
終於肯寫降頭C vs 陰陽C 了

降頭C當年仲未係降頭C, 連佢個閪香唔香我都唔知

點解突然跳左？
娃娃無下文？

諗起乜咪講乜囉

事發嗰晚本來成班人坐咗喺玉蓮臺個公園入面個連住瀡滑梯嗰啲鐵架上面（唔知嗰樣嘢叫乜）食住煙鋤緊大d諗住玩通頂, 但玩玩下突然有啲強光照過嚟.

成班跟住個方向唔望過去, 就見到強光後面有五個人影慢慢靠近, 睇真啲係四男一女, 全部都著住制服.

雞仔：丫屌..夜媽媽有龜....

肥M：聽人講話啲雞夜晚睇唔到嘢真係冇講錯...

雞仔：乜撚嘢呀又？

肥M：一睇就知嗰班歪帽嚟㗎啦仆街...

雞仔：屌咪又係龜, 變種龜啫..

我：唔同㗎, 呢班打柒你唔需要講sorry㗎..

籮柚一路將啲啤牌收返埋放入書包, 一路講：喂, 細聲啲啦屌..

輝：我同肥M唔驚呀.

An：點解呀？

輝好仆街咁笑咗一笑、指一指肥M：我同佢住樓上嘅, 喺到玩到聽朝都大條道理, 係你哋難解釋啲啫..

肥M：係囉, 仲要成班著住校服, 死得喇你哋今次...

我一手將個校徽撕咗落嚟塞入褲袋：便服嚟㗎仆街..

雞仔見到亦都學我一樣拿拿聲撕咗個校徽落嚟, 但淨低嗰四條囡囡個個校徽本身就係繡咗喺條校裙上面, 想撕都冇得撕, 只好拿拿聲拎啲嘢遮住心口.

歪帽A：靚仔！成班喺度做咩呀？

肥M：乘涼呀...

歪帽A：玩嘢呀？

肥M：就係冇嘢玩先落嚟乘涼...

歪帽B：住喺度㗎？

輝同M即刻答：就樓上咋嘛！

歪帽A：全部都係？

An ：彩虹...

降頭師：九龍灣....

籮柚：啟業邨.....

魚蛋：觀塘......

雞仔：秀茂坪........

我：深水埗..

歪帽B：靚仔, 乜住咁遠嘅你？

阿sir, 住得遠犯法呀？

歪帽B：等你可憐啫, 身份證.

四男四囡囡戇鳩鳩遞曬張身份證畀班歪帽, 其中一個望一望我張身份證就話：靚仔呢個性咁特別嘅？

我：犯法呀？

歪帽A：問下啫....夜媽媽仲著住校服唔返屋企？

我：你都識講啦, 住得遠呀！

歪帽女：你哋同一間學校㗎？

輝：唔係呀, 我哋男嘅全部彩記㗎..over the rainbow we will climb ~~

聽見輝無啦啦唱校歌, 我同雞仔都好自然跟住唱, 大頭個名冇第一時間屌鳩我哋：收聲啦, 無啦啦唱咩歌呀又？

輝：冇呀, 諗起我哋間學嘅偉大, 忍唔住唱下啫..

歪帽女：你哋就係畀人投訴嘈呀, 仲喺度we嘩鬼叫, 靜啲啦..

我哋三個戇鳩：哦....

歪帽A望如An佢哋：咁你哋呢？

An：.....Fucking 中..

歪帽A：靚妹, 無啦啦fuck乜嘢呀？

An：冇Fuck呀..

歪帽A：阿sir聽住你話fucking中喎！

魚蛋：你問我哋㗎嘛！

歪帽A：問你咩呀？

魚蛋：邊間中學呀嘛！

歪帽B：係呀咁你邊間呀？

四條囡囡一齊答：咪fucking 中囉！

歪帽A：乜fucking 中呀？

歪帽女：哦...上面嗰間福中呀....

歪帽A：福建中學？...好地地講中文唔得嘅？

籮柚：中文名太柒呀嘛...

