[是咁的] 丫屌,我細個響朵條村搬鬼咗 (2)

以C哥咁跳脫既行事方式
做完先同人地hi都有可能

攞蛋蛋去做乜？茶葉蛋？

見到咪打過招呼囉, 禮貌嚟嘅

呢個故最好笑

呢個好笑定屋企冇貓冇男朋友好笑啲？

呢排見無game玩, 係xgp down咗隻diablo 4嚟玩, 有冇人玩緊？

重點
泰妹有balls

我好似調轉咗個角色嚟睇

有無泰妹近況update

時好時壞, 一時好地地講嘢態度正正常常,一時閪鳩你面好似殺咗佢全家, 我當佢白卡確診, 冇必要都唔想同佢有咩交集.

故已完

隔左幾個月又黎打個卡先

sorry 因為我尊貴嘅老細又生仔, 咦？點解我個講過又字嘅？因為佢老人家已經結第三次婚, 每個老婆都同佢生一個, 連我老婆都開口我老細都好結得吓呀所以呢期連續踩咗好多日, 無論返工定收工都好撚攰又懶唔想旭,淨低嗰少少時間又掛住打D4

雖然我呢排都開始忍唔住屌柒我老細話你老婆我又冇份屌嘅, 你生仔關我撚事咩..

但你以前嘅威水史關大家事
所以幾時出文

我反而而家開始擔心樓上嗰件泰妹發生咩事, 無啦啦對住我同老細都黑口黑面、見到招呼都唔打個, 我琴晚入去佢間房放低酒店電話、inhouse repoer嗰陣, 見到佢房門後面塊白板（平時有寫住要買啲乜嘢、有咩功課要趕住交咁）寫住咩自我探索、自我認同、心理/精神健康 balbalbal, 完全係入咗self love邪教咁

你話佢去完秦國就痴鳩咗，九成返鄉吓俾人推咗去邪教

感覺似係佢去嗰間尖嗰個健身婆推佢入坑

頭先上去擺低啲入去泰妹房嗰陣,咁啱佢電話鬧鐘響就好心幫佢熄鬧鐘, 咁啱見到有條友叫bob係咁message佢, 八卦大開嚟睇下原來泰妹神早做勾搭上條白人中佬, 連鹹相都send埋

好奇害死貓

點解會死呢？不過而家起碼知佢呢排排咩神經

點解前面要長篇大論講咁多嘢, 除咗畀你哋知我哋有幾咁MK之外, 仲因為今次事發地點係正正就係An住嗰棟樓嘅平台, 地址就係彩虹站對上, 一條叫永定道嘅斜路上面嘅某一幢私樓.

棟樓地下嗰幾層係停車場, 停車場上面就係一個平台, 再上先係住宅.

本來大半夜四男四女七個人入面, 六個著住校服已經窄窄地, 班歪帽上到嚟都係收order做嘢, 一開始睇個細都只係抄吓牌屌兩句叫我哋細聲啲就算, 結果而家老羞成怒, 成班畀人即刻趕走, 唔可以再留喺公園...

夜媽媽一時之間唔知去邊好, 罪魁禍首肥M間屋又放唔落咁多人, 傾咗論An就話不如過佢屋企個平台繼續玩, 所以成班人就轉場由玉蓮臺坐綠van過咗去彩虹, 但條肥M條街就話眼瞓, 叫我哋自己去, 就返咗上樓瞓覺.

魚蛋同降頭C亦都因為要返屋企交人所以閃咗, 最後淨返籮柚、An、我輝同雞仔三男兩女上咗去An屋企樓下個平台到吹水.

In case 有人想知, 籮柚個樣似黑島玲衣, 不過再瘦啲同四眼, 魚蛋似包包面版松本菜奈實.

睇個細籮柚同雞仔一早同An上過去個平台, 所以一開鐵閘就吹住水自動行去後樓梯嗰邊.

當我跟住佢哋行咗大約三層樓梯之後, 推門出去發現係一條唔算長嘅走廊, 牆上面簡單寫住“平台出口”順便有兩個箭咀指住一左一右兩度門, 而另外
兩個箭咀指住兩條樓梯, 一條落停車場、另一條就係我哋行上嚟嗰條, 兩條後樓梯中間就係兩部𨋢.

繼續跟大隊行到出去望一望, 除咗連住走廊呢邊有排石屎凳圍住個花槽係有裝到燈之外, 另一邊黑馬馬, 一盞燈都冇.

我哋當時隋便坐底嘅石凳, 就係面向住上半部分嘅正方形, 而當時係大約凌晨三點幾所以根本一個人都冇, 除咗我哋坐嗰邊嘅燈比較密同埋光之外, 另一半平台基本上得兩盞燈仔照住個牆角.

如果上面形容得太複雜, 其實簡單啲嚟講,如果當年喺有google map, 你開map望落去, 佢棟樓包括埋停車場同平台嘅外形大致上係一個長方形, 而張長方形上下分開兩個正方形, 遠離馬路個正方形就係棟樓, 靠近馬路嗰個正方就係平台.

棟樓連接住平台嗰層當然係冇住戶, 如果淨係睇平台呢半個正方形, 首先外圈係可以行走嘅平台, 然後有一圈可以坐嘅石凳, 跟住就一圈花花草草, 再入先係棟樓連接住平台嘅正方形, 而呢一圈花槽同石屎凳呢個圈都叫做係有瓦遮頭, 因為上面就係住戶.

而係呢個正方形嘅正中間係一條打橫嘅走廊, 走廊入面有兩部𨋢同埋後樓梯, 而走廊嘅兩邊門一出嚟左右都係花槽同埋石凳, 形狀就好似一個回字中間打橫劏開咗, 即係你可以圍住成個平台行個圈都冇問題.

上到去都係成班坐埋一齊食煙吹下水冇咩特別, 後尾當時正處於熱戀期嘅雞仔同An兩個鬼鬼鼠鼠閃咗去平台嘅另一邊, 因為中間隔住嗰條走廊所以基本上睇唔到嘅地攪緊嘅乜, 籮柚見到咁嘅情況就笑住講：屌嗰兩條友有冇咁緊火呀？

然後下一秒籮柚就知自己講錯嘢, 因為佢見到輝塊面黑撚曬.

點解輝塊面會黑？因為一直暗戀緊An, 雖然好耐之後佢哋都有拍過一段時間嘅拖, 但我又食咗An隻豬喎....

只能夠講...

貴圈真亂.....

不過以上發生嘅嘢都係之後嘅事, 所以focus返去雞仔同An拍緊拖、輝暗戀人哋、我同降頭師已經喺埋一齊嘅嗰一刻先.