[是咁的] 丫屌,我細個響朵條村搬鬼咗 (2)

樓主好型

係唔係因為大部分人都係得個講字所以先夠膽同佢嘈?

出文啦，再唔出密啲就冇人睇了

呢排老婆準備緊申請pr好多嘢填, 好多資料要搵返

睇人嘅, 有啲你知佢得把口

我想㗎

當我哋喺沙田新城市廣場拎住一袋二袋行返出嚟嗰陣, 都差唔多去到八點幾, 個天都黑齊咁濟.

唔係買嘢買咗幾個鐘, 係齋睇唔買咗幾個鐘.

期間軍佬情況同琴晚完全唔同, 好似變返平時嗰個咸濕又口賤嘅軍佬, 仲嗌肚餓死𦧲叫我哋陪佢去kfc食蘑菇飯.

最後五條友個個都拎住袋嘢, 又肉又炭又酒水重到仆街, 就諗住豪d唔坐小巴坐的士, 反正除返開每人應該十零廿蚊就ok.

點知袋癬條撚樣戇聽見就自告奮勇一支箭咁走去的士站搵五人的, 見佢遊嚟遊去行咗一陣之後, 突然鳩到走去攞個電筒“哼”的士佬塊玻璃問價, 結果唔使諗都知成條的士線都唔受我哋玩, 到最後集體戇鳩鳩走返去坐小巴.

落車之後繼續行行行行行行...

雖然去到火炭平房區落車之前, 大家已經將自己個袋入面最重嗰樣嘢攞出嚟, 塞咗去袋癬條戇鳩仔個袋, 癬妹仲順手沒收埋佢之電筒, 但一路行都忍唔住一路屌柒袋癬手賤.

行咗大約半個鐘, 因為一來畀我哋屌到唔好意思, 二來拎住啲嘢太重嘅關係一直殿後嘅袋癬突然慘叫, 我哋行前面嘅四條友即刻一齊擰住頭一望, 跟住集體爆粗.

我：老細, 你搞咩袋都穿埋？

軍佬：屌..肯定條仆街平時r袋r得多, 本身都穿穿地㗎啦！

袋癬好狼狽咁踎喺地下將嗰啲跌咗出嚟嘅汽水執返埋一齊：我想嘅咩仆街！？

軍佬：唔想就r少啲啦!..丫屌！！

我望住本來屌人屌到興起嘅軍佬突然慘叫, 下一秒到佢個袋穿撚咗, 啲雞翼豬扒牛扒突然跌曬出嚟, 好彩啲野本身都由個另一個袋袋住, 唔係跌到一地都係啲生肉就有排洗.

袋癬：咦？乜老細你個袋呢排又R得多呀！？

見無啦啦兩個人突然爆袋, 心諗惠康啲袋而家咁撚虧㗎咩？即刻下意識攬實個袋以防萬一, 然後先望一望同我平排行緊嘅娃娃, 發現佢直接將個袋擺咗喺地下, 好休閒咁點著咗支煙.

見係咁, 我都學佢放個袋喺地下, 之後點支煙抖下.

軍佬：屌你兩公婆仲食煙, 幫手啦！

袋癬：咪係囉！係咪今晚唔撚想飲汽水呀！

見到袋癬成個乞衣咁跪喺地下攬住啲汽水, 癬妹嘆咗口氣之後, 第一個行過去象徵式咁執起全場最輕嘅紙包檸檬茶, 之後頭也不回咁走人.

我同娃娃見到即刻跟隊, 行過去圍住袋癬望下有冇啲咩輕手野.

袋癬：嘩屌！你班仆街冇人性...

癬妹：邊到冇？我咪跟你姓囉..

袋癬：丫屌..

娃娃：癬妹, 俾支電筒我..

癬妹：吓？好呀.

我見娃娃接咗支電筒好順手咁揈咗兩揈, 就問佢：做咩呀, 想攞嚟扑柒佢兩個呀？

娃娃開咗個電筒週圍照：唔係呀, 呢度黑媽媽, 照下附近睇吓有冇嘢碌走咗丫....丫屌.

我：屌咩呀？有嘢碌走咗咩？

娃娃雖然把口話：um..冇、冇.
但同時亦都用眼神示意我向後望, 我就順住佢講個方向望過去：ㄚ屌.

原來成班人鳩下鳩下, 不經不覺又行到去琴日嗰支好撚智能嘅街燈嘅分岔路口.

我心諗有冇咁撚邪呀屌..

為免夜場夢多, 我同娃娃都唔再玩, 即刻衝過去幫r爛袋二人組執得幾多得幾多, 然後拿拿聲攬住個袋、叫埋癬妹急急腳行返上祖屋.

排錄完音又出得嘅係得咁多, 其他未有時間執.

嚟緊會試下每遍短啲但出密啲

出吓酒店短篇又得

咁都要有事發生先得㗎, 今朝先有條戇鳩喺間房隻窗内外都畫滿十字架, 抹撚咗大半個鐘

最新精神病人.

叫撚咗泰妹唔好, 但佢死都要成千蚊買部boox air 3C, 話咩幫助學咋balbalbal, 同佢講買部ipad都係差唔多咁嘅價錢, 但佢點都要買呢部, 話唔鍾意ipad個feeling.

收到之後又唔撚識用叫救命, 我幫佢研究咗成個鐘都搞唔撚掂（唔係話搞唔掂嘅, 只係覺得一啲都唔好用）, 真係好耐未試過一樣科技產品我係要睇說明書.

我忍唔住問佢點解唔鍾意ipad個feeling, 佢先答我唔鍾意嘅係個mon寫嘢個feeling, 我屌佢老母.

你早講呀仆街, 世上有樣嘢叫paper like screen protector...

佢聽我講完眼都凸埋, 結果而家又賣返出去, 前日收機收機到而家只係用咗唔夠兩粒鐘, 咁就蝕撚咗300.

連錢都未收到就𦧲我陪佢去買iPad, 有錢人諗嘢我哋啲窮撚真係...

老婆剛剛領養隻貓, 求名字

係新ipad準備announce舊又未減價之際......
C哥不經意地為泰妹刷出二次傷害

不如就叫K啦
張相個樣應該同K望住你想要想要個眼神差唔多

我叫佢買air佢唔聽, 要買 iPad 10, 699aud

咁佢買最平嗰部都好，起碼損傷有限

隻貓咁細仲未發育
過幾年有㗎喇
當佢係k咁培育返幾年先啦

其實一開始我就係嗌佢買呢部, 死唔聽要去買個部濕鳩boox

不了

比你條濕鳩boox得多
reader穩穩陣陣買kindle算啦

我自己本身係有興趣買kobo用嚟睇小說漫畫.

好彩泰妹以身犯險, 我即刻放棄咗呢個念頭