歪帽C：有冇跟人呀？

雞仔扮曬戇鳩咁反問：咩跟人呀？

我：無啦啦跟咩人呀？

歪帽A：咪玩嘢呀靚仔, 你大佬邊個呀？

雞仔：我大佬？

歪帽B：係呀, 你大佬呀！

雞仔：我對上有兩個阿哥, 一個大佬一個二佬, 我就三佬.

我：我阿媽生得兩個, 我做細嘅, 上面有個大佬.

輝：好彩我得家姐.

An、魚蛋、籮柚：獨生女

降頭師：家姐.

歪帽女：阿sir唔係問你屋企呀, 係問你出面有冇人照住呀.

我諗咗諗就問輝：Er....照住呀...老母雄算唔算？

輝諗咗諗, 又望下雞仔之後答我：吓？算掛？

歪帽A：邊個老母雄呀？睇邊度㗎？

我：er...彩虹村嗰邊?

歪帽B：彩虹村老母雄？未聽過喎？

歪帽C：睇幾多人㗎？

我：吓？Err.....都睇幾多人㗎...

歪帽A：咁老母雄咩瓣數㗎？

我：咩咩瓣數呀？

歪帽A：個字頭呀！

我：字頭？平時又冇乜聽見佢提起過喎..

歪帽B：吓！？

歪帽A：咁佢跟邊個搵食呀？

雞仔：搵食呀...um...天主教掛？

歪帽A：吓！？天主教？你大佬信教㗎？

雞仔：你問老母雄丫嘛, 咁彩記天主教嘅, 佢做得彩記揸fit人, 我斷估佢都係天主教啩？

歪帽C：咩揸fit人呀又？

輝：彩虹邨天主教英文中學揸fit人呀.

歪帽C：即係咩？

我哋三個一齊答：彩記校長囉.

歪帽B：屌.

肥M一聽見就大大聲講：啊~~阿sir講粗口~~~~

An 同魚蛋又一齊鳩叫：阿sir講粗口呀~~

歪帽A：阿sir唔講粗口咩而家！？

肥M：冇話唔得呀, 阿sir鍾意做乜都得㗎啦~~~

魚蛋：阿媽話講粗口都唔係好人囉~~

我見到班歪帽塊面黑黑地, 就拿拿聲搭口諗住叉開話題, 撤退返肥M間屋先算：喂喂喂, 阿sir收order做嘢啫...執嘢走啦...

點知肥M又兜返轉頭：做乜嘢呀？山長水遠過嚟講粗口呀？我住呢到㗎執乜嘢走呀？

輝應該都知細的唔對諗住叫佢收口：執嘢上返去啦..

肥M：你啱呀, 我哋後生嘅夠鐘就上返去, 阿sir年紀大夠鐘就好落去啦~

歪帽A：講咩呀你肥仔！？

肥M指一字公園後面嗰條樓梯：落樓梯呀！唔落去點走呀你阿sir？

歪帽A：我而家就跟你上去, 行啦！

肥M：阿sir, 唔使咁呀？

歪帽B：阿sir護送你上樓呀, 行啦！

正當我哋望住兩個歪帽夾走咗肥M偷笑緊嗰陣, 淨低個三個歪帽其中一個開口講：其他唔係住喺度嗰啲, 全部返屋企.

我哋六條友戇鳩鳩：哦....

歪帽女：點返屋企呀你哋？

我望一望其他人：..樓下有綠van..

歪帽女：咁行啦, 我哋陪你哋落去搭車.

之後我哋七個人就無啦啦畀三隻歪帽夾住落去綠van站, 車一到就推曬上車, 最神奇嘅係連本身就住喺玉蓮臺嘅輝都畀佢哋推埋上嚟.

臨推上車之前輝都有嘗試掙扎過：阿sir, 我住..

可惜畀其中一個歪帽打斷咗：上車啦靚仔, 係咪要我教你點返屋企呀？

輝：...err...
望一望玉蓮臺、再望一望個歪帽、然後望一望個司機, 最後決定坐低係我隔離.

唔似鬼故

似甜